YESAYA 8:22 - Nanduk Ngget Tul Pidnak Wene

²² nggweyak nggwe mbel kagolat yuwa-t nde, nin nan ereba-ge yik kujwa bug-o. Are, anggun panggun kagwi mende min ndamuk nak worawi mende min lumu kumu rak onposo mende min nak inmbiriwak pem wolma-o. Ir-e anggun panggun irit kerenak wolma-o.

YESAYA 8:22 ပူးပေါင်းရင်းမြစ်များ

MATIUS 22:13

Iri ala-ge, nagawan na-nen ndegel ubugwi nap yak ondosolar-e: ’At yu-ge inggi ijok kere kamarak puruk ndamuk nak woraso sa iri me mbo bil nggwer-o. Iri me-ge yip nggu marogolat, eneyak nggirit marogolat woragwi sa-o’ luk yak indij-o.

MATIUS 8:12

Mbal Pem Nagawan-nen tenagaidnak wi na winde nab-et nde, mondok ndamuk arem iri me mbo unpuwama, yip langgu mbarogolat, eneyak nggirit marogolat wolma-o” luk yij-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

MATIUS 24:29

”Andi bandi rak unpuwa tarem iri na lak yosoluk ereya na-net molengen ndamuk yosolat, waneya na eyaya pil wagit lak yosolat, wonaru na mbal pem-nen mbuwasolat, teram amawi rak poso mende na nari wari mbosolat ma-o.

YEREMIA 23:12

Iri kwatli iri-nen ndowaga it untula-ge oro yosolat, ndamuksa muruk yosolat ma-o. Nde, it mburukmu-ge, unuwok mboloksa wosa mbuwa-o. It enpem angin worak purak tarem wok yosola-net an-nen-e it lak tak unpurak mende enpem pil lobok yimin-o. Nde, Nagawan Indo an-net yusu-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

NAM PARA WENE 16:10

Iri luk, aid nap misik (yang kelima) iri-nen-e at idmbe kenanggo na ndakngge isilepma worak iri-nen idnak koreyak woraso ondoro na bem kilik pidnggal-e, ndakngge isilepma worak iri-nen tenagaidnak wi oboksa-ge ndamuk yij-o. Iri yosola-ge, ap-nen-e andi bandi kwarat kagolar-e, enambik eneyak-nen enma yum nggatliga-o.

YESAYA 30:6

Nde, unta wam abare ena nggwe (selatan) worasu ereba wene-ge Nagawan Indo-nen-e yu nggal yij-o: ”Yewura-nen wirik inpil mbiridnak nap-nen it-nen idnak unta wam min enkelerai wam min ombolwak pem puruk, silobulo waruk mborogolar-e, o tula mondok enlengenwak lak tak purak nggwe, singa ndakngge min waro lese min waro naga isiyamu worak min worak ereba na nggwe-t waruk mbirigarik, waruk mbiriga ereba na-ge ap enlem mbi-nen it yongga undurag-e meya-t nde, ’Yongga nunduwa-o’ luk endam piga-o.

YESAYA 50:11

Kit ap erep lak tak unpurak pem enare pili nap wa-e. Kit-nen lak tak unpurak wene yimnili ereba-net lak tak kunpuwa-o. lri-ge Nagawan Indo-net kwat konposolar-e, kir-e andi bandi kwarat kenpem mberak puwa-o. 51:1-23 Pasal yu arem-e Mbal Pem Nagawan ilirak inndi yangunurak wene min it inmiri yosolat, kona nin nggal ngget tak onposolat yurak urul pid wene min mbarak worasu-o.

MBIRIGA WENE 10:21

Nagawan Indo-nen Musa yak tosolar-e: ”Kinggi teram nggwe nuk ki-o. Iri yosola, o Mesira yu me mondok ndamuk mom ki rak irit wolma-o” yak tij-o.

MBIRIGA WENE 10:22

Yosoloma, Musa-nen inggi teram nggwe ligik posoloma, Mesira wi oboksa mondok ndamuk mom ki rak irit woralat kenan nene yiga-o.

YESAYA 50:3

An-nen mbal-e muruk tak pukmu, mbal-e mom ki yusu iri-ge inndi yabi kalok yogolat-nen yurugwi sum nggal kwat yusu-o” luk yij-o.

YESAYA 60:2

O yu-ge ndamuk-nen muruk tak puruk worasu-o. Ap enlem oboksa-ge muruk tak unpuruk worasu-o. Alat nde, Nagawan Indo eyaya-ge kit kenanggul pem kenangga pil wuma-o. Nagawan Indo woralat-nen eyaya yoso-ge kit kenanggul pem nam yuwa-o.