YESAYA 8:18 - Nanduk Ngget Tul Pidnak Wene

¹⁸ An min Nagawan Indo-nen wok niridnak nilirak yeba min-e Nagawan Indo Mondok Amawi Worak Sion Ndobo bem-nen iri bem-nen o tena worasu iri na-nen kit Isarael nap-nen yenggerak pobokluk wirik nenpamu-o.

YESAYA 8:18 ပူးပေါင်းရင်းမြစ်များ

NDAK WIRIDNAK WENE 33:5

Iri luk Esau-nen kwami ereya na min li marik min eneyarug-e: ”Kat kimin yeba-ge tarag-o?” yosoloma, Yakup-nen onggo yosolar-e: ”Yeba-ge an nilirak, Mbal Pem Nagawan-nen wok niridnag-er-o” yak tij-o.

NDAWI ENGGA 22:30

Ap it inmbirik unluk wolma nap-nen-e Nagawan Indo at nak kek tak obogolat wolma-o. At owene-ge ap pem lud-nen wigarogolat wolma-o.

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

YESAYA 7:16

Iri nggal kwat yigit lak worala-ge, kat-nen enaye kasu nagawan mberen ereya na-nen tena worali unuwi ereya-ge o nak kugun ngguma-o.

YESAYA 7:3

Nagawan Indo-nen Yesaya yak tosolar-e: ”Kar-e kambara Seat Yasup imin luk mburugundik, Nagawan Agas imin lambuk min-o. Nde, nagawan iri-ge yi emnde mbaridnak iri na mboroso pud erep pem sum yakwi sa iri me kagun-o.

YESAYA 8:3

Siyak worarug-e, an nogwe na-ge abila yij-o. Nde, nenla iri ndesa mbosola-ge, Nagawan Indo-nen an yak norosolar-e: ”At unu yarosolar-e: ’Ndag-et nak Mengga Wanugwi, Ndag-et nak Ndena Wanugwi’ irit yari-o.

LUKAS 2:18

Yak ondogolikma-ge, lomba wam yik karok woragwi nap-nen kiringgiga wene na kulurug-e, it oboksa-ge wi langgu mbariga-o.

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

IBERANI 10:33

Iri kwat konpogolar-e, nin tarem-e ap inmbiri bem-et nggweyel konpogolat, kondogolat yiga-o. Nde, nin tarem-e kit nap ereb-e iri nggal kwat onpogola, kir-e it inmin lambuksa andi bandi kaidnak nggal-et kagwi-o.

IBERANI 12:22

Alat nde, iri-ge kit-nen wok yogolar-e, Sion ndobo bem urug-et woraso Mbal Pem Nagawan uwi siri, aid arem wi Yerusalem iri me-ge aid nap kere kwarat woragwi sa iri me-t wok yigeb-o.