YESAYA 8:11 - Nanduk Ngget Tul Pidnak Wene

¹¹ Nagawan Indo amawi an nebem mbosolat-nen an-e it ap enlem iri-nen mbitli tula iri nggwe mburuwa naru nggomo norosolat-nen yosolar-e:

YESAYA 8:11 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:46

Ereya na-net Nagawan Indo-nen Elia iri na amawi wok tosolar-e, usum leyok sum iri na yunggusa pesera abam nggwe pil lasolug-e, abare kamarak purug-e, at nanduk pong kid kid Yisiriel o pak tumende bem Akap abuwok nanduk wok yil mbirij-o.

NDAWI ENGGA 32:8

Nagawan Indo-nen yosolar-e: ”An-nen-e kat-nen mbururak tula mirik kobosolat, an-nen nggomo korosolat-nen an nerengen-e kebem-et woramin-o.

NGGOMO WENE 1:15

Iri nggal yak korogola-ge, nambara wa-e. Ap ereba nggal-e mondok inmin mbururak pug-o. Mondok inggi mbara karig-et wolmomtag-o.

YESAYA 30:1

Nagawan Indo-nen yosolar-e: ”Yewura nap ennggendumu enne kulugwi nab-e an nimin eyak witli me, mondok enabuwa worag-o. It iri-ge an nindi-nen peragit lak, it inndi-nen pidnak nak langgal luk mbitli-o. It iri-ge an nindi-nen peragit lak, ’Ereba na kwarul-o’ luk urul pogolat ininggi amburu pili-o. Iri kwarogolar-e, it meya yidnag-e kwarat ligik lasu-o.

YEREMIA 15:19

Iri yosola, Nagawan Indo-nen onggo yak norosolar-e: ”Kat-nen nde tuguruk lobok yosola-ge, an-nen-e wog-et kibimin-o. Wok kuburug-e, tuguruk an ndegel noboso nap tak kibimin-o. Kat-nen nde ebe lak kenesiget wene keya buruk, ndemeret ebe worak wene-t yak ondosola-ge, kar-e tuguruk an nene lomboksa yoso nap tak kibimin-o. Iri yosola-ge, ap-nen-e kat keram nde lobok yogolat wolma-t nde, kat-nen-e it endam-e mburugun pug-o.

YEREMIA 20:7

Nagawan Indo wa-e. Kat-nen an namberam lasola, an-e namberam lanokluk, larok yigi-o. Kat kamawi-ge ombol nggwe terak minig-et me, an-e kat keram teberak nibigen-o. Ap oboksa-nen an pesel nobogolat, enlengenma nggal tak nobogolar-e, kuplila-nen tel kwiridnak, keyama yusu-o.

YEREMIA 20:9

Alat nde, an nindi arem-nen yebet kasolar-e: ”Nagawan Indo iri-ge meme rak posolat, at unu bem an-nen at-nen yidnak wene yusu iri-ge mondok keya beyeg-o” luk yebet kasolar-et nde, kat-nen nebem pidnak wene-ge kanduk nggal kererak an nindi arem worasu-o. Narem nak wolmakluk mamak pusu-t nde, an-nen mamak purag-e meya yusu-o.

YESKIEL 3:14

Iri yosoma-ge, Nagawan Indo Amawi Mondok Kwiye Worak irit an nebem mbuwasolar-e, kud norosolat ereya na-net Konak Indi-nen wok nuburuk mborosola-ge, mondok nindi min ngari luk, nisilepma yigi-o.

YIDNAK YIDNAK WENE 4:20

Alat nde, nit-nen kaidnak wene min nit-nen kulidnak wene min iri-ge yik tenak wulmul-o” luk yak indiga-o.