YESAYA 8:10 - Nanduk Ngget Tul Pidnak Wene

¹⁰ ”Iri nggal kwaruwog-o” luk, wene mbarer-o! Alat nde, iri-ge oboksa ebe kwat ma bug-o. Mbal Pem Nagawan-e nit ninmin worala me, kit-nen wene nggaruk tak pugub-et nde, meya ebe lak nde ma-o.

YESAYA 8:10 ပူးပေါင်းရင်းမြစ်များ

NDAK WIRIDNAK WENE 21:22

Ereya tarem-e Nagawan Abimelek min at-nen idnak esan ombo ereba na onowe Pikol min-e Abarakam eram lobok yogolat-nen yogolar-e: ”Kat-nen yi kwatlik ndi kwatlik kwarusu ereba-ge Mbal Pem Nagawan-net yongga kurusu-o.

2 SEMUEL 15:31

Nde, ap-nen yak togolar-e: ”Agitopel min-et Apsalom ambigit mbirij-o” yogola karuk, Ndaut-nen tepan yosolar-e: ”Nagawan Indo wa-e. Agitopel-nen nggomo yak tuwa ereba-ge ebe lak yaga keya bi-o” luk yij-o.

2 SEMUEL 17:23

Nde, Agitopel na-nen yik kagaidnggal-e, at-nen yidnak wene-ge mondok nggarugwi buk ala karug-e, kelerai wam ombolwak pem kore yogolat-nen puruk kore yugwi ondoro iri na kelerai wam ombol pem puruk ebem kore luk, at ambik ama mberarig-e, at-nen kwarurak mururak ereba na ndegera kwatlug-e, ambikpebe urusuwak ngonoksa tiong yamu, at owe owot yapma unpugwi sa iri na me yapma ibiga-o.

2 SEMUEL 17:4

Yosoloma-ge, Apsalom min Isarael nap ennggendumu enne kulugwi nap oboksa-nen-e: ”Ob-et yij-o” luk peraiga-o.

2 NAGAWAN NAGAWAN-NEN KWARIDNAK WENE 6:12

Iri luk kin wanosola, ap wim wari ereba na ennggendumu ap misik-nen onggo yosolar-e: ”Nagawan wa-e. Ap misiger-o luk mbi-nen iri kwatli bug-o. Are, Mbal Pem Nagawan ene lomboksa yoso nap Elisa iri na-nen-e kat nene yoso sa-nen wene kuraga yusu-t nde, oboksa Isarael nap nagawan iri na yak tosola-nen aru yusu-o” luk yij-o.

AYUP 5:12

Inndi tenggerak nap-nen: ”Iri nggal kwaruwog-o” luk yidnak ereba na-ge ebe lak tak posolat, ir-e inndi tenggerak elem iri na-net enmberam laso rak poso-o.

NDAWI ENGGA 46:1

Mbal Pem Nagawan iri-ge nit kurak yugwi nondoro min nenmawi elem min-nen yusu-o. Mangonokma rak ninpidnak woragola-ge, at iri-ge yongga nundurag-e pempa ndak lid lud tak puruk woraso-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:7

Nagawan Indo amawi worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:8

Nagawan Indo-nen kwaroso mende nggweyakma yu me kwiye worak kwarusu yeba kabok-nen lobok yer-o.

YESAYA 28:18

Iri kwarosolar-e, kit-nen wat yugwi elem min ”Iri nggal kwat nunpurag-o” luk urul pigep min ap watluk ndok wiril mbugwi sa imin kinndi misiget tak pigep min ereba na-ge yugwi rugwi mbuwa-o. Iri yuwama-ge, lak tak onposo mende lobok yosolar-e, yigisa liring tak kunpuwa-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 43:5

An-nen nggetlel kuburuk worasu me, kwiye yusu-ge meyog-o. Kat kilirak-nen ndagidnak konmborag-e mo mboso (barat) nggwe-nen, mo luwaso (timur) nggwe-nen wirik inpil lobok yumu, ndok wiril lobok yuwa-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 8:8

Yewura nab-e yemen unpuwa-o. Iri yosolar-e, yi-ge inilusuwak kuri irit yosolar-e, yi mende ndi mende oboksa yumnduwa-o” luk yij-o. Mbal Pem Nagawan-e nit ninmin worasu-o! At isiyamu-nen wigaktak puruk, nit nunuwi siri-ge yemndak ninmiri mbarak irit wolma-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YOEL 3:9

Wene yu-ge ap oboksa ennggendumu kuluwakluk yak undurag-o: ’Wim nggurak lid lud tak per-o! San ombo enmawi worak yonggo unpuruk, san wari oboksa min kenmawi kunduruk mondok kenanggul tak per-o!

WONARIDNAK WENE 14:9

Kir-e Nagawan Indo imin wene eyak worogolat, o iri me woragwi nap enaye yili-ge meyog-o. Nit-nen it urugwe nggwe rak unpurag-e, te-nen yusu-o. Nde, it inmiri yoso kugwi-ge mondok keya enpamu-o. Nde, nir-e Nagawan Indo-ge ninmin worasu-o. Iri ala, kir-e kwiye yili-ge mondok meyog-o” luk yak indiga-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

OROMA 8:13

Kir-e ki nap-nen kwarugwi mende nak kwarugup nde ala-ge, wat yugub-o. Alat nde, Konak Indi bem-nen kit kenpe-nen kwarugwi mende worak pugup nde ala-ge, kunlug-et woragub-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

TUGURUK YIDNAK WENE 20:1

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.