YESAYA 7:7 - Nanduk Ngget Tul Pidnak Wene

⁷ Alat nde, Nagawan Indo an-nen nam-et yak kereyeg-o. Iri yili-t nde, iri-ge mondok kwat ma bug-o.

YESAYA 7:7 ပူးပေါင်းရင်းမြစ်များ

NDAWI ENGGA 33:11

Alat nde, Nagawan Indo-nen ”Irit kwarimin-o” luk yemndak pidnak iri-ge pem irit woraso-o. At indi arem-nen yemnak pidnak iri-ge tugup lak pem irit woralik nalik woraso-nen yusu-o.

YESAYA 28:18

Iri kwarosolar-e, kit-nen wat yugwi elem min ”Iri nggal kwat nunpurag-o” luk urul pigep min ap watluk ndok wiril mbugwi sa imin kinndi misiget tak pigep min ereba na-ge yugwi rugwi mbuwa-o. Iri yuwama-ge, lak tak onposo mende lobok yosolar-e, yigisa liring tak kunpuwa-o.

YESAYA 7:1

Nagawan Agas iri-ge Usia-nen ndagid Yotam iri na ambara-o. Nde, at Nagawan Agas iri Yewura nap ennggendumu nagawan worala tarem-e it ennggendumu wim ngak yosolar-e, Siria nagawan Eresin min Isarael nagawan Peka na-ge Eremalya ambara iri na min lambuksa lobok yogolar-e, Yerusalem enpem kore yiga-t nde, o Yerusalem iri na-ge wanurak meya yij-o.

YESAYA 7:6

It-nen-e Yewura bem mbud yogolar-e, iri me woragwi nab-e mondok kwiye rak onpogola, it oboksa it enambigit yogola-ge, Tabel ambara iri na nagawan mendak purag-o luk wene mbariga-o.

YESAYA 8:10

”Iri nggal kwaruwog-o” luk, wene mbarer-o! Alat nde, iri-ge oboksa ebe kwat ma bug-o. Mbal Pem Nagawan-e nit ninmin worala me, kit-nen wene nggaruk tak pugub-et nde, meya ebe lak nde ma-o.

NDANIEL 4:35

Nggweyakma yu me worali nap oboksa-ge ebe lak mende-nen yusu-o. Aid nap aid arem worali min ki nap nggweyakma yu me worali min-e Mbal Pem Nagawan inggem nak worali-o. Ap misiger-o luk mbi-nen Mbal Pem Nagawan indi-nen pidnak lugud tak purak iri-ge meya-nen yusu-o. Ap-nen ’Kar-e no kwarusu-o?’ luk, kwiye lag-et at yak turag-e meya-o.