YESAYA 7:4 - Nanduk Ngget Tul Pidnak Wene

⁴ Nde, kat-nen-e yu nggal yak ti-o: ’Kar-e kwiye yilik, kindi kabak yilik iri-ge yurak pug-o.’ Nagawan Peka min Nagawan Eresin min at-nen idnak esan ombo Siria nap inmin-nen insilepma yili iri-ge kan ondom ndom mberen kule lasolat woraso iri nggal me, it iri-nen kunduwa-ge lag-o.

YESAYA 7:4 ပူးပေါင်းရင်းမြစ်များ

YESAYA 30:15

Nagawam Indo Mondok Kek tak, Isarael nap Enmbal Pem Nagawan mondok marak iri na-nen at ilirak yak ondosolar-e: ”Kir-e meya kwarugwi keya buruk, wene lak kindiyabu wolmer-o. Iri kwarogola-ge, an-nen kinmiri-t yimin-o. Kit-nen nde yamuksa-t woragolat an nebem-et kinndi wat tak puruk woragola-ge, an-nen amawi rak kunpurak worala-t nde, kit-nen-e kinsili yili-o” luk yak indij-o.

YESAYA 30:7

Mesira nggal-nen yongga undurak iri-ge ebe lak-nen yusu-o. Iri ala karuk, an-nen Mesira unu yarosolar-e ’Naga abiru nggelak eyak lak’ luk unu yarigi-o” luk yij-o.

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 7:1

Nagawan Agas iri-ge Usia-nen ndagid Yotam iri na ambara-o. Nde, at Nagawan Agas iri Yewura nap ennggendumu nagawan worala tarem-e it ennggendumu wim ngak yosolar-e, Siria nagawan Eresin min Isarael nagawan Peka na-ge Eremalya ambara iri na min lambuksa lobok yogolar-e, Yerusalem enpem kore yiga-t nde, o Yerusalem iri na-ge wanurak meya yij-o.

YESAYA 7:8

Nde, Siria iri na amawi-ge uwi siri iminepma Ndamsik amawi ombol nggwe-nen yusu-ge lag-o. Nde, Ndamsik iri na amawi-ge Eresin amawi ombol nggwe-nen yusu-ge lag-o. Nde, Isarael iri-ge olengen enam pulu lima (65) ereya bem woragolar-e, Isarael iri-ge enarik tak nggilarak mbu ndi yogolat, ap enlem misik il kwasa wolma-ge mondok lag-o.

YESAYA 7:9

Nde, Isarael iri na amawi-ge uwi siri iminepma Samaria amawi ombol nggwe-nen yusu-ge lag-o. Nde, Samaria iri na amawi-ge it ennggendumu Nagawan Peka amawi ombol nggwe-nen yusu-ge lag-o. Kit-nen nde ndemeret kinndi an nebem wat tak woragit lak yugup pem-e mondok pak pugup pug-o” luk yij-o.

YESAYA 8:4

La iri awo nggok luk, ’Neid wa-e. Niya wa-e’ yoso wok yigit lak ma-ge Ndamsik-nen yidnak yi mende ndi mende oboksa min Samaria-nen kugun pem wanidnak silobulo oboksa min ereba na-ge Asiut nagawan iri na eram mburunuruk mburuwa-o” luk yij-o.

YESAYA 8:6

”It ap enlem yu-ge yi waru ene lak nabu nabu mburusu Siloa iri na-ge keya buruk, Nagawan Eresin min Nagawan Peka min nde inndingen tak inpili-o.

AMOS 4:11

Kit kennggendumu ereb-e Sorom min Nggomora min lak tak inpigi iri na nggal lak tak kinpigi-o. Iri kwarosolat, erep keya kinpidnak iri-ge kan nasoma, kisirik pugwi nggal, kisirik kinpidnak nggal-nen yusu-o. Iri nggal-et kwat kinpidnag-et nde, tuguruk nden karuk an neram lobok yigit lak yigeb-o.

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.

MATIUS 10:28

Kinndi-ge wirigit lak, we kenaboro nak wururak nap iri-ge enaye kudtak pug-o. Are, kan mare arem-nen kenpe min-et kinndi min-et lak tak kunpurak Mbal Pem Nagawan nak aye kudtag-o.

MATIUS 24:6

Kit-nen-e wim pogolat san ene tup min kologolat-e, wim obok kologolat yugub-et nde, kwiye kudtak pug-o. Iri nggal kwat ma-t nde, i worok tak posolat-nen kwat ma-ge lag-o.

1 SEMUEL 17:32

Saul eram wok yosolat-nen Ndaut-nen yosolar-e: ”Nagawan wa-e. Nir-e Pilisin nap iri kwiye yurak pug-o. Ndegel koboso nap an-nen ebem kore yimin-o” luk yij-o. Yosoloma, Saul-nen at yak tosolar-e: