YESAYA 7:2 - Nanduk Ngget Tul Pidnak Wene

² Nde, Yewura nagawan iri na-nen kulidnggal-e, ”Siria nap san ombo-ge Isarael nap inmin lambuk yil ngguwagolat, Isarael nap enma worali-o” yogola kulurug-e, nagawan iri na min at-nen tenagidnak wi woragwi nap inmin-e kwiye kwarat yogolar-e, o wija-nen e sil kasola, lele yoso nggal yot kot mbiga-o.

YESAYA 7:2 ပူးပေါင်းရင်းမြစ်များ

2 SEMUEL 7:16

Kat-nen wigarag-e pempa wolma-o. Nde, an-nen-e kat-nen tenagidnak wi-ge pem irit wolmakluk tena woramin-o. Tena worala-ge, kat-nen wigarag-e pem irit nagawan irit wolma-o’ yij-o luk yak turag-o” luk Natan yak tij-o.

1 NAGAWAN NAGAWAN-NEN KWARIDNAK WENE 11:32

’Enlem misig-e an ndegel noboso nap Ndaut min Isarael nap unuwi oboksa enggendumu-nen an nuwi siri rak pigi Yerusalem iri na min ebem nindi yebet karug-e, Isarael nap enlem misiget nak Salomo tena wolma-o.

1 NAGAWAN NAGAWAN-NEN KWARIDNAK WENE 12:16

Isarael nap ereba-nen yik kaiganggal-e, nagawan iri na-ge it enne-ge kuligit lak ala karug-e, Isarael nap oboksa-nen enne nggoksa yogolar-e: ”Ndaut min at-nen wigarak min-nen-e nit Isarael nab-e no kwat nunpugwi-o? Abalombog-o! Nenma mburuwog-o! Ereabeam iri-ge at abalombok nak-nen kwaruwag-o” yogoluk, Isarael nab-e enma mbiriga-o.

1 NAGAWAN NAGAWAN-NEN KWARIDNAK WENE 13:2

Nagawan Indo-nen yidnak pem-et ene nggoksa wam wosa kan pugwi ondoro iri na yak tosolar-e: ”Kat wam wosa kan pugwi ondoro yu-ge wa-e. Wam wosa kan pugwi ondoro kat yu-ge wa-e. Nagawan Indo-nen-e yu nggal yij-o: ’La marik mbi unu-ge Yosia Ndaut-nen nderak pem-nen ndesa mbuwa-o. Wam wosa kan pugwi ondoro wa-e. Kat kebem-e Yosia-nen-e kugwiwak amanggim kan pugwi tepan ombo kugwiwak erembel wanugwi sa-nen kugwiwak amanggim wosa kan pugwi nab-e kat kebem wosa kan onposolat, onowak min-et kebem kan puwa-o’ yij-o” luk yak tij-o.

YESAYA 6:13

O siri iri me enpe sepulu woragwi-nen nde ereya na lak yogolat, misiget nak nde worala-ge, iri na lak tag-et pimin-o. E ndaridnag-et nde, undugul pem isit worasu iri na nggal it ap iri na enlem-e abok woragotlat, woma iri na-ge nandug-et tel korogolat Mbal Pem Nagawan ilirak marak irit kwat ma-o” luk yij-o.

YESAYA 7:13

Iri yosoloma, Mbal Pem Nagawan ene lomboksa yoso nap Yesaya-nen yosolar-e: ”Iri ala-ge, Nagawan Ndaut-nen wigarak wa-e. Kwara koler-o! Kir-e ki nap-nen mamak puruk woragwi iri na inndi ngatli-ge te rak puruk, Nembal Pem Nagawan-nen mamak puruk woraso iri na min-et indi ngatli-a?

YESAYA 7:17

Nanduk Isarael min Yewura min ngara mberen yogolat-nen anggun panggun kerenak woraiga kuri-nen yawo kuri-nen kagolat worali-ge te-t nde, Nagawan Indo-nen-e Asiut nagawan iri na pil lobok yuwama, kat min kowe kowot min kat kuwokma woragwi nap min-e o nda yidnak irit wosa mondok anggun panggun kwiye worak kagolat woragup iri-ge terak minik-net yusu-o.

YESAYA 7:5

Nde, Siria nap-nen-e Isarael nap min it-nen idnak nagawan min inmin kundurak wene mbariga-o.

YESAYA 8:12

”It-nen meya kwarurak pem wene mbaruwokluk ndok witli iri-ge kar-e inmin ndok wururak pug-o. Nde, it-nen kwiye yili iri na-ge kat-nen na iri na kwiye yurak pug-o.

MATIUS 2:3

Nde, Nagawan Erores-nen wene iri na kuluruk yarig-e, wendet yij-o. Wendet yosoloma, it Yerusalem woragwi nap oboksa-nen na wendet yiga-o.