YESAYA 7:14 - Nanduk Ngget Tul Pidnak Wene

¹⁴ Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 7:14 ပူးပေါင်းရင်းမြစ်များ

NDAK WIRIDNAK WENE 16:11

Kar-e yanem yeba-t li ap mbi ndakun-o. Nde, kat-nen yip tigen iri-ge Nagawan Indo-ge abu kulidnak me, kat kambara unu-ge Ismael yari-o.

NDAK WIRIDNAK WENE 29:32

Lea na abila luk, li ap misik ndaguruk-nen yosolar-e: ”Nagawan Indo-ge an-nen anggun worasu-ge neyagij-o. Nde, yawo-ge an nun-nen-e an nabuwa kujwa-o” luk, la na unu-ge Uruben yarij-o.

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAK WIRIDNAK WENE 30:6

Arakel-nen yosolar-e: ”Mbal Pem Nagawan-nen wene mot mot nak nebem mbarosolar-e, an-nen nggi yak tigi wene kuluruk, nambara wok nirij-o” luk la na unu-ge Ndan yarij-o.

NDAK WIRIDNAK WENE 30:8

Arakel-nen yosolar-e: ”An-e nambap min yig mbarosolar-e, mondok kwarat namawi kwindigi an-net ombol nggwe yigi-o” luk la na unu-ge Naptali yarij-o.

NDAK WIRIDNAK WENE 4:25

Aram ogwe min-e li ap mbi ndaiga-o. Ndagurug-e, Awa-nen yosolar-e: ”Kain-nen wirid Abel iri na ondolma nambara mbi wok nirij-o” yij-o. Iri ala karug-e, Awa-nen-e la na unu-ge Set yarij-o.

1 NAGAWAN NAGAWAN-NEN KWARIDNAK WENE 13:3

Iri yak tosoluk erep min-et yosolar-e: ”Wam wosa kan pugwi ondoro yu-ge mijara langgu yosolat, mabe-ge kuluksa mbuwa-o. Iri kwaruwa iri-ge kat-nen yebet kasolar-e: ’At yu-ge Nagawan Indo-net ebem pamu yid kagi’ luk karu makluk-nen kwaruwa-o” luk yak tij-o.

NDAWI ENGGA 46:8

Nagawan Indo-nen kwaroso mende nggweyakma yu me kwiye worak kwarusu yeba kabok-nen lobok yer-o.

YESAYA 8:10

”Iri nggal kwaruwog-o” luk, wene mbarer-o! Alat nde, iri-ge oboksa ebe kwat ma bug-o. Mbal Pem Nagawan-e nit ninmin worala me, kit-nen wene nggaruk tak pugub-et nde, meya ebe lak nde ma-o.

YESAYA 8:8

Yewura nab-e yemen unpuwa-o. Iri yosolar-e, yi-ge inilusuwak kuri irit yosolar-e, yi mende ndi mende oboksa yumnduwa-o” luk yij-o. Mbal Pem Nagawan-e nit ninmin worasu-o! At isiyamu-nen wigaktak puruk, nit nunuwi siri-ge yemndak ninmiri mbarak irit wolma-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

YEREMIA 31:22

An-nen yidnak yidnak kwarugwi buk kenlem yu-ge wa-e. Kir-e mepme-nen kinndi mberen kwat tenak woragwi iri-ge keya bugub-o? Nggweyakma yu me an-nen misik mende ngget mbi ndak wosa posolar-e, ki mul mul nin nggal-et kwami-nen ap kura unpugwi nggal-et kwarak pigi-o” luk yij-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

LUKAS 1:31

Kar-e kabila luk, li ap mbi ndakun-o. Nde, unu-ge Yesus irit yarugun-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 2:12

Nde, yu bem-nen kenaru yugub-o. Mburugupndig-e, la nggisiya mbi sum-nen perena keya buruk, sapi wam mburu naso ondoro e mbet-nen konidnak iri me mbinggirik nde kagub-o” luk yak indij-o.

LUKAS 20:44

Iri ala-ge, Ndaud na-nen Kerisut imin-e: ’Kar-e an-nen idnak Nagawan Indo-nen yusu-o’ luk yid ala-ge, Kerisut iri na-ge ngge rak puruk-nen Ndaud ambara-o luk yurag-o?” luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

WENE MBENARUGWI NAP-NEN KWARIDNAK WENE 6:36

Nde, Nggireyon-nen Mbal Pem Nagawan yak tosolar-e: ”Nagawan Indo wa-e. Kat-nen yak norosolar-e: ’Isarael nap wisirik onponok-nen an-e yongga kirimin-o’ yigen nar-o.

1 SEMUEL 1:20

Ana iri na-ge abila lug-e, liap misik ndagij-o. Ndaguruk unu yarosolar-e: ”La yu-ge an-nen Nagawan Indo ebem nggi yigi-o” yosolar-e, unu-ge Semuel irit yarij-o.

1 SEMUEL 4:21

La iri na ndaguruk-nen-e: ”Mbal Pem Nagawan abinal-e Isarael nap ennggendumu-nen lak yij-o” yosoluk, la unu-ge Ikabot yarij-o. Nde, iri yarid iri-ge urul pidnak wene labu mbarak iri na mengga wanogolat, un eid min un min wat yogolat yiga-o peraruk-nen iri yarij-o. Iri ala-nen at-nen yosolar-e: ”Mbal Pem Nagawan-nen idnak urul pidnak wene labu mbarak iri na-ge mengga wanidnak me, kek tak Mbal Pem Nagawan abinal iri na-ge Isarael nap ennggendumu-nen lak yamu-o” luk yij-o.