YESAYA 7:12 - Nanduk Ngget Tul Pidnak Wene

¹² Yosoloma, Agas-nen onggo yosolar-e: ”An-e yenggerak purak mende-ge mondok nggi yimin pug-o. An-e Nagawan Indo indi ngarurak iri-ge mondok nimbir-o” luk yij-o.

YESAYA 7:12 ပူးပေါင်းရင်းမြစ်များ

YESAYA 7:11

”Kat-nen Nagawan Indo Kembal Pem Nagawan nggi yak tosolar-e, ap watluk ndok wiril mbugwi sa ena nggwe woraso mende bem ala na, mbal pem teram nggwe woraso mende bem ala na, kat-nen yenggerak wolmomtak pem mirik kubuwakluk, Nagawan Indo nggi yak ti-o” luk wene wosa bij-o.

YESAYA 7:13

Iri yosoloma, Mbal Pem Nagawan ene lomboksa yoso nap Yesaya-nen yosolar-e: ”Iri ala-ge, Nagawan Ndaut-nen wigarak wa-e. Kwara koler-o! Kir-e ki nap-nen mamak puruk woragwi iri na inndi ngatli-ge te rak puruk, Nembal Pem Nagawan-nen mamak puruk woraso iri na min-et indi ngatli-a?

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MALEAKI 3:15

Nit nondomok nenlengen-nen kali-o. Ap inndi kek tag-et nde, inmbiringgat worag-et worali-o. Nde, meya yugwi nab-e ebem lud nde imbiringgat worak yosolat, nde, it-nen meya kwarugwi ereba na bem-nen Mbal Pem Nagawan-nen mamak puruk woraso iri na abut mbarukmu-ge, ir-e wene lak, terag-et mborogola kali-o’ yili-o” luk yij-o.

YIDNAK YIDNAK WENE 5:9

Yosoloma-ge, Peterus-nen yosolar-e: ”Kit kenmbereg-e kinndi misiget luk, noluk-nen Nagawan Indo Indi na indi ngarurak wene mbarigeb-o? Yu nde ki-o. Kat kun yapma piga nap unuwok ene mbirib-e tumende bem wok yili yur-o. Kat na en wat kuburuk mburuwa-o” luk yak tij-o.

1 KORINTUS 10:9

It erep iri-nen Nagawan Indo indi ngarogola-ge, waro-nen ondosola wat yidnak me, nit-nen na Nagawan Indo indi ngarurag-e meya-o.

TUGURUK YIDNAK WENE 6:16

O Masa-nen kwarigep iri na nggal Nagawan Indo indi ngarurak pug-o.