YESAYA 66:3 - Nanduk Ngget Tul Pidnak Wene

³ Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

YESAYA 66:3 ပူးပေါင်းရင်းမြစ်များ

NGGOMO WENE 15:8

Nagawan Indo-nen-e konak nap-nen tepan yili-ge kulusu-o. Alat nde, meya yugwi nap-nen at amanggim pidnak mende-ge isili rak nde pusu-o.

YESAYA 44:19

Kugwiwak iri na ndak worosolar-e, indi-ge yebet kagit lak-nen kwaroso-o. At-nen-e yu nggal yurag-e yebet kaso bug-o: ”An-nen iri kwarosolar-e, e erep minggirig-e kan maburuk, kan engen pem-e an-nen norak oroti min uno min woragoso-o. Nde, e iri na erep mbarag-e kugwiwak ndak wosa bigi-o. Iri ala-ge an-e e ereba na erep mbarag-et erembel wanusu-o!” luk yebet kagit lak-nen kwaroso-o.

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YESAYA 65:12

Kir-e an-nen wene mbo konposola-ge, nene erep nggarigit lak yogolat, an-nen wene yak kondosola-ge, nene kuligit lak yogolat kwarugwi me, kit oboksa-nen mondok insilepma kundugu mondok kondogolat, lak tak kunpuwa-o. Kir-e an nene tarak puruk, meya kwarurak nak nggok tak pigeb-o.

YESAYA 65:2

An-e pempa nilirak wok unpurak iri-ge lud tak purak woraso-t nde, ir-e an nimin eyak nak worogolat, meya nak kwarogolat, ondomok inndi-nen pidnak nak kwarugwi-o.

YESAYA 66:17

Nagawan Indo-nen yosolar-e: ”Ap pidsa-nen kugwiwak erembel wanuwokluk, mat koraruk, kugwiwak woraso sa eyapmu ereba nggwid nggwid mburugwi nab-e wam uno min wuningga min ondok angin yoso mende min nunggwi nap inmin-et mondok lak tak unpuwa-o.

YEREMIA 6:20

No manggim-nen ir-e an namanggim emben konak kemenan-e o Seba-nen waruk lobok yogolat, undu rak pugwi mende-ge o nin sa-nen waruk lobok yogolat kwatli-o? An-e it-nen an namanggim pili mende-ge an-e nisili kasu-o. Iri-nen it-nen namanggim wosa kan pili na nisili rak pusu-o.

WENE MBENARUGWI NAP-NEN KWARIDNAK WENE 5:8

Nde, Isarael nab-e kugwiwak erembel wanugwi tel korogola-ge, Isarael nap enma-ge wim nggok yij-o. Iri yogola-ge, san ombo empat pulu ribu (40.000) ennggendumu ap misiger-o luk tet san-e wanigit lag-o.