YESAYA 66:2 - Nanduk Ngget Tul Pidnak Wene

² O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YESAYA 66:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:29

”Kar-e Akap-nen kondok luk, an neram tebe yusu iri-ge kasu, lak? Iri bem-e an-nen-e at uruk worala tarem-e lak tak onposo mende-ge ebem pil lobok yimin pug-o. Are, at ambara worala tarem-nen perak, lak tak unpurak mende-ge at ilirak enpem pil lobok yimin-o” luk yak tij-o.

2 NAGAWAN NAGAWAN-NEN KWARIDNAK WENE 22:10

Yak turug-e, Sapan-nen yosolar-e: ”Ilkia-nen-e engga yu wok neramu-o” yosoluk, Sapan-nen-e engga iri na-ge Isikia kuluwakluk wonarij-o.

2 NAGAWAN NAGAWAN-NEN KWARIDNAK WENE 22:11

Wonarosola, nagawan-nen kulurug-e, indi puru yosolar-e usum-e ndela bela keya bij-o.

ESERA 10:3

Iri-ge, ’Yawo nir-e enlem nin kweyap wanige yeba-ge mondok inlirak inmin ndegera langgara wirik unpul-o’ luk Mbal Pem Nagawan imbiri bem owak mbaruwog-o. Iri rak puruk, nir-e kat min Mbal Pem Nagawan enpem pidnak wene ereba na kwarugwi nap min-nen nenpem pugup wene ereba na ndak ndak nak kwarul-o. Iri yogolar-e, Mbal Pem Nagawan-nen idnak imiri mbarak pidnak wene nak kwarul-o.

ESERA 9:4

Nde, an-e nindi mbel tenak iri na me-t koreyak worasoma-ge, o iri na-ge keyama Nagawan Indo amanggim kan purak ndak yosoloma, ap lobok yogolar-e, an neram lop lop wiriga-o. Nde, it lobok yogolar-e, ap Mbabilonia iri me mbo inpidnak sa-nen lobok yidnak nap ereba na-nen meya kwaridnak pem Nagawan Indo-nen enpem mbud momtak ereba na yebet karug-e, mondok kwiye kwarat yiga-o.

NDAWI ENGGA 119:120

An-e kat kaye-nen lele yosolat, kat-nen ap enpem wene nggaruksa mbarugun iri na bem nindi-ge purung purung yusu-o.

NDAWI ENGGA 138:6

Kar-e mondok kek tak-net nde, ap mondok ebe lak no mende nggal-e kwara yebet eneyasu-o. Ap inndi kek yugwi nab-e kat kerengen pem-e kurak yuwa bug-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 51:17

Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

NDAWI ENGGA 51:19

Iri kwarugunmu-ge, kindingen tak poso mende kat kamanggim pogolar-e, wosa kan pugwi min ebis-et kan pugwi min pogola, kalen kagun-o. Iri-nen sapi kusi-ge kat kamanggim kan pugwi sa kan puwa-o.

YESAYA 40:26

Kar-e kerengen mbal nggwe lik karuk, kwara lombot pi-o! Wonaru ereba-ge ta-nen ndak worak pamu-o? Mbal Pem Nagawan-net san ombo nggal ereba-ge obo nesa poso-o. Wonaru ereba oboksa wonarag-e ar-e aru-o. Oboksa unu yarak woralat, arik tak unnu luk wene mbo onposo-o. Nagawan Indo amawi-ge mondok nggok me, wonaru ereba misiger-o luk lak momtag-e meya-o!

YESAYA 41:20

Iri yumu, ap oboksa-nen karuk, enaru luk-nen an nimin yogolar-e: ’Iri-ge Nagawan Indo abam-net kwaramu-o’ luk yuwa-o. It-nen kwara lombot puruk-nen yebet kagolar-e: ’Isarael nap Enmbal Pem Nagawan Mondok Marak iri na-nen kwaridnak pem-net kwat yamu-o’ luk yebet kujwa-o” luk yij-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

OSEA 11:10

Nagawan Indo-nen yosolar-e: ”An-nen singa ndakngge-nen kwaroso nggal nurum ene ngol yosolat it unuwim nap kwiye rak onposola-ge, an nilirag-e an nimbirig-et mburuwa-o. An nilirag-e mo mboso (barat) nggwe-nen an nerembel wanurak pem ndag-et ndag-et lobok yuwa-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

ABAKUK 3:16

Iri kwarigen wene kulurug-e, an-e lele yosolat, nindi min ndirij-o. Iri yosolar-e, mondok namawi lak, ndeyak irit yigi-o. Nowak uruna lasolar-e, kwara kondoksa mburusu bug-o. An-e an nimin wim mbarugwi nap ereba na Mbal Pem Nagawan-nen angin worak mberak puwa iri na-t yik karok nindiyabu worasu-o.

MATIUS 12:6

An-nen yak kendeyeg-o: Mbal Pem Nagawan uwi iri-ge nggulog-et nde, terak minik nggulok mende misig-e yu me worasu-o.

YIDNAK YIDNAK WENE 7:50

Yi mende ndi mende pidsa yeba-ge an ninggi-nen nak ndak wirigi-ge lag-a?” luk yij-o.’

YIDNAK YIDNAK WENE 9:6

Alat nde, kar-e menluk, o siri iri me mbiri-o. Mondok kat-nen kwarurak mende-ge yak kuruwa-o” luk yij-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

KOLOSE 1:17

Yi mende ndi mende ndak worak pigit lak ma-net ar-e worasor-o. Nde, yi mende ndi mende oboksa-ge at ebem-net worasu-o.