YESAYA 66:19 - Nanduk Ngget Tul Pidnak Wene

¹⁹ Nde, an-nen-e yenggerak purak mende mbi it ennggendumu pimin-o. It ennggendumu enpe marig-et nggal-e inmiri yimin-o. Nde, it iri-ge yi nap ndi nap enlem o erepma worali, an nobok na kulugwi buk, an-nen kek tak woraso na kulugwi buk, an namawi na kagwi buk ereba ennggendumu wirik onposolar-e: Tarisis wirik onposolat, Libia wirik onposolat, nde, Liria wirik onposolar-e, ap ininggi mbuk lembe min-et wirik inpimin-o. Tubal nggwe wirik onposolat, Yunani nggwe wirik onposolat kwarimin-o. Iri yumu-ge it-nen-e an nobog-e it enlem ereba ennggendumu wigaruwa-o.

YESAYA 66:19 ပူးပေါင်းရင်းမြစ်များ

YESAYA 52:15

Alat nde, yawo-ge ap enlem kwarat-nen at ebem wi yuwa-o. It-nen kagwi buk mende irit kagolat, yebet kagolar-e, nagawan nagawan-e wi yogolar-e, wene yurak meya ma-o” luk yij-o.

OROMA 15:21

Mbal Pem Nagawan engga bem-nen yosolar-e: ”At obok kulugwi buk nap-nen-e eyujwa-o. Nde, it kulugwi buk nap-nen-e enaru ma-o” luk yij-o.

YESAYA 55:5

Ap enlem nin kit na kenaru bug-et nde, wene mbo onpogola-ge, ndag-et nak kit kendam lobok yuwa iri-ge Nagawan Indo Kenmbal Pem Nagawan, Isarael Embal Pem Nagawan Marak an-nen-e kit kunnu worak tak kinpimin me, kendam lobok yuwa-o” luk yij-o.

YESAYA 60:9

Ereba-ge yi koma, Mbal Pem Nagawan ilirak o erepma-nen tuguruk enma lobok yogola, wok unpuruk lobok yusu-o. Lobok yogolar-e, Nagawan Indo Kenmbal Pem Nagawan erembel wanurak amanggim-et emas min perak min-et waruk lobok yili-o. Ereba-ge Isarael Embal Pem Nagawan Mondok Marak at ilirak kek tak unpuwakluk kek tak onposo iri na amanggim waruk lobok yili-o.

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

YESAYA 65:1

Nagawan Indo-nen yosolar-e: ”An-e enne erep nggarurak abu lid lud tak pigirik worala-t nde, an nilirag-e an neram tepan yigit lag-o. An-e it-nen nimin lambuk yurak lid lud tak pigirik worala-t nde, ir-e an nogore yigit lag-o. An-nen-e enne erep nggarosolar-e: ’An-e yu-o’ luk lid lud tak woragi-t nde, it ap enlem yu-ge an wene mbo nibigit lag-o.

YESAYA 42:4

Ar-e indi kabak yigit lak, tugup lak iri-net at-nen mot mot kwaroso elem iri na-ge nggweyakma yu me nggok tak puwa-o. O erepma nin sa woragwi-nen-e at-nen mul ondoso wene kulurak indingen ma-o” luk yij-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

YESAYA 49:22

Nagawan Indo Mondok Kek tak iri na-nen at ilirak yak ondosolar-e: ”An-nen-e ap enlem oboksa enpem pumu, it-nen kinlirak tuguruk inpil lobok yogolar-e, kinlirak li ab-e onmbol pem pak nggerasa waruk lobok yogolat, nde, kinlirak li kwami-ge yatka inpil lobok yogolat kwaruwa-o.

YESAYA 49:12

Nde, an nilirag-e erepma abare abam (utara) nggwe-nen mo mboso (barat) nggwe-nen abare ena (selatan) ambigit o Sinim-nen na lobok yuwa-o” luk yij-o.

YESAYA 49:1

O erepma woragwi nap wa-e. An-nen yidnak wene kologolat, an-nen yimin wene kwara yebet kagolat mer-o. An-e awo ndet yigit lak ma-net Nagawan Indo-nen wene mbo nobosolat, niya arem-net len nebamu-o.

YESAYA 43:6

An-nen-e abare abam (utara) nggwe min abare ena (selatan) nggwe min yak tosolar-e: ’An nilirag-e pem tena unpuruk wolmomtak pug-o. Ndag-et nak lera keya enper-o’ yimin-o. An nambararag-e erepma-nen lobok yogolat, an nararag-e nggweyak erep yoboksa-nen lobok yogolat ma-o.

NDAWI ENGGA 72:10

O Tarisis woragwi nagawan nagawan min yi terapmu woragwi nagawan nagawan min-nen-e silobulo we irit at wok til lobok yuwa-o. Arap min Etiopia min nagawan nagawan-nen-e we nagawan wok undugwi mende wok til lobok yuwa-o.

NDAK WIRIDNAK WENE 9:27

Nde, Mbal Pem Nagawan-nen Yapet na imbiringgat nambena wok tosolar-e, at wolmomtak sa terak nggok tak irit puwag-o! Nde, at-nen wigarag-e Sem-nen wigarak enmberek lambuksa wolmag-o! Nde, Kanan iri-ge Yapet indipma mumnggup manggi wolmag-o” luk yij-o.

YESAYA 42:12

It-nen-e Nagawan Indo nak kek tak ubuwag-o. O erepma nin sa nan sa-nen na at unu nak wigaruwag-o.

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.