YESAYA 66:18 - Nanduk Ngget Tul Pidnak Wene

¹⁸ An-e it-nen yebet kagwi min it-nen kwarugwi min-e mondok naru-o. An lobok yosolar-e, yi nap ndi nap enggep lombok-nen ndok worak enpeyekluk lobok yimin-o. It-nen ndok worogolat tarem-e an namawi-ge enlengen kujwa-o.

YESAYA 66:18 ပူးပေါင်းရင်းမြစ်များ

NDAWI ENGGA 139:2

An-nen kwaroso oboksa-ge kar-e karu-o. Kebe-ge erepma-net nde, an-nen yebet kaso oboksa-ge kar-e karu-o.

NDAWI ENGGA 67:2

Mbal Pem Nagawan wa-e. Kat kindi-n pidnag-e yi wi ndi wi oboksa-nen enaru yuwag-o. Nde, kat-nen inmiri yoso elem-e ap enlem oboksa ennggendumu nam mag-o.

NDAWI ENGGA 72:11

Nagawan nagawan oboksa at eram yud tud mbuwa-o. Ap enlem oboksa at ndegel ubugwi nap irit kwat ma-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

YESAYA 11:9

Mbal Pem Nagawan Ondobo marak Sion iri bem-e meya mende min lak tak onposo mende min mbi wolma bug-o. Yi koma yiriwak ena ud yi koma-nen kobong tak pid iri na nggal-et, yi wi ndi wi oboksa-nen Mbal Pem Nagawan owene nak kwarat enaru wolma-o. 11:10–27:13 Pasal yeba arem-e Mbal Pem Nagawan-nen-e Isarael nap min Yewura nap min entalu woraiga enlem nin nap-nen tena woragidnak wi enpem angin worak mende purak wene mbarak worasu-o. Iri-nen Mbal Pem Nagawan erembel wanugwi ndawi mberen min Mbal Pem Nagawan ilirak-nen yane worogola, inmiri yuwa wene min-et mbarak worasu-o.

YESAYA 2:2

Nde, abok woragolar-e, ndobo amun Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na min anggul pem tugup lak nggasesa menluk keya buwa-o. Nde, iri yosola-ge, ap enlem oboksa-nen nggwid nggwid nggubunuruk at ama iri me mburuwa-o.

YESAYA 40:5

Iri yosola-ge, Nagawan Indo abinal-e nam tak puwa-o. Iri yosola-ge, nggweyakma nap oboksa enlengen-nen kujwa-o. Ndemeret Nagawan Indo-net urul pusu-o” luk ene misik-nen yusu-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.

YESAYA 55:8

Nagawan Indo-nen yosolar-e: ”An-nen yebet kaso-ge kit-nen yebet kagwi nggal-e lag-o. An-nen kwaroso-ge kit-nen kwarugwi nggal-e lag-o.

YESAYA 65:2

An-e pempa nilirak wok unpurak iri-ge lud tak purak woraso-t nde, ir-e an nimin eyak nak worogolat, meya nak kwarogolat, ondomok inndi-nen pidnak nak kwarugwi-o.

YESAYA 66:10

O siri iri na abuwa kagwi nap oboksa wa-e. Yerusalem min-et kenalin kenalen mber-o. At abuwa-nen kinndi puru rak woragwi oboksa wa-e. Yawo-ge at min-et kenalin kenalen yer-o.

YOEL 3:2

Nde, ap enlem oboksa-ge an-nen ndok worak unpuruk, wok unpuruk Ap Enpem Wene Mbenarugwi Mbirik iri na me inmin mbirimin-o. It-nen an nilirak kwat onpogolar-e, Isarael nap onggweyak iri na it-nen tembesa wanogolat, an nilirag-e o nin sa nan sa ereba na me mbo onpogolat, kwat inpidnak pem it enpem wene mbarimin-o.

AMOS 5:12

Kit-nen mondok meya kwarat kwatli min kit-nen kwarat lugud tak kwatli mim ereba-ge an-e naru-o. Kit-nen konak nap ereba na lel mberel onpogolat, kir-e onggo wok kondosoma, insilobulo lak nab-e keya onposoma, ap enpem wene mbarugwi sa-nen lugud tak kwat inpili-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 12:25

Nde, Yesus na-ge it inndi-n perali na yenggerak puruk-nen yak ondosolar-e: ”Nagawan misik-nen tenagaidnak wi woragwi nap it-net it ngarak woragolat-nen wim pogola-ge, pendaga lak ma-o. Nde, it o siri misiget woragwi-nen na, it ap lolo-nen na, it-net it ngarak woragolat-nen wim pogola-ge, pendaga lak ma-o.

MATIUS 9:4

Nde, Yesus-e it inndi-n peraidnak iri na aru luk-nen it yak ondosolar-e: ”Kir-e noluk-nen meya iri nggal iri yebet kali-o?

LUKAS 5:22

Nde, Yesus na it-nen yebet kaiga wene iri na aru luk-nen yak ondosolar-e: ”Noluk-nen kinndi arem iri nggal yebet kali-o?

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 5:42

Alat nde, kir-e an-e keneyasu-o. Kit kenarem-e Mbal Pem Nagawan abuwa kali buk iri-ge an-e naru-o.

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

1 KORINTUS 3:20

Mbal Pem Nagawan engga mbarak misik-nen yosolar-e: ”Indi tenggerak nap indi-nen yebet kaso mende-ge ebe lak mende-nen yusu-o luk Nagawan Indo-ge aru-o.”

TUGURUK YIDNAK WENE 31:21

Iri yogola-ge, lak tak unpurak mende kwarat enpem mbuma-o. Alat nde, ndawi yu-ge it innggiri rak puwakluk pempa yogolat wolmomtag-o. An-nen urul yak indigi iri na me nggwigit lak ma-net it inndi-nen yebet kali iri-ge an-e mondok naru-o” luk yak tij-o.

IBERANI 4:12

Nde, Mbal Pem Nagawan-nen yidnak wene-ge uruk nak woraso, amawi kwarat-nen yusu-o. Yalawi anggat ponok ponok worak iri-ge anggar-e te-t nde, Mbal Pem Nagawan-nen yidnak wene-ge anggar-e terak minik-net yusu-o. Wene iri-nen at enarem nggosolar-e, enaboro-nen ukwe yugwi inndi na arik lenak posolat, inndi-nen ukwe yugwi inndi na arik lenak posolat, il min enpa min lenak posolat; ap inndi-nen ukwe ukwe yugwi min ap inndi arem-nen yebet kagwi min nam tak poso abam-nen yusu-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.

NAM PARA WENE 2:2

Kit-nen kwarugwi min kit-nen kenmawi min yabu wanugwi min kit-nen mamak puruk woragwi min iri-ge an-e naru-o. Kit-nen meya yugwi nap kinsili rak inpili min, ap-nen yogolar-e: ’Nir-e wirik ninpidnak nap-nen yili-o’ luk yogola-t nde, kit-nen lombot unpuruk, ennesiget yugwi nab-er-o luk yenggerak inpili min iri na an-e naru-o.

NAM PARA WENE 2:9

Kit kenpem anggun panggun mbusu mende min kit kinsilobulo lak worali iri-ge an-e naru-o. Alat nde, kir-e kinsilobulo worak-net yili-o! Ndemeret Yawuri nab-e lag-et nde, ’Nir-e Yawuri nap-nen yili-o’ yili nap-nen konpok pili na an-e narur-o. Nde, it iri-ge Sere ilirak-net yili-o.