YESAYA 66:13 - Nanduk Ngget Tul Pidnak Wene

¹³ Iniyarak-nen inlirak yongwen unpugwi nggal, kir-e Yerusalem-nen yongwen kinpimin-o.

YESAYA 66:13 ပူးပေါင်းရင်းမြစ်များ

NDAWI ENGGA 137:6

An-nen nde kat meme rak kobosolat, iri-nen an-nen nalen kaso elem kwarak kibigit lak yosolar-e, an-nen ndawi yoso iri na-ge yurak meya irit kwat mag-o.

YESAYA 40:1

Kenmbal Pem Nagawan-nen yosolar-e: ”An nelem nab-e inndi yanggoner-o! Inndi yanggoner-o!

YESAYA 40:2

Kit-nen Yerusalem nap inndi wi yabogolat-nen yak ondogolar-e: ’Ininggiyapma rak kunpuruk woragwi mende-ge lak yij-o. Kit-nen meya kwarugwi mende-ge an-nen nemberam tak pigi-o. Kit-nen meya kwarugwi oboksa ereba na bem-et Nagawan Indo an-nen angin worag-e mberen pem nambena kenpem pigi-o’ luk yij-o” yak ender-o.

YESAYA 49:13

Nagawan Indo-nen at ilirak inndi yangonosolat, at ilirak anggun panggun tak inpili ereba na enabuwa kasu me, mbal wa-e. Ndawi yi-o! Nggweyak wa-e. Kek kok lel ker-o! Ndobo wae. Kenalen-nen kek kok mbak lel ker-o!

YESAYA 66:10

O siri iri na abuwa kagwi nap oboksa wa-e. Yerusalem min-et kenalin kenalen mber-o. At abuwa-nen kinndi puru rak woragwi oboksa wa-e. Yawo-ge at min-et kenalin kenalen yer-o.

2 KORINTUS 1:3

Nenagawan Indo Yesus Kerisut eid Mbal Pem Nagawan iri-ge, ap unpud kaso Nineid pem ap inndi yangonoso elem-e Mbal Pem Nagawan at nak erembel wanuwog-o.

2 KORINTUS 1:4

Inndi yangonoso mende Mbal Pem Nagawan-nen nondomok tak wok nindidnak iri na bem-nen nit-nen na it anggun panggun nin tak nan tak enpem mbidnak nap na inndi yangunuwakluk, nit anggun panggun kagwi mende oboksa Mbal Pem Nagawan-nen-e nit ninndi yangonoso-o.

1 TESALONIKA 2:7

Alat nde, nir-e kinmin woragolar-e, iniyarak-nen inlirag-e yanggonak nak enparugu woragwi nggal, nir-e iri nggal-et kit kinmin-e ninndi yanggonak irit woraige-o.