YESAYA 66:10 - Nanduk Ngget Tul Pidnak Wene

¹⁰ O siri iri na abuwa kagwi nap oboksa wa-e. Yerusalem min-et kenalin kenalen mber-o. At abuwa-nen kinndi puru rak woragwi oboksa wa-e. Yawo-ge at min-et kenalin kenalen yer-o.

YESAYA 66:10 ပူးပေါင်းရင်းမြစ်များ

NDAWI ENGGA 122:6

Yerusalem iri me yamuksa wolmomtak amanggim tepan yogolar-e: ”Kat kabuwa kwarat kali nab-e mondok yamuksa enalen min-et wolmag-o.

NDAWI ENGGA 137:6

An-nen nde kat meme rak kobosolat, iri-nen an-nen nalen kaso elem kwarak kibigit lak yosolar-e, an-nen ndawi yoso iri na-ge yurak meya irit kwat mag-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 44:23

Mbal wa-e. Kalen kasolat, kene lek ki-o! Nggweyak arem woraso oboksa wa-e. Kalen kasolat, kene lik lek ki-o! Ndobo min wal min walma woraso e min wa-e. Kenalen-nen kenne nggu lek ker-o! Nde, Nagawan Indo-nen at-nen kek tak woraso iri na nuk kasolar-e, at ilirak Isarael nap wisirik unpuwakluk, onnggo bamu-o.

YESAYA 65:18

An-nen ngget ndak worak pimin iri bem-e kir-e kenalin kenalen kagolat, pempa kijik kijak worogolat wolmer-o. An-nen Yerusalem ngget ndak worak posolar-e, enalen pem wolmomtak elem kobong tak ndak worak pumu, iri me wolma nab-e enalin enalen pem irit wolma-o.

YESAYA 9:3

Nagawan Indo wa-e. Kat-nen enalin enalen elem nggok irit wok indigen-o. Kat-nen enalen tak posola, enalen-nen enne nggu lek kagolat worali-o. Kat-nen konak kwat onposo bem enalen kali-ge yagidnak mende ndakolat tarem enalen kagwi nggal, kugun pem wanidnak mende tomborogolat-nen enalen kagwi nggal irit enalen-e kagolat worali-o.

TUGURUK YIDNAK WENE 32:43

Ap enlem oboksa wa-e. At ilirak indili nab-e oboksa undusu me, Nagawan Indo ilirak entembel waner-o. At uwim nap-nen kwat ibidnag-e onggo posolat, nde, at ilirak-nen meya yidnag-e amberam tak pusu-o” luk yij-o.