YESAYA 66:1 - Nanduk Ngget Tul Pidnak Wene

¹ Nagawan Indo-nen yosolar-e: ”Mbal iri-ge an koreyak woraso nondoro-nen yusu-o. Nde, nggweyag-e an nuwok poso ondoro-nen yusu-o. Iri ala karug-e, an namanggim-e o-ge ngge kwarak nggal wurugun-o? An wolmomtak nondoro-ge no nggal wurugun-o?

YESAYA 66:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:27

Alat nde, Mbal Pem Nagawan wa-e. Kar-e ndemeret nggweyakma yu me ndak woragun, lak? Mbal pem oboksa-t nde kat wolmomtak kondoro-ge meya yusu yu-t nde, kat kerembel wanurak uwi an-nen wirigi yu arem-e nggesa-nen ndak woragun-o?

NDAWI ENGGA 132:7

Iri ala-ge, nir-e Nagawan Indo woraso sa mburulndik, at-nen koreyak woraso sa eram iri me-nen tebe luk at erembel wanuwog-o.

YESAYA 60:13

Unu mboroso Libanon e ereba na-ge lek yaga keram pil lobok yuwa-o. Iri yogolar-e, e mberangan min libe min eru min-et pil lobok yuwa-o. Iri yuwa iri-ge an nuwi iri na abinal worak tak pogolat, an nuwok poso ondoro kona konurak pem-nen pil lobok yuwa-o.

YEREMIA 23:24

An-e nin me nan me mbal pem-nen na irit, nggweyak pem-nen na irit, oboksa worala me, an nerengen pem-e ap misiger-o luk mbi-nen kurak yurag-e mondok meya-nen yusu-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 12:6

An-nen yak kendeyeg-o: Mbal Pem Nagawan uwi iri-ge nggulog-et nde, terak minik nggulok mende misig-e yu me worasu-o.

MATIUS 24:2

Alama-ge, at-nen it yak ondosolar-e: ”Ye. Kir-e o yu pidsa kwara ker-o. An-nen yak kendeyeg-o: O yu worogolat kona mendagil laidnak kerep yeba-ge ebem lud lud misiget tet iniksa wolma-ge lag-o. Pidsa mijarak puwa-o” luk yij-o.

YIDNAK YIDNAK WENE 17:24

Nggweyak min ebem woraso mende pidsa min ndak wiridnak nap Mbal Pem Nagawan iri-ge Mbal min nggweyak min ombol pem Nagawan Indo-nen yusu me, ap ininggi-nen wiridnak kwal uwi iri me woraso bug-o.