YESAYA 65:3 - Nanduk Ngget Tul Pidnak Wene

³ It iri-ge kugwiwak amanggim wam wosa yapmu nggwe ereba na kan pil nogolat, emben konak mende kemenan iri-ge wam kan pugwi sa kan pogolat, iri nggal kwat tenak woragolar-e, pempa an nisilepma rak pogolat worali-o.

YESAYA 65:3 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 22:17

Iri kwarimin iri-ge ir-e an keya nuburuk, nin kugwiwak ereba na nde amanggim wam wosa pogolar-e, it-nen kwatli ereba oboksa-ge an nisilepma rak nak pili-o. Nde, nisilepma-ge Yerusalem ebem-et pigirik me, nisilepma pigi yu-ge mondok teyok ma bug-o.

AYUP 1:11

Alat nde, kat-nen at arengge mende ereba oboksa nde wanosola-ge, wanosola ereya na-net kar-e imbiri lamut tak kubuwa-o!” luk yak tij-o.

AYUP 2:5

Kat-nen nde at ebe andi bandi rak posola-ge, iri-ge mondok ereya na-net imbiri lamut tak kubuwa-o” luk yij-o.

YESAYA 1:29

Nde, ir-e e ereba na erembel wanogolat, eneyabu ereba na kugwiwak amanggim nak yakolat yiga-nen ndowaga innggiri nde kujwa-o.

YESAYA 66:17

Nagawan Indo-nen yosolar-e: ”Ap pidsa-nen kugwiwak erembel wanuwokluk, mat koraruk, kugwiwak woraso sa eyapmu ereba nggwid nggwid mburugwi nab-e wam uno min wuningga min ondok angin yoso mende min nunggwi nap inmin-et mondok lak tak unpuwa-o.

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

TUGURUK YIDNAK WENE 32:21

Nde, it-nen-e an-e nerengen ale yoso rak nobogolar-e, ndemeret mbal pem nagawan-e lag-et nde iri na bem nerengen ale yoso rak nobogolat, unkugiwak ininggi-nep ndak wiridnak iri na bem nisilepma poso rak nibili-o. Iri bem-e, an-nen nilirak enlengen ale yugwi rak onposolar-e, ap enlem-e lag-et nde iri na bem enlengen ale yugwi rak onposolat, ap enlem wid iri na bem insilepma pugwi rak inpimin-o.