YESAYA 61:9 - Nanduk Ngget Tul Pidnak Wene

⁹ Kit-nen wigarag-e nin me nan me oboksa-nen enaru ma-o. Ap enlem oboksa ennggendumu enanggu onpok mburuwa-o. Iri yogola, ap oboksa-nen it eneyarug-e, ’It ap enlem yu-ge Nagawan Indo-nen imbiringgat tak onposo nab-o’luk para yuwa-o” luk yij-o.

YESAYA 61:9 ပူးပေါင်းရင်းမြစ်များ

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 30:27

Yosoloma, Laban-nen Yakup yak tosolar-e: ”Kwara kuli-o. An-nen mbenarosoma-ge, kat kebem-nen Nagawan Indo-nen imbiringgat tak nubusu-o luk naru yusu-o.

NDAWI ENGGA 115:14

Nagawan Indo-nen kit min kit-nen wigarak min wok kondosolar-e, kinlirag-e kwarat tak puwag-o.

YESAYA 43:5

An-nen nggetlel kuburuk worasu me, kwiye yusu-ge meyog-o. Kat kilirak-nen ndagidnak konmborag-e mo mboso (barat) nggwe-nen, mo luwaso (timur) nggwe-nen wirik inpil lobok yumu, ndok wiril lobok yuwa-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

YESAYA 65:23

It-nen kwaruwa oboksa-ge ebe worak nak kwat yosolat wolma-o. Nde, it inlirag-e mimo wat momtak elem-e enpem mbuwa bug-o. It min it-nen wigarak min-e pem irit imbiringgat tak onposolat woramin-o.

YESAYA 66:22

Mbal min nggweyak min ngget ndak worak pidnak an namawi-nen kondok tak puruk wolma iri nggal-et, kit-nen wigarak min kit kunnu min-e pem irit wolma-o.

YEREMIA 31:7

Nagawan Indo-nen yosolar-e: ”Nilirak Isarael nap inkijak kenalen-nen ndawi yer-o. It enlem iri-ge ap enlem ereb-e teberak unpuruk, it enlem yu-ge mondok ija-net yusu-o. At erembel wanogolat-nen ndawi yogolar-e: ’Nagawan Indo-nen-e at ilirak Isarael nap inmiri yosolat, it minggirik erep keya inpidnak worali oboksa inmiri yij-o’ luk ndawi yurag-o.

MALEAKI 3:12

Kit woragwi sa kunuwi ereba na me wolmomtak mondok konak irit kwat yosola karuk, ap oboksa-nen kit kinmin yogolar-e: ’It iri-ge inpine-o’ luk yuwa-o” luk yij-o.

WONARIDNAK WENE 22:12

Yosoloma, Mbal Pem Nagawan-nen Mbileyam yak tosolar-e: ”Isarael nap iri-ge an-nen inmbiringgat tak inpidnak me, kar-e it iri inmin mburugundik, inmbiri lamut tak unpurak pug-o” luk yak tij-o.

YIDNAK YIDNAK WENE 3:26

Nde, kit kenmanggim-et nanduk nandug-et Mbal Pem Nagawan-nen at Ndegel Oboso Nap mendak puruk, kit kinmbiringgat tak konposolar-e, kit komondomok meya yogolat woraidnak keya buruk, nden yaga kinpil lobok yekluk, wirik pij-o” luk yij-o.