YESAYA 61:2 - Nanduk Ngget Tul Pidnak Wene

² At-nen an wirik nibil lobok yij-e, Nagawan Indo-nen inmiri yurak tarem-e abu wok yij-o luk yak unduwakluk, iri-nen inndi puru bera woragwi oboksa inndi yek tak posolat, it unuwim nap-nen kwat unpugwi ereba na kemnggo posolat,

YESAYA 61:2 ပူးပေါင်းရင်းမြစ်များ

YESAYA 1:24

Iri kwatli iri-nen ndowaga Isarael nap Enmbal Pem Nagawan, Nagawan Indo Mondok Amawi Worak iri na-nen yosolar-e: ”Nuwim nap wa-e. Kit-nen kwat nibili onggo kwat kunpumu, kit-nen-e an numburugwi ngari rak pugup pug-o.

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 40:1

Kenmbal Pem Nagawan-nen yosolar-e: ”An nelem nab-e inndi yanggoner-o! Inndi yanggoner-o!

YESAYA 49:8

Nagawan Indo-nen at ilirak yak ondosolar-e: ”An-nen nindingen tak kinpimin tarem-e kenne erep nggarimin-o. An-nen kit kinmiri yimin tarem-nen-e yongga kindimin-o. An-nen-e nggetlel kunpuruk woralat, yik keneyarok woralat, ap enlem oboksa enmanggim urul pidnak wene nggal tak kinpimin-o. Kit kunuwi nggweyak mondok aptupo luk kugun yid iri na-ge an-nen tuguruk ondolma rak pumu, tuguruk kit kunuwi nggweyak kwat ma-o.

YESAYA 58:5

Kit-nen nunggwi mende keya buruk, tepan yogolar-e, kondomok-nen andi bandi rak pogolat, tusuangge-nen kwaroso nggal kenanggul mbara ujo rak pogolat, kunsum abak yemarak puruk, mabe pil yaga keya buruk, ebem mbiring yili-o. Kit-nen nunggwi mende keya buruk, tepan nak yik tenak woragwi-ge iri kwatli irir-a? Kit kinndi-nen-e: ’Nit-nen iri kwatli iri-nen Nagawan Indo-ge indingen nenperasu-o’ luk perali-a?

YESAYA 60:10

Nagawan Indo-nen Yerusalem yak tosolar-e: ”Kat kegerep pak leger-e enlem nin nap-nen tuguruk worak kubuwa-o. It-nen idnak nagawan ereba na-nen-e ndegel kubuwa-o. Nandug-e nisilepma bem angin worak kebem posolat woragi-t nde, yawo-ge an nindi-ge kat kabuwa yurak nindingen yusu-o.

YESAYA 66:14

Iri kwat konposola karug-e, kir-e kenalin kenalen kagolar-e, kir-e tusuangge ngget laso nggal kenpem posok yosolat, kenmawi yugub-o. Nde, an ndegel nubugwi nab-e an namawi-ge enaru yogolat, nde, an nuwim nap na an nisilepma-ge enpem mbosola, enaru ma-o” luk yij-o.

YEREMIA 31:13

Iri tarem-e kweyap ndugum-e kot kagolar-e, enalen pem irit kot kujwa-o. An-nen inndi yanggonosola me, ap indi worak min ap sujwe min lambuksa-t enalen kagolat wolma-o. Inndi puru bera woragwi-ge an-nen nden yaga inndi yek tak woragwi rak onposolat, nde, inndi abi kalak woragwi-ge enalen pem woragwi kwarak onposolat kwarimin-o.

MIKA 3:8

Alat nde, an perak nde, Nagawan Indo-nen at indi narem posolat, amawi wok norosolat kwarusu-o. At-nen wok norosolar-e, mot mot kwarurak yebet kagwi elem wok norosolat, iri-nen Isarael nap-nen meya kwatli ereba na ”Iri kwatli meyog-o” luk yak undurak amawi kwiye lak elem wok norosolat kwarusu-o.

MATIUS 5:4

Nde, inndi puru pera worali nab-e Mbal Pem Nagawan-nen it inndi yangunuwa me, enalen kali-o.

LUKAS 4:19

Nagawan Indo-nen at elem nap inmiri yaga wok undurak tarem iri na yak unduwakluk, an wirik nibij-o!” luk yidnak wene na wonarij-o.

LUKAS 6:21

Nere yawo kali nap wa-e. Kinmbit tak puwa me, kenalen ker-o! Yawo yip tili nap wa-e. Kit abok-nen nda tugup me, kenalen ker-o!

2 KORINTUS 6:2

Mbal Pem Nagawan-nen yosolar-e: ”An nalen yidnak tarem-e kit kenne kuligi-o. Kinmiri yurak tarem-nen-e an-e yongga kindigi-o” luk yij-o. Ndemerer-o! Mbal Pem Nagawan alen yidnak tarem-e yawor-o. Kinmiri yurak tarem-e yawor-o!

1 TESALONIKA 2:16

Inmiri yurak wene-ge nit-nen enlem nin nap yak unduwa naru, it Yawuri nap-nen larok tak nunpuwokluk yiga-o. Iri nggal kwarogolar-e, it meya yidnag-e mondok kwarat ligik piga-o. Nde, yawo-ge Mbal Pem Nagawan isilepma-ge it enpem mondok pil mbuwasu-o.