YESAYA 61:1 - Nanduk Ngget Tul Pidnak Wene

¹ Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 61:1 ပူးပေါင်းရင်းမြစ်များ

NDAWI ENGGA 102:20

Iri kwarusu iri-ge o kubu me worasolat, enarem yip tili nap enne kolosolat, unduwokluk o kubu me inpidnak nap wisirik onposolat yurak pem-nen kwarusu-o.

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 22:26

Enarengge lak nab-e kwarat nonggolat inmbit ma-o. Nagawan Indo eram lobok yuwa nap-nen-e at erembel wanuwa-o. Kir-e yamuksa pem irit woralik nalik irit wolmer-o!

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 51:17

Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

NDAWI ENGGA 69:32

Iri kwaroso iri karug-e anggun panggun tak unpugwi nab-e enalen kagolat, Mbal Pem Nagawan kek tak pugwi nab-e enalen-nen inndi yek yogolat ma-o.

YESAYA 32:7

Ap enmberam laso nab-e at-nen meya kwarurak iri na-ge indi-nen yebet karuk-nen meya kwaroso-o. At-nen insilobulo lak nap ereba na enare bosolat, it enarengge it-nen wanurak mende ereba na wanuwa naru, tu nggulurak pem-e mbawi worosolar-e, enesiget wene yoso-o.

YESAYA 40:9

Teram lagundik, konak wene yu-ge Yerusalem woragwi nap kuluwakluk wirik pi-o! Konak wene yu Sion woragwi nap yak ondosolar-e, kene nggoksa yak undurag-o! Yewura siri ereba me woragwi nap yak ondosolar-e: ”Kenmbal Pem Nagawan-e lobok yuwa-o” yak undurag-o!

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

YESAYA 49:9

Nde, an-nen-e o kubu me inpidnak nab-e wesera wirik onposolat, nde, ndamuk arem woragwi nab-e yaya bem inpil mborosolat kwarimin-o. Iri-nen ndobo mondok usu nggwarak pem wolma-t nde, ndak irit woragolat, tula ereba mborogolat na nunggwi mende-ge nil nal nak mburuwa-o.

YESAYA 52:7

Nde, wirik pil lobok yidnak nap iri na yik kagolar-e, mondok konak lombok-nen yusu-o. Ndobo worak nggwe-net lobok yosolar-e, konak yamuksa woragwi wene min lobok yusu-o. Sion imiri yurak wene min lobok yosolat-nen yosolar-e: ”Kenmbal Pem Nagawan-e Nagawan-nen yusu-o!” luk yusu-o.

YESAYA 52:9

Nagawan Indo-nen at ilirak inndi yangona yamuk tak onposolat, Yerusalem wisirik onposolat kwarusu me, o siri Yerusalem langgona tud yil lobok yidnak wa-e. Kenalen-nen kinni kenne mber-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YEREMIA 52:33

Nde, at iri na yak togolar-e: ”Kar-e o kubu me woragolat-nen yirik woragwi sum keya buruk, we sum yutluk, nunggwi mende-ge nagawan woraso sa iri me-nen pempa nasolat wolmomtag-o” luk yak tiga-o. Iri-nen at-nen ukwe pidnak onggo purak na tol-e pempa wok togolar-et woraiga-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

OSEA 6:1

Nde, it Isarael nap-nen yogolar-e: ”Yawo-ge tuguruk nden karuk Nagawan Indo eram mburuwog-o. At-net andi bandi rak ninpij-et nde, at-net ki rak nunpuwa-o. At-net mep tak ninpij-et nde, uj-e engga nggitlik nunpuwa-o.

MIKA 3:8

Alat nde, an perak nde, Nagawan Indo-nen at indi narem posolat, amawi wok norosolat kwarusu-o. At-nen wok norosolar-e, mot mot kwarurak yebet kagwi elem wok norosolat, iri-nen Isarael nap-nen meya kwatli ereba na ”Iri kwatli meyog-o” luk yak undurak amawi kwiye lak elem wok norosolat kwarusu-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 3:16

Nde, Yesus na yi ma obosoloma, yi ma-nen pilaksa men yosola, ereya na-net mbal ngak yosoloma, Yesus erengen lik kagaidnggal-e, Mbal Pem Nagawan Indi-ge towe nggwende nggal yebaluk at ebem mbuwasola kagaij-o.

LUKAS 7:22

Iri lug-e, Yesus-nen it yak ondosolar-e: ”Kenlengen-nen kaidnak nde keneyanggo-nen kulidnak nde Yoanes na yak til mberer-o. Enlengen ngguru nap enlengen kuwarak posolat; onowak wat yidnak nap na tula nugwi rak onposolat, mbijap nggal enpem mbidnak nab-e ambut tak onposolat, eneyanggo lak nap-nen wene kologolat; wat yidnak nap unluk tak onposolat; insilobulo lak nab-e aid wene mul ondosolat, yosola kaige-o luk yak ter-o.

YOANES 1:41

Andereas iri-ge ndag-et nak at owe Simon ogore yil mberarik, kasoluk-nen yak tosolar-e: ”Mesias iri na kaige-o” luk yak tij-o. (Nde, Mesias min Kerisut min iri-ge Yunani wene bem-e Inmiri Yoso Nagawan-o yogolar-o.)

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

YIDNAK YIDNAK WENE 4:27

Ndemerer-o. O siri yu me-nen Erores min Pontius Pilatus min-e enlem nin nap min Isarael nap min ndok worogolar-e, kat Ndegel Koboso Len Ibidnak Nap Yesus, kat-nen amburu ebem kilidnak nap imin wim mbaruwokluk ndok wiriga-o.

2 KORINTUS 3:17

Nde, engga wene iri arem-e Nagawan Indo yidnak iri-ge Konak Indi min yij-o. Nde, Nagawan Indo Indi woraso sa iri me-ge ab-e weserak nak woragwi-o.

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

IBERANI 1:9

Kar-e mot mot kwarugwi-ge kindingen tak posolat, nde, lugud tak kwarugwi-ge kisili rak posolat yoso karuk, Mbal Pem Nagawan, Kembal Pem Nagawan iri-nen-e kalen tak posolar-e, kat kanggamirak na teberak unpuruk, kat nak kek tak kuburak pem len kibij-o” luk yij-o.