YESAYA 60:3 - Nanduk Ngget Tul Pidnak Wene

³ Ap enlem kwarar-e kit keneyaya eram nggwid nggwid lobok yuwa-o. Nagawan nagawan-e kit kenmanggim yaya pil wuma iri na-nen lesa inpil lobok yuwa-o.

YESAYA 60:3 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

NDAWI ENGGA 102:16

Nagawan Indo-nen Sion iri na tuguruk mendak posolar-e, kek tak abinal worak pem kwarosola, kujwa-o.

NDAWI ENGGA 102:22

Iri kwaruwa iri-ge ap enlem oboksa min nggweyakma yu me-nen tenagidnak wi woragwi nap min oboksa Nagawan Indo erembel wanuwokluk, Yerusalem ndok worogolat iri-nen at erembel wanuwa-o.

NDAWI ENGGA 138:4

Nagawan Indo wa-e. Nggweyakma yu me nagawan oboksa-nen urul pigen wene ereba na kulidnak me, kat nak kerembel wanuwa-o.

NDAWI ENGGA 2:10

Iri bem-e, nagawan nagawan wa-e. Kit-nen kwarogolar-e, kwara yebet karuk-net kwarogolat wolmer-o. O tena woragwi kenmawi worak nap wa-e. Kwara yebet ker-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 72:11

Nagawan nagawan oboksa at eram yud tud mbuwa-o. Ap enlem oboksa at ndegel ubugwi nap irit kwat ma-o.

YESAYA 42:6

”Mot mot kwarugwi elem na nggok tak ponokluk, Nagawan Indo an-net wene mbo kuburuk, yabu kebem pukmu-o. Kat kebem-nen ap enlem oboksa inmin kwendeyekluk, an-net lit kuburuk nosolat, yik keyarok woramin-o. Kat kebem-nen an-e ap enlem oboksa yaya rak inpimin-o.

YESAYA 45:14

Nagawan Indo-nen Isarael nap yak ondosolar-e: ”Mesira min Sundan min woraso silobulo iri-ge winde yugub-o. Seba nap enpe mot enmawi worak ereba na-ge kit kenarengge nggal kwatluk, kere kamarak-nen kinmbirik mburuwa-o. Iri kwarogolat, kendam entare nggwe tud yogolat-nen para yogolar-e: ’Mbal Pem Nagawan-e ndemeret kit kennggendumu worasu-o. Mbal Pem Nagawan nin at nggal erep mbi worasu bug-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 49:12

Nde, an nilirag-e erepma abare abam (utara) nggwe-nen mo mboso (barat) nggwe-nen abare ena (selatan) ambigit o Sinim-nen na lobok yuwa-o” luk yij-o.

YESAYA 49:23

Nagawan nagawan-e kit kineid nggal kwat yogolat, nde, it onkwerag-e kit kiniya nggal kwat yogolat mao. It-nen kat keram tebe yogolar-e, kat keram entare nggwe tud luk kat kek tak kubuwa-o. Iri yogola, kat-nen an nimin-e: ’At iri-ge Nagawan Indo-net yusu-o’ luk neberagun-o. Nde, indi an nebem wat tak wolma nab-e indi kabak ma bug-o” luk yij-o.

YESAYA 60:10

Nagawan Indo-nen Yerusalem yak tosolar-e: ”Kat kegerep pak leger-e enlem nin nap-nen tuguruk worak kubuwa-o. It-nen idnak nagawan ereba na-nen-e ndegel kubuwa-o. Nandug-e nisilepma bem angin worak kebem posolat woragi-t nde, yawo-ge an nindi-ge kat kabuwa yurak nindingen yusu-o.

YESAYA 60:16

Kwami-nen inlirak ndegel onpogolat enparugu woragwi nggal, nagawan nagawan min ap enlem oboksa-nen ndegel kobogolat wolma-o. Iri yogola, kat-nen yebet kasolar-e: ’Nagawan Indo iri-ge an nimiri yoso, nde, Isarael Embal Pem Nagawan mondok amawi worag-e an wisirik noboso-nen yusu-o’ luk yebet kagun-o.

YESAYA 66:12

Nagawan Indo-nen yosolar-e: ”Yi mborosolat nak worasu iri na nggal yamuksa woragwi elem-e wok kindimin-o. Nde, yi nap ndi nap insilobulo-ge, yi ulusu nggal kundik kat keram waruk lobok yogolat wolma-o. Kir-e li marik kamo nunggwi iniyarak-nen yaruk unpuruk nugwi nggal, ena bem kogo wat kenperenak wolma-o.

AMOS 9:12

Nde, Isarael nap-nen-e o Erom nggweyak siyak wanigit lak woraso ereya min ap enlem oboksa nandug-e an narengge woragwi ereba na min-et Isarael nap-nen urugwe nggwe rak unpuruk wolma-o. An-e Nagawan Indo-nen yigi-o. Wene iri-ge an-net kwarimin-o” luk yij-o.

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

YOANES 12:32

Nde, an-e nggweyak ma yu me-nen mendak nibil lujwama-ge, ap pidsa lesa an neram inpimin-o” luk yak indij-o.

YIDNAK YIDNAK WENE 13:47

’Kar-e enlem nin nap eyaya rak onponokluk, imiri yurak wene waruk o kuri ap kuri mboronok-nen lenak kibigi-o’ luk Nagawan Indo-nen nenpem pamu-o” luk yiga-o.

YIDNAK YIDNAK WENE 15:17

Nde, enlem nin nap oboksa-nen Nagawan Indo ogore yogolat, an narengge rak pidnak enlem nin nap min-et Nagawan Indo ogore yogolat makluk, o iri wirimin-o luk

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 21:24

O siri iri me eyaya bem-e nggweyak ma worali nap ap enlem oboksa nogolat, it nagawan nagawan-nen na it enarengge mende-ge o siri iri me nak waruk mburuwa-o.