YESAYA 60:2 - Nanduk Ngget Tul Pidnak Wene

² O yu-ge ndamuk-nen muruk tak puruk worasu-o. Ap enlem oboksa-ge muruk tak unpuruk worasu-o. Alat nde, Nagawan Indo eyaya-ge kit kenanggul pem kenangga pil wuma-o. Nagawan Indo woralat-nen eyaya yoso-ge kit kenanggul pem nam yuwa-o.

YESAYA 60:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:11

Nde, Nagawan Indo worasolar-e, at eyaya-nen nggan nggan na-ge abinal worak yij-o. Iri yosola-ge, tepan ombo-ge tuguruk eneyabu erep wil nggurag-e meya agaij-o.

NDAWI ENGGA 102:16

Nagawan Indo-nen Sion iri na tuguruk mendak posolar-e, kek tak abinal worak pem kwarosola, kujwa-o.

NDAWI ENGGA 80:1

Kolomba Isarael nap Yik Eneyarok Woraso wa-e. Nenne kwara kuli-o. Yusup-nen wigarak lombo oro nggal ligik iri-ge kat-nen lit unpuruk mburusu-o. Aid nap kerup ombol pem koreyak woraso kar-e keyaya bem

YESAYA 2:5

Kit Yakup-nen wigarak wa-e. Nagawan Indo eyaya bem-et mborogolat wolmog-o. 2:6–4:6 Pasal yeba arem-e Mbal Pem Nagawan-nen-e inndi kek tak woragolat meya nak kwarugwi nap enpem angin worak mende poso wene mbarak worasu-t nde, unluk wolma nap ereba na kwat unpurak urul posolar-e, ir-e marak onposolat, ngget tak onposolat ma wene na mbarak worasu-o.

YESAYA 58:10

Kit-nen-e nera woragwi nab-e nunggwi mende mak ondogolat, nde, anggun panggun arem woragwi nab-e yongga ondogolat, iri kwarugup nde ala-ge, ndamuk kit kendam worasu ereba-ge mondok lengge nggal yaya kwat ma-o.

YESAYA 58:8

Iri kwarogola-ge, o kil posola yaya pusu iri nggal yaya rak konposolat, kit-nen idnak ud ereba na ndag-et nak ambut yosolat, an-e pempa kinmiri yosolat kinmin irit woramin-o. An nggetlel kunpuruk woralar-e, mondok kinminep leget wa kunpuruk woramin-o.

YESAYA 66:11

Li marik-nen iniyarak enkamo nunggwi nggal, at ebem woraso ibinil ombomo nonggolat mondok ndak woragub-o.

YESAYA 8:22

nggweyak nggwe mbel kagolat yuwa-t nde, nin nan ereba-ge yik kujwa bug-o. Are, anggun panggun kagwi mende min ndamuk nak worawi mende min lumu kumu rak onposo mende min nak inmbiriwak pem wolma-o. Ir-e anggun panggun irit kerenak wolma-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MATIUS 15:14

It Parisi enlengen ngguru-nen ap lit eneyaruk mbitli iri-ge keyap tak enper-o. Nde, enlengen ngguru-nen enlengen ngguru ininggi waruk mburukmu-ge, it enmbereg-et mbunmu yoboksa mbuwa-o” luk yij-o.

MATIUS 23:19

Kenlengen ngguru yu-ge wa-e. Mondok nggulog-e ngge-o? Mbal Pem Nagawan amanggim pugwi mende iri nde nggulok, lak? Are, Mbal Pem Nagawan amanggim pugwi mende na lenak poso wam wosa pugwi sa iri na nde nggulog-a?

MATIUS 23:24

Ap ininggi waruk nugwi kenlengen ngguru yu-ge wa-e. Kinidmbe arem nggurun nggwidnag-e wabili-t nde, wam nggog-e imin lungguk mberak pili-o!

YOANES 1:1

Nanduk o yu ndak wirigit lak ma-net Wene irit woragaij-o. Wene iri na Mbal Pem Nagawan imin-et woragaij-o. Nde, Wene iri na Mbal Pem Nagawan-net yusu-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 8:55

Kir-e Mbal Pem Nagawan iri-ge kenaru bug-et nde, an-e naru-o. Nde, an-nen nde ’At naru bug-o’ luk yosolar-e, an-e kennesiget wene yugwi kit nggal-et teleb-o. Alat nde, an-e at naru-me, at-nen yidnak yidnag-et kwarusu-o.

YIDNAK YIDNAK WENE 14:16

Nanduk ereba woragola-ge, ab-e ap pidsa-t it untula ndomok mburuwag-o luk Mbal Pem Nagawan-e yumbuk nak eneyasolat woragaij-o.

YIDNAK YIDNAK WENE 17:23

An-e kit kenma yu me waring kasolat-nen kit-nen erembel wanugwi kunkugiwak na kil kil mborosolar-e, kugi amanggim wam wosa pugwi sa misik pem-e yik kaginggal-e, ’Nenaru buk kugi amanggim-o’ luk yaga mbaridnak irit kagi-o. Nde, kenaru bug-et nde erembel wanugwi iri-ge an-nen nam para yak kundusu-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.