YESAYA 6:7 - Nanduk Ngget Tul Pidnak Wene

⁷ kan ngen iri na imin marig-et nemnde bem posolat-nen yosolar-e: ”Kan ngen yu-nen imin marig-et kemnde bem yid iri-nen yawo-ge kat-nen lugud tak kwaroso-ge Nagawan Indo-nen korak posolat, kat-nen meya kwaroso-ge amberam tak pij-o” luk yak nirij-o.

YESAYA 6:7 ပူးပေါင်းရင်းမြစ်များ

YESAYA 40:2

Kit-nen Yerusalem nap inndi wi yabogolat-nen yak ondogolar-e: ’Ininggiyapma rak kunpuruk woragwi mende-ge lak yij-o. Kit-nen meya kwarugwi mende-ge an-nen nemberam tak pigi-o. Kit-nen meya kwarugwi oboksa ereba na bem-et Nagawan Indo an-nen angin worag-e mberen pem nambena kenpem pigi-o’ luk yij-o” yak ender-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

YESAYA 53:5

Alat nde, ar-e nit-nen meya yidnak pem tege kundugu obogolat, nit-nen meya kwarugwi bem linggamburok worogolat kwariga-o. Nit ninmiri yuwakluk ar-e anggun panggun kagaij-o. At aboro tap yonok lonok mbosolat, mep yolo mbid ereba na-nen-e ki rak ninpij-o.

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YEREMIA 1:9

Iri lug-e, Nagawan Indo inggi mberak parik, nemnde tena buruk-nen yosolar-e: ”Kwara kuluruk, an-nen yusu wene yu ap inmbiri bem yi-o.

NDANIEL 10:16

Iri luk, aid nap ap enpage worak iri na-nen inggi an nemnde bem pij-o. Iri yosola, an-nen yak tosolar-e: ”Nab-o. Nabi nggal kagi iri na-nen ndowaga mondok namawi lak yusu-o.

MATIUS 9:2

Wok yosoloma-ge, ap erep-nen-e kambung puk tak woraso nap mbi nene yoso ondoro mbinggirik worasola, ondoro min kud turuk Yesus eram ibil lobok yiga-o. Ibil lobok yogolikma-ge, Yesus-nen it ap iri na inndi angin tubu yidnak na kasoluk-nen kambung puk tak woraso nap iri yak tosolar-e: ”Nambara wa-e. Kwiye kasu meyog-o. Kat meya yidnak iri-ge namberam tak pigi-o” luk yak tij-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.