YESAYA 6:3 - Nanduk Ngget Tul Pidnak Wene

³ It-nen it nak enne nggoksa yak kerak mbogolar-e: ”Marag-o, marag-o, marag-o. Nagawan Indo Mondok Amawi Worak iri nak marak-nen yusu-o. Nggweyakma yu me oboksa-ge at abinal-nen yebet yusu-o” luk yiga-o.

YESAYA 6:3 ပူးပေါင်းရင်းမြစ်များ

ESERA 3:11

Ap oboksa-nen ndawi bem Nagawan Indo erembel wanogolar-e: ”Nagawan Indo iri-ge konak-nen yusu-o. At-nen Isarael nap nenabuwa kaso-ge mondok pok tak poso buk kundugu irit kaso-nen yusu-o.” Iri yogolar-e, tugurug-et yuruk, tugurug-et yuruk kwat tenak woraiga-o. Nde, iri yiga iri-ge, Nagawan Indo uwi iri na mabin abu pidnak ala karuk-nen ap oboksa-nen enne nggoksa Nagawan Indo erembel wanogolat ndawi yogolat woraiga-o.

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

NDAWI ENGGA 8:2

Iri kwarusu-ge li marik marik min li nggisiya min-nen ndawi kebem ngatli-o. Wim nap min sirid nap min enemnde nggutlurak pem-e kat-nen o tena woraso kamawi-ge tugup lak sil kudtak puk-nen yusu-o.

NDAWI ENGGA 90:16

Kat-nen kwaroso-ge nit kat ndegel kubugwi nap mirik ninpi-o. Nde, kat kabinal-e nit-nen nderak mirik inpi-o.

MBIRIGA WENE 15:11

Nagawan Indo kabinal worak kek tak wa-e. Nin Mbal Pem Nagawan ngge nggal-nen kat kimin ndak wuruwa-o? Nagawan Indo kat-nen kwiye worak mende min wi yurak mende min kwarusu yeba nggal-e ta nggal-nen kwaruwa-o?

YESAYA 40:5

Iri yosola-ge, Nagawan Indo abinal-e nam tak puwa-o. Iri yosola-ge, nggweyakma nap oboksa enlengen-nen kujwa-o. Ndemeret Nagawan Indo-net urul pusu-o” luk ene misik-nen yusu-o.

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

ABAKUK 2:14

Yi koma ereba-ge yi nak-nen kobong tak worasu nggal, iri nggal-et Nagawan Indo kek tak woraso obok enaru yugwi iri na-nen nggweyak ma yu me kobong ma-o.

WONARIDNAK WENE 14:21

Alat nde, an nondomok nunu min nuruk nak worasolat o yu tena worasu yu nggal-o. Mondok yak kereyeg-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,