YESAYA 6:2 - Nanduk Ngget Tul Pidnak Wene

² Nde, urugup worak ndak worak pidnak mende kan ngen nggal kere kererak ereba-ge at eralu lop lop worak mendak eneyagi-o. Insiyamu-ge enariktak enam worak. Nde, insiyamu mberen-nen-e entare korakolat, insiyamu mberen-nen-e enpe muruk tak pogolat, insiyamu mberen-nen-e pubu mburugwi-o.

YESAYA 6:2 ပူးပေါင်းရင်းမြစ်များ

NDAK WIRIDNAK WENE 17:3

Yak tosoloma, Abaram na-ge erare nggwe tud yosola, Mbal Pem Nagawan-nen yosolar-e:

1 NAGAWAN NAGAWAN-NEN KWARIDNAK WENE 19:13

Elia-nen ene iri na kulurug-e, usum leyok sum iri na-nen erare muruksa keya buruk, lagarik, kerep yanggo iri na tumende bem mendak worasoma, ene misik-nen yak tosolar-e: ”Elia wa-e. Kar-e no wanosolat yu me worasu-o?” luk yak tij-o.

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

1 NAGAWAN NAGAWAN-NEN KWARIDNAK WENE 6:24

Nde, aid nap ndak worak mberen ereya-ge ebe min abage min-e ndak ndak nag-o. Insiyamu na mberen worak. Nde, insiyamu ereba na mot nggwe-ge 2,2 meter-o. Nde, at misik isiyamu wok at misik isiyamu wok yobok tak terak iri wigaktak nggwe ndak worag-e 4,4 meter-o.

1 NAGAWAN NAGAWAN-NEN KWARIDNAK WENE 6:27

Nde, aid nap kerup ndak worak mberen ereya na-ge unlugwe misik nggwe nak O Mondok Marak Sa iri na me piga-o. Nde, insiyamu ereb-e kebet pem ndurum tag-o. Nde, insiyamu ponok nggwe-ge misik isiyamu abi min kundij-o.

1 NAGAWAN NAGAWAN-NEN KWARIDNAK WENE 8:7

Nde, aid nap kerup ndak worak isiyamu ereya na-nen-e urul pidnak wene labu mbarak iri na min tena buruk kud turuk mburugwi e iri na min anggul pem lumusa wosarak woragij-o.

NEMIA 9:6

Iri yogola, Isarael nap-nen tepan-e yu nggal yiga-o: ”Kar-e Nagawan Indo-net yusu-o. Wonaru min mbal nggwe oboksa min yi koma min o yu min ebem worasu mende oboksa min-e kat-nen ndak worak puruk, ebem-e uruk urugup worak mende pigen-o. Mbal nggwe tena woragwi amawi worak-nen na kat keram endaru yunggusa koreluk kat nak kek tak kibili-o.

AYUP 1:6

Nde, misik tarem-e aid arem woragwi ereba na Mbal Pem Nagawan eram ndok worogola-ge, at Sere na inmin-et wok yij-o.

AYUP 4:18

Mbal Pem Nagawan-nen-e at ndegel ubugwi nap aid arem woragwi-t nde, ”Abu iminep mbarag-o” luk indi enpem pusu bug-o. Mondok aid nab-et nde, meya lugud tak kwarugwi eneyasu-o.

NDAWI ENGGA 103:20

Kit kenmawi worak aid nap at-nen yidnak wene kologolat, kwarogolat yugwi nap wa-e. Nagawan Indo nak erembel waner-o.

NDAWI ENGGA 104:4

Nde, kat-nen-e o wija-ge kat-nen lena wirik pidnak nap nggal tak pusu-o. O pinel-e kat ndegel koboso nap nggal kwarak pusu-o.

NDAWI ENGGA 89:7

Marak nap ennggendumu-nen na kar-e kek tag-et kibili-o. Kat keralu ereba enaye-ge kali-t nde, kat kaye-ge terak minig-et kali-o.

MBIRIGA WENE 3:6

An-e komborak Abarakam min Isak min Yakup min Enmbal Pem Nagawan nen yusu-o” yosoloma-ge, Musa na-ge Mbal Pem Nagawan kamin naru kwiye-nen erare kuragij-o.

YESAYA 6:6

Iri lug-e, urugup worak mende ereya na ennggendumu at misik-nen Mbal Pem Nagawan amanggim wam wosa kan pugwi sa-nen kan ngen ndokpa bem waruk an neram puburak lobok yosolar-e,

YESKIEL 1:11

Nde, it ondomok tak insiyamu misik iri na ondok min-nen yambuk kagolat, abam nggwe pil lasola-ge, insiyamu abi-ge it erep ponok ponok ereya na insiyamu abi min kwindik woragij-o. Nde, ondomok tak insiyamu misik iri na ondok min-e enpe nggitlik woragij-o.

YESKIEL 1:24

Nde, it nde pu yogolar-e, insiyamu ene lumbag-e yi ugul ene lu nggal, san ombo kwarat mabunuruk mborogolat unuwok ene mbirip nggal, Mbal Pem Nagawan Mondok Amawi Worak iri na ene nggal kuligi-o. Nde, it nde pubu mbirigit lak, ndong yogolar-e, insiyamu ereba na-ge lambo rak pidnak nggwe-t nde,

YESKIEL 1:4

Iri yosola-nen nundugun pugaksa lik kaginggal-e nggan nggan nggok logom worak iri na arem-nen o binel-e yebek mbebek tenak worala kagi-o. Nggan nggan iri na inggi inggi-ge mbal-e eyaya abinal nggwerek tak kagi-o. Nde, o binel yebet tenak worasu iri na arem-e abinal-nen enlengen kip kip tak poso mende tembaga nggal mbi kagi-o.

YESKIEL 1:6

Alat nde, it oboksa-nen ondomok tag-et entare-ge empat worak, nde, insiyamu na empat worak irit kagi-o.

YESKIEL 1:9

Urugup worak mende empat ereya-ge unlugwe mboma mendak me, nin isiyamu abi-ge nin isiyamu abi min kwindik iri nggal kwasa woragola me, yik kasolar-e, urugup worak mende empat ereya-ge unggut empat worak mende nggal yik kagi-o. Nde, it nde mborogolar-e, it oboksa-nen nden na kagwi buk, mondok mot mot nak mburugwi-o.

NDANIEL 7:10

Nde, at koreyak woraso ondoro iri me-nen-e kanduk misik yi nggal urusu kundugu mborosola kagi-o. Nde, ap kwarat (ribuan)-nen-e at ndegel obogola eneyagi-o. Ap mondok kwarat (jutaan)-nen-e at eram mendak woragola eneyagi-o. Woragolar-e, ap enpem wene mbarugwi tel korogolar-e, engga ereba na-ge pinggiril lobok yiga-o.

NDANIEL 9:21

An tepan yosoma-ge, nanduk nabi nggal pem aid nap Nggabiriel kagi iri na-ge an nambigit pubu lobok yij-o. Iri kwarid iri-ge keyama nggwe Mbal Pem Nagawan amanggim wam wosa kan pugwi ndak ndak pem-et kwarij-o.

LUKAS 1:10

Kan posola-ge, emben konak mende kan pugwi tarem-e Sakaria na ma nggosola-ge, ap kwarar-e mbepme tepan yogolat woraiga-o.

IBERANI 1:7

Nde, Mbal Pem Nagawan-nen-e at-nen idnak aid nap inmin yosolar-e, yu nggal yij-o: ”Mbal Pem Nagawan-nen-e at-nen idnak aid nab-e obube nggal ndak wat onposolat, at ndegel ubugwi nab-e kan mare nggal kwarak onposolat yusu-o” luk yij-o.

NAM PARA WENE 14:6

Iri luk, an yik kaginggal-e, aid nap misik mbal pem teram pubu waring kasola kagi-o. Nde, aid nap iri-nen-e pem-et wolmomtak aid wene-ge nggweyak ma nap, ap enlem oboksa na, ap enlem tak oboksa na, ap enne lombok oboksa na ap unuwi nggweyak lombok woragwi oboksa yak undurak wene min waring kasolar-e,

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.

NAM PARA WENE 7:11

Nde, aid nap oboksa-ge nagawan koreyak woraso ondoro min enne kulugwi nap min untugup worak mende empat ereya na min lop lop worak unpuruk, mendak woragolar-e, aid nap ereba na-ge nagawan koreyak woraso ondoro eralu entare nggwe yud tud mbogolat, Mbal Pem Nagawan erembel wanogolat-nen

NAM PARA WENE 8:13

Iri luk, yik kaginggal-e, towe ud mbi mondok teram abu yebaluk waring kasolat-nen ene ngguloksa yosolar-e: ”Enabuwa-o! Enabuwa-o! Nggweyak ma yu wolma nap oboksa-ge aid nap erep kenan iri-nen onpoba ene pu yogola kuluwa nab-e mondok enabuwa-o!” luk yosola, kuligi-o.