YESAYA 55:3 - Nanduk Ngget Tul Pidnak Wene

³ Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YESAYA 55:3 ပူးပေါင်းရင်းမြစ်များ

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

2 SEMUEL 23:5

Iri nggal kwasa an-nen wigarag-e Mbal Pem Nagawan-nen-e inmbiringgat tak unpuwa-o. At-nen an nimin urul yak niridnak wene-ge nden kujwa bug-o. Yi wene ndi wene bem-e mondok ndak ndak nak kwaroso-o. An-nen ombol nggwe yigi-ge Mbal Pem Nagawan-nen kwara tena woralat, an nindi-nen ukwe pidnak ndak tak nobosolat wolma-o.

2 SEMUEL 7:29

Iri bem-e pempa kat-nen unpud kaso iri na pem irit enaru yogolat wolmakluk, an-nen wigarak inmbiringgat tak unpurak mondok kindi-ge wat tak puruk wolmin-o luk kemengen mbarusu-o. Nagawan Indo Mondok Kek tak wa-e. Wene ereba oboksa kat-nen urul pigen pem-e an-nen wigarag-e pem irit kat-nen inmbiringgat tak onposolat wolmin-o” luk yij-o.

NDAWI ENGGA 119:112

Kat-nen ”Kwarurag-o” luk nebem pigen ereba na ndak ndag-et kwat tenak irit worasoma, wat yimin-o.

NDAWI ENGGA 89:28

An-nen-e mondok pem irit abuwa kasolat woramin-o. An-nen at imin urul pigi iri-ge tugup lak pem irit wolma-o.

NDAWI ENGGA 89:29

Nggweyak anggul pem mbal eid worala-ge, at-nen nagawan woraso ondoro iri-ge an-nen pem irit tena woramin-o. At ilirak-nen nderag-e ap pem lud pem irit nagawan mendak wolma-o.

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

NGGOMO WENE 7:2

Kat kalen min-et kuruk worayeklug-e, an-nen nggomo kurusu yeba ndak ndag-et kwarurag-o. Kat-nen kerengen iri tigi rak puwa naru kwaluk kwarusu nggal-et an-nen mul kurusu yeba ndak ndag-et kwarurag-o.

YESAYA 54:10

Ndobo min ndobo amun min ereba-ge lewo yuwa-t nde, an-nen kit kenabuwa kasu yu-ge pok tak pimin pug-o. Lambuksa konak wolmomtak urul pigi iri-ge mborok tak pimin pug-o” luk kit kenabuwa yoso Nagawan Indo-nen yij-o.

YESAYA 54:8

An nisilepma kwiye worak-nen ndowaga we marig-et nak keya kibigi-t nde, an-nen enabuwa pem kundugu kaso iri na bem-e kat kabuwa kasolat woramin-o” luk kimiri yoso Nagawan Indo-nen yij-o.

YESAYA 61:8

Nagawan Indo-nen yosolar-e: ”An-e mot mot nak kwarugwi irit nindingen tak pusu-o. Nde, anggun panggun tak unpugwi min meya kwarugwi min-e an-e nisili rak pusu-o. An-nen tugup lak onggo wok kondosolat, ’Mondok pem irit kinmin kundik woramin-o’ luk urul yak kondosolat yimin-o.

YEREMIA 38:20

Yosoloma, an-nen onggo yak tosolar-e: ”Nagawan kar-e kegera it ereba ininggem kubuwa-ge lag-o. An-e kat nak perak Nagawan Indo-nen yidnak yidnak kwari-o luk mondok kemengen mbarusu-o. Iri kwarosola-ge mondok wene lag-o. Nagawan kat na mondok kuruwa bug-o.

YESKIEL 34:24

Iri rak pumu worala-ge, Nagawan Indo an-e it Enmbal Pem Nagawan kwat yosola, an ndegel noboso nap Ndaut nggal iri na-ge it enanggul pem kek tak amawi worak it tena unpuruk wolma-o. Nagawan Indo an-nen yigi-o.

YESKIEL 34:25

It kona yamuksa wolmakluk, it yamuksa wolmomtak wene an-nen-e urul yak indimin-o. Nde, iri-ge ndakngge eyak worak oboksa it woragwi sa-nen sera wirik pimin-o. Iri rak pumu, an nolomba ereba na-ge tusuangge taroso sa ereba na me kona yamuksa woralat, walma ereba-t nene yosolat kwaruwa-o.

YESKIEL 37:26

It-nen pem irit yamuksa konak irit wolmakluk, an-nen-e it inmin urul pimin-o. An-nen-e it inmbiringgat tak posolat, it enpe na kwarat tak pimin-o. It unuwi nggweyak pem iri me-ge an nuwi-ge pem irit tugup lak wolmakluk nuwi wirimin-o.

AMOS 5:4

Nagawan Indo-nen Isarael nap yak ondosolar-e: ”Kir-e kunlug-et worabokluk, tuguruk an neram lobok yer-o.

AMOS 5:6

Kir-e Nagawan Indo eram mberer-o. Iri yogola-ge, kunlug-et woragub-o. Kit-nen nde Nagawan Indo eram mbirigit lak yogola-ge, ar-e kan mare nggal puk kuruk lobok yosolar-e, Isarael nab-e pak konposola-ge, Mbetel nap-nen-e ap misiger-o luk mbi-nen kan iri-ge nugururag-e meya-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 13:16

Alat nde, kir-e kenlengen kali bem na, keneyanggo-nen kulili bem na, kir-e kenalen kali-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 7:37

Iri lug-e, nunggwi mende nggulok sakolat, yobok tak purak tarem mondok nggulok iri na bem-e Yesus na men luk ene ngguloksa-t yosolar-e: ”Ta-nen yi nere ala-ge, an neram lobok luk, yi nujwag-o.

YOANES 8:47

Mbal Pem Nagawan ilirak-nen-e Mbal Pem Nagawan-nen yidnak wene-t kulugwi-o. Nde, kir-e Mbal Pem Nagawan ilirag-e lak me, Mbal Pem Nagawan-nen yidnak wene kulili bug-o” luk yak indij-o.

YIDNAK YIDNAK WENE 13:34

Nde, Mbal Pem Nagawan-nen wat yidnak nap ennggendumu-nen uruk tak pidnak me, tuguruk piri yurag-e mondok lak tak pidnak pem-nen at yak tosolar-e: ’Pem-et wolma marak wene Ndaud urul yak tidnak wene iri-ge kar-et wok kirimin-o’ luk yak tij-o.

OROMA 10:5

Imiri mbarak pidnak wene-nen yidnak yidnak kwarugwi bem lud tak nak unpuwa nap onowene Musa-nen engga mbarosolar-e: ”Imiri mbarak pidnak wene-nen yidnak yidnak kwaruwa nab-e, iri bem-net unlug-et wolma-o” luk mbarij-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.