YESAYA 54:9 - Nanduk Ngget Tul Pidnak Wene

⁹ ”Nu woragid tarem-nen an-nen owak mbarosolar-e: ’Abog-e yi-ge kobong ma bug-o’ luk urul pigi iri na nggal-et, yawo na owak mbarosolar-e: ’Abog-e an-nen-e nisilepma kenpem posolat, kenpem mbud yosolat na mondok kwarimin pug-o’ luk urul pusu-o.

YESAYA 54:9 ပူးပေါင်းရင်းမြစ်များ

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

NDAWI ENGGA 104:9

Kat-nen-e yi-ge nggweyak yu tuguruk kobong ma naru, ”Ya nggwe-ge mbururak pug-o” luk mondok kuri wosa pigenma-o.

YESAYA 49:18

Kat keralu kwara lombot pi-o. Yerusalem kat kimid pem woragwi nab-e ndok wutluk, keram lobok yili-o. Mbal Pem Nagawan nuruk nak woraso an nunu bem an-nen yusu-o. Kwe ndugum ap wanurak kwe-nen umuruk pidnak iri na bem alen-nen indi kek yoso nggal, it kat kimid pem wolma nap iri na enpem-e kalen-nen kindi kek yugun-o.

YESAYA 55:11

an nemndam nggwe-nen wirik pidnak wene-ge we ebe lag-et an neram tuguruk luma bug-o. Alat nde, an nindi-nen pidnak ereba na kwat yosolat, an nindi-nen ’Kwat mag-o’ yidnak ereba na ebe kwarak posolat yoso-o.

YEREMIA 31:37

Nde, misik tarem ndak wurugwi mende bem mbal ndak worogolat, nggweyak yiriwak yu iri nggal-o luk lombot pogolat nggal-nen-e iri yogolat tarem iri-nen Isarael nab-e it-nen meya kwarugwi bem-et an-nen keya enpeleb-o. Nagawan Indo an-net yigi-o.