YESAYA 54:8 - Nanduk Ngget Tul Pidnak Wene

⁸ An nisilepma kwiye worak-nen ndowaga we marig-et nak keya kibigi-t nde, an-nen enabuwa pem kundugu kaso iri na bem-e kat kabuwa kasolat woramin-o” luk kimiri yoso Nagawan Indo-nen yij-o.

YESAYA 54:8 ပူးပေါင်းရင်းမြစ်များ

NDAWI ENGGA 103:17

Alat nde, Nagawan Indo-ge at aye worak woragwi nap pem irit enabuwa kasolat, at-nen konak nak kwat onposo mende-ge ap pem lud irit pem kundugu kandugu kwat onposolat woraso iri-ge

NDAWI ENGGA 103:4

Yapma-nen kimiri yusu-o. Enabuwa kaso elem min unpud kaso elem min-e kwarat kebem pusu-o.

NDAWI ENGGA 27:9

An-nen kiyujwa naru, kurak yurak pug-o. Ndegel koboso nap an-e kisilepma nuburuk, keya nuburak pug-o. An Nimiri Yoso Mbal Pem Nagawan wa-e. Kar-e an yongga noroso-nen yusu-o. Mbo nibilik, keya nibilik yurak pug-o.

YESAYA 40:27

Iri ala-ge, Isarael wa-e. Kar-e noluk-nen: ”Nagawan Indo Nembal Pem Nagawan-nen-e an-nen anggun panggun kasu yu-ge neyasu bug-o” luk peraruk, kindi kabak yosolat, kumud kasu-o? Kat-nen wolmomtak na at-nen nggok tak pigit lak yosolat, kat kwat kuburak ereba na kwara mbenat kubusu bug-o luk eberasu-a?

YESAYA 45:15

Isarael nap inmiri yoso Mbal Pem Nagawan iri-ge kura nak woraso Mbal Pem Nagawan-nen yusu-o.

YESAYA 49:10

It iri-ge yi nere min nunggwi mende nere min-e mondok kujwa bug-o. An-e it unpud kaso iri na-nen lit unpuruk yi ulusu ereba na me wok unpuruk nosola, nembaga usu lak nggwe-t nde, mondok mo eyak kujwa bug-o.

YESAYA 49:13

Nagawan Indo-nen at ilirak inndi yangonosolat, at ilirak anggun panggun tak inpili ereba na enabuwa kasu me, mbal wa-e. Ndawi yi-o! Nggweyak wa-e. Kek kok lel ker-o! Ndobo wae. Kenalen-nen kek kok mbak lel ker-o!

YESAYA 49:26

An-nen-e kunuwim nab-e inndi lak lak tak posola, it nak it nak wat kerak mbuwa-o. Iri kwarogolat, ap enlem oboksa-nen enaru yogolar-e, Nagawan Indo kinmiri yoso nap an neresa-nen kinmiri yusu-o luk enaru ma-o. Iri-nen an-e Yakup Embal Pem Nagawan Mondok Amawi Worak wisirik konposo-nen yusu-o luk enaru ma-o” luk yij-o.

YESAYA 54:10

Ndobo min ndobo amun min ereba-ge lewo yuwa-t nde, an-nen kit kenabuwa kasu yu-ge pok tak pimin pug-o. Lambuksa konak wolmomtak urul pigi iri-ge mborok tak pimin pug-o” luk kit kenabuwa yoso Nagawan Indo-nen yij-o.

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

YESAYA 60:10

Nagawan Indo-nen Yerusalem yak tosolar-e: ”Kat kegerep pak leger-e enlem nin nap-nen tuguruk worak kubuwa-o. It-nen idnak nagawan ereba na-nen-e ndegel kubuwa-o. Nandug-e nisilepma bem angin worak kebem posolat woragi-t nde, yawo-ge an nindi-ge kat kabuwa yurak nindingen yusu-o.

YESAYA 63:7

Nagawan Indo-nen enabuwa kaso wene-ge wigarimin-o. At-nen kwaroso oboksa bem an-e at erembel wanimin-o. At-nen-e at ilirak enabuwa mondok kwarat kasolat, at-nen enabuwa kaso elem-e mondok lak yoso buk iri bem-e imbiringgar-e kwarat at ilirak enpem mberak poso-o.

YESAYA 64:7

Nit-nen meya kwarugwi iri na-nen lak tak nunpuwakluk, neneyamin naru kombol wok nondosolat yigen iri bem-e ap misiger-o luk-nen keram tepan yogolat, ”Yongga nindi-o” luk kemengen mbarogolat mondok kwarugwi bug-o.

YESAYA 8:17

Nagawan Indo-ge at ilirak Yakup-nen wigarak iri na-nen at kujwa naru ombol wok endarik worasu-o. Alat nde, an-e ebem-et nindi wat tak puruk, mbung mbung tak worasu-o.

YEREMIA 31:3

an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

ABAKUK 3:2

Nagawan Indo wa-e. Kat-nen kwaroso wene-ge kuligi-o. Kolosolar-e, an narem-e kwiye wok yij-o. Nde, kat-nen kwiye worak kwarigen iri-ge tuguruk nit worali tarem ya kwari-o. Kar-e kisilepma yosolar-et nde, nenabuwa yi-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

1 TIMOTIUS 1:16

Alat nde, yu bem-nen Mbal Pem Nagawan-nen an nabuwa kagaij-o. An meya nggulok yoso iri bem-nen Kerisut Yesus-nen mamak puruk woraso na an nebem nam tak pamu-o. Nde, iri yid iri-ge it abok at ebem inndi angin tubu yogola, unlug-et woralik nalik momtak elem wanuwa nap enmanggim mul ondosolat-nen kwat nibij-o.