YESAYA 53:3 - Nanduk Ngget Tul Pidnak Wene

³ Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

YESAYA 53:3 ပူးပေါင်းရင်းမြစ်များ

NDAWI ENGGA 69:29

Alat nde, an-e mangonokma woralat, andi bandi kasu-o. Mbal Pem Nagawan wa-e. Andi bandi arem-nen lesa nimiri yi-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 50:6

An-nen-e an nombol-e an nitli nap enambigit nuk kagi-o. An nerabengen-e an nondoksu lit yaga pinili nap enambigit nuk kagi-o. Ap-nen nggweyel nobogolat, wusi tebal nobogola-ge, nerare kurakit lak, larok nak yigi-o.

YESAYA 52:14

Nandug-e ap kwarat-nen at yik karug-e, wendet yiga-o. Iri kwariga iri-ge at erare meyasa labuk yidnak me, ap entare nggal-e lak ala-nen kwariga-o.

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

YESAYA 53:4

Ndemerer-e nit-nen kudtak andi bandi iri na nondolmasa at ebem mbosolat, nit-nen yane wurugwi iri na nondolmasa at nde yane worosolat kwarosola-t nde, nit-nen peragolar-e: ’At andi bandi kasu iri-ge Mbal Pem Nagawan-nen angin worak ebem pusu-o’ luk peraige-o.

MIKA 5:1

Nagawan Indo-nen yosolar-e: ”Mbetleyem Eperata wa-e. Kar-e Yewura nggweyak pem-nen o siri kunu lak, marig-et nde, kat kebem-nen Isarael tena unpuruk wolmomtak nagawan amawi worak misik mendak pimin-o. Nde, at iri-ge mondok o nanduk ereba na-net woraso-nen yusu-o” luk yij-o.

MATIUS 26:67

Iri luk, it-nen-e wusi tebara at erare bem pogolat, ininggi-nen at nduk puk worogolat kwarukmu-ge, it erep na-nen at worogolat-nen

MATIUS 27:63

at yak togolar-e: ”Nap wa-e. Nit-nen yebet kagolar-e, ap kabak tak onposo nap iri na uruk woralat-nen yosolar-e: ’Mberen nene luk, kenan tak purak pem nuruk yimin-o’ luk yoso na yebet kaige-o.

MARAKUS 10:33

Yak ondosolar-e: ”Yu nde ker-o. Nir-e Yerusalem lali-o. Nde, Ap Ambara an-e tepan omborak nagawan nagawan nde imiri mbarak pidnak wene enaru nap nde ininggem nubuwama-ge, it-nen-e an nuruwakluk niminep wesera enlem nin nap ininggem nubuwa-o.

MARAKUS 10:34

Iri lug-e, it-nen-e an pesel nobogolat, wusi tebal nobogolat, linggamburok norogolat tak nuburuk, e lang pang tak pem nuruwa-t nde, mberen naruk men yimin-o” luk yak indij-o.

MARAKUS 14:34

it yak ondosolar-e: ”An nindi puru yosolat, wat momtak nggal irit yusu-o. Kit yu me woragolar-e, kwara yik karok wolmer-o” luk yak indij-o.

MARAKUS 15:19

Wa yak togolug-e, wangun pem anggulwak lel kagolat, wusi tebal pogolat, at erembel wanidnak nggal at eralu entare nggwe tud yogolat yiga-o.

MARAKUS 9:12

Kin wok obogolikma-ge, Yesus-nen it yak ondosolar-e: ”Elia-ge yi mende ndi mende lid lud tak purak pem ndemeret at nandug-et lobok yuwa-t nde, Mbal Pem Nagawan engga mbarak pem-nen-e: ’Ap Ambara iri-ge yane kwarat worosolat, ap-nen pesel obogolat ma-o’ luk yidnak iri-ge ngge kwarag-o?

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

LUKAS 19:41

Nde, Yesus na-ge Yerusalem panggosa wok luk, o siri na yik karug-e, o na ubud-nen yip tij-o.

LUKAS 8:53

Yosoloma-ge, la kwe iri na abu wat yidnak enaru me, it pidsa-nen-e Yesus nda wiriga-o.

LUKAS 9:22

”Ap Ambara-ge andi bandi kwarat kasolat, ogore yidnak nap min tepan omborak nagawan min imiri mbarak pidnak wene enaru nap min-nen pelek pelek tak uburuk, wuruwa-t nde, mberen naruk, kenan tak purak tarem-e tuguruk uruk tak puwa-o” luk yij-o.

YOANES 11:35

Yogolikma-ge, Yesus na yip tij-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

TUGURUK YIDNAK WENE 32:15

Iri kwarosola-ge, Nagawan Indo ilirag-e enarengge kwarat worak woragolar-et nde, eyak wurugwi irit woraiga-o. Ir-e nunggwi mende inmbitsa nonggolat enpe-ge nggok yiga-o. Iri yogolar-e, Inmiri Yoso Nap ndak wat inpid Nagawan Indo iri na-ge keya biga-o.

IBERANI 4:15

Nde, nit nentepan ombo nggulok iri-ge nit ndeyak yugwi mende iri bem-e at-nen na nunpud kasu-o. Nde, nit ninndi ngaroso mende pik paksa-nen-e at indi na ngarij-et nde, ar-e meya mbi kwarigit lag-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.