YESAYA 53:10 - Nanduk Ngget Tul Pidnak Wene

¹⁰ Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

YESAYA 53:10 ပူးပေါင်းရင်းမြစ်များ

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

NDAWI ENGGA 22:30

Ap it inmbirik unluk wolma nap-nen-e Nagawan Indo at nak kek tak obogolat wolma-o. At owene-ge ap pem lud-nen wigarogolat wolma-o.

NDAWI ENGGA 22:31

It-nen-e abok ndesa mbuwa nap ereba na yak ondogolar-e: ”Nagawan Indo-nen at ilirag-e inmiri yamu-o” luk yak unduwa-o.

NDAWI ENGGA 69:26

It iri-ge kat-nen angin worak enpem pidnak nap lel mberel onpogolat, kat-nen andi bandi rak inpidnak nap onpok pogolat kwarugwi-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

NDAWI ENGGA 72:7

At-nen mot mot kwaroso-ge at worala tarem-e nggok yosolat wolmag-o. Waneya worala tarem-e at-nen tenagidnak wi-ge yi mende ndi mende bem-e liring liring mborosolat wolmag-o.

NDAWI ENGGA 89:29

Nggweyak anggul pem mbal eid worala-ge, at-nen nagawan woraso ondoro iri-ge an-nen pem irit tena woramin-o. At ilirak-nen nderag-e ap pem lud pem irit nagawan mendak wolma-o.

NDAWI ENGGA 89:36

At-nen nagawan woraso iri na-ge pem irit mo worala-ge, an-nen amawi rak puruk woramin-o. Ap pem lud at ilirak-nen wigarak-nen-e nagawan wolma-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 46:10

Abok-nen kwat momtak wene-ge nanduk-net yak kundukmu-o. Abok-nen kwat momtak wene-ge abuwokma nanduk-net urul pukmu-o. Iri yosolat-nen an-nen yosolar-e: ’An-nen irit kwarimin-o luk mbarigi wene-ge mondok kwar-et ma-o. Nde, an nindi-n pidnag-e mondok kwarimin-er-o’ luk yigi-o.

YESAYA 49:4

Alat nde, an-nen yosolar-e: ”An-nen yabu wanosolat nirigak mbij-e wewesa namawi nak lak tak pigi-o!” luk yigi-o. Alat nde, Nagawan Indo-nen-e an nowene mbarosolat, an-nen yabu wanidnak ndak ndag-et onggo wok nuruwa-o luk naru worasu-o.

YESAYA 53:12

At na ondomok indi-net iminep wisirik puruk, meya yoso nap nggal kwat yamu-o. At-nen-e ap kwarat-nen meya yidnak wanosolat, it meya yidnak amberam tak puwakluk tepan enmanggim yamu-o. Iri bem-nen an-nen ap kwarat we at wok tukmu-o. Nde, ap lud tak mot mot nak kwarugwi nap-nen wanugwi ereba na-ge at min-et it inmin lambuksa winde ma-o” luk yij-o.

YESAYA 54:3

Kar-e kigit nggwe, kware nggwe wigaksa nggok yil mburugun-o. Kat kebem woragwi nap-nen-e ap enlem erep unuwi nggweyak wanuruk, kore ma-o. Iri yogolar-e, o siri yawo o wa aptuporak worasu ereba-ge yebet ma-o.

YESAYA 61:9

Kit-nen wigarag-e nin me nan me oboksa-nen enaru ma-o. Ap enlem oboksa ennggendumu enanggu onpok mburuwa-o. Iri yogola, ap oboksa-nen it eneyarug-e, ’It ap enlem yu-ge Nagawan Indo-nen imbiringgat tak onposo nab-o’luk para yuwa-o” luk yij-o.

YESAYA 66:22

Mbal min nggweyak min ngget ndak worak pidnak an namawi-nen kondok tak puruk wolma iri nggal-et, kit-nen wigarak min kit kunnu min-e pem irit wolma-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

LUKAS 1:33

At iri-ge Yakup-nen wigarak nap ennggendumu nagawan irit pempa wolma-o. At-nen tenagaidnak wi-ge lag-e ma bug-o!” luk yij-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 12:24

An-e ndemeret yak kundusu-o. Mbato engen lerak misig-e nggweyak pem yagosoma, piri yigit lak-nen-e engen iri na nak woraso-o. Nde, piri luk-net ebe kwarat poso-o.

YOANES 13:32

Nde, an nebem-nen Mbal Pem Nagawan kek tak obogola-ge, Mbal Pem Nagawan-nen na at ondomok ebem-net Ap Ambara an na kek tak nubuwa-o. Yanem-et ndag-et nak kek tak nubuwa-o.

OROMA 6:9

Kerisut na-ge wat yidnak nap ennggendumu-nen uruk tak pidnak ombol nggwe-ge tuguruk wat ma bug-o luk nir-e nenaru yili-o. Nde, wat yugwi elem-nen-e at urugwe nggwe rak uburag-e mondok meya-o.

OROMA 8:32

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

OROMA 8:8

Ki nap-nen kwarugwi mende nak kwatli nab-e Mbal Pem Nagawan-nen wok unpurag-e meya-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

EPESUS 1:5

Ar-e nit nenabuwa kaso bem-net Yesus Kerisut ebem ala, Mbal Pem Nagawan-nen-e nir-e at ilirak tak nunpurag-e nanduk-net iri mondok lud tak puruk woragaij-o. Iri rak nonposolar-e, at alen min-et at indi-nen puruk kwarij-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

2 TESALONIKA 1:11

Iri bem-e, nir-e pempa kit kenmanggim tepan yili-o. Nit Nenmbal Pem Nagawan-nen kenperasolar-e, at-nen wene mbo kinpidnak nap ndag-et yobokluk, kenmanggim tepan yili-o. Kir-e konak nak kwaruwog-o luk perali mende kwarurak pem-e at amawi bem-nen ebe kwat yosolat, kit kinndi angin tubu luk kwarugwi mende na iminep mbal yosolat mag-o.

IBERANI 2:13

Nde, ar-e misik pem-nen yosolar-e: ”An nindi-ge Mbal Pem Nagawan ebem nak mbung mbung tak woramin-o” luk tuguruk Yesus-nen yosolar-e: ”An min Mbal Pem Nagawan kat-nen wok nirigen nilirak yu min worali yur-o” luk yij-o.

IBERANI 7:27

Nde, Yesus na-ge it tepan omborak nggulok erep ereba na nggal-e lag-o. It-nen-e pempa Mbal Pem Nagawan amanggim wam wosa eyabi pogolar-e, nandug-et it ondomok meya yidnak pem puruk, imbirig-e ap pidsa meya yidnak pem pugwi-t nde, Yesus-e misik tarem nak Mbal Pem Nagawan amanggim posolar-e, wam wosa eyabi pidnak nggal at ondomok eyabi pij-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.