YESAYA 50:4 - Nanduk Ngget Tul Pidnak Wene

⁴ An-nen yimin wene bem ap enpabok lak ereba na enmawi rak purak pem-e Nagawan Indo Kek tak iri na-nen an-nen wene yurak mirik nibij-o. Pempa kuplila-ge at-nen an mul nururak wene iri na kuluwaklug-e, neyanggo anggat worak tak bosolat woraso-o.

YESAYA 50:4 ပူးပေါင်းရင်းမြစ်များ

AYUP 4:4

Kat-nen yoso bem ap indi uwi yagosolar-e, kapsa mbidnak nap min ndeyak woragwi nap min indi momak pugwi buk nap min-e enmawi rak posolat woraso-o.

NDAWI ENGGA 40:7

Kuwarak posola, an-nen yosolar-e: ”An-e yu-o. Engga ket mbet iri na arem-nen an nimin yosolar-e:

NGGOMO WENE 15:23

Yurak tarem-et wene yogola-ge, ab-e enalin enalen yugwi-o.

NGGOMO WENE 25:11

Enarem-nen yebet kagwi wene yurak tarem-net yili iri-ge perak-nen konidnak piring pem pidnak nggal emas amorok ndak wosa pidnak nggal-nen yusu-o.

YESAYA 28:19

Kir-e anggun panggun mende pempa kenpem mbosola, pempa anggun panggun nak kerenak woragub-o. Woragolar-e, lengge-nen kuplila-nen kubu-nen kenpem mbosolat wolma-o. Nde, kit-nen nde Mbal Pem Nagawan-nen yak kindidnak wene iri na yebet kagolar-e, kir-e kwiye-nen lele yugub-o.

YESAYA 28:9

It-nen an nebem ujwa mbarogolat-nen yogolar-e: ”Ar-e tarak mul indimin-o luk perasu-o? Iri-nen at-nen iri nggal-o luk aru yidnak ereba na mul unduwa-ge ta-nen kuluwa-o? At indi-nen-e nit yu-ge li marik nggeret kamo mbarak nggal-nen yili-o luk nenperasu, lak?

YESAYA 35:5

Iri tarem-e ap enlengen ngguru-ge enlengen kona yik kagolat, ap eneyanggo lak wene kulugwi buk na enne kulugwi kwat yogolat ma-o.

YESAYA 40:29

At-nen-e enmawi lak min enpabok lak min enmawi rak poso-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

YESAYA 54:13

Kat kilirak oboksa Nagawan Indo an-nen mul indimin-o. Ir-e ukwe mende bem-e mondok ndak enalen pem irit wolma-o.

YESAYA 8:16

Kit an-nen mul kondoso nilirak-nen-e Mbal Pem Nagawan-nen kwarurak nebem pidnak wene ereba-ge kwara puksa tena wolmomtag-o.

YEREMIA 1:9

Iri lug-e, Nagawan Indo inggi mberak parik, nemnde tena buruk-nen yosolar-e: ”Kwara kuluruk, an-nen yusu wene yu ap inmbiri bem yi-o.

YEREMIA 31:25

Nde, it enpabok lak nab-e an-nen enmawi rak posolat, nde, nere-nen ndowaga enpabok lak yidnak nab-e an-nen inmbitsa mak ondosolat kwarimin-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 13:54

at ambik ama elem ma iri me mbirij-o. Mberarik, it-nen tepan yugwi ma iri me yak ondolat worasola-ge, at-nen yak indidnak wene iri kuliga nab-e wi langgu mbarogolat-nen yogolar-e: ”At yu-ge indi nggat nggat elem min kwiye worak mende kwarurak amawi min-e ngge me-nen wanij-o?

MATIUS 22:46

Nde, ap misiger-o luk tet at ene onggo yigit lak yiga-o. Nde, iri tarem-nen-e Yesus kin wok uburag-e kwiye yiga-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

LUKAS 4:22

Yak ondosoloma-ge, it oboksa-nen-e at erembel wanogolat, at-nen yidnak wene-ge konak nak ala, wi langgu mbarogolat-nen yogolar-e: ”At yu-ge Yusup ambara-ge lag-a?” luk yiga-o.

YOANES 7:46

Yogolikma-ge, Mbal Pem Nagawan wi yik karok woragwi san winde-nen yogolar-e: ”Ap misiger-o luk tet at-nen yusu wene iri nggal-e yugwi bug-o” luk yiga-o.

TUGURUK YIDNAK WENE 18:17

Nde, kit-nen kwiye yogola, Nagawan Indo-nen an yak norosolar-e: ’It-nen nggi yiga iri-ge mondok konak lombok nggi yiga o.

TUGURUK YIDNAK WENE 18:18

It enlem nap ennggendumu-net kat nggal an nene lomboksa yoso nap misik it endam lena wirik pil lobok yimin-o. Nde, an-nen-e at-nen yurak wene-ge yak timin-o. Yak tumu-ge, at-nen-e at-nen yurak wene ebem pimin iri na-ge it yak unduwa-o.