YESAYA 50:2 - Nanduk Ngget Tul Pidnak Wene

² Noluk-nen an lobok yosolat wene mbo onposola-ge, an nilirak ennggendumu-nen-e ap misiger-o luk mbi-nen nene erep nggarigit lag-o? It enne lak yiga iri-ge it-nen peragolar-e: ’At-nen-e wisirik nonposolat, ninmiri yosolat yurag-e amawi lag-o’ luk-nen enne lak yiga? Alat nde, ndemerer-e an-nen yidnak pem-e yi koma eberek tak posolat, yi oboksa ogorak nak ngguru rak posolat, yi lak-nen ndowaga keyane oboksa emben to yosolat kwarurag-e ndag-o.

YESAYA 50:2 ပူးပေါင်းရင်းမြစ်များ

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

NDAWI ENGGA 107:33

Nagawan Indo-nen-e yi ereba na-ge yi lak nembaga kwarak posolat, yi ulusu ereba na-ge eberek luk nggweyak nak le rak paga keya bij-o.

MBIRIGA WENE 14:21

Iri sa woragolar-e, Musa-nen-e yi koma ambigit inggi ndimirik posola-ge, Nagawan Indo-nen-e mo luwaso (timur) nggwe-nen o wija mondok amawi worak irit pil lobok yamu, tag-et kubu iri-ge puk kerenak woralar-e, yi koma na-ge puk kaga ogorak nak nde rak pij-o.

MBIRIGA WENE 14:29

Alat nde, Isarael nap na ndilagolar-e, yi koma na-ge ogorak nderak nggwe ndiliga-o. Ndilagola-ge, yi na-ge ponok ponok pak nggal nggaserak worala ndiliga-o.

MBIRIGA WENE 7:18

Iri yosolar-e, keyane oboksa wat yosolat, yi min emben to yosola, Mesira nap-nen-e yi norag-e insili ma-o yak ti-o” yij-o.

MBIRIGA WENE 7:21

Iri yosola-ge, yi yeba na arem woraso keyane oboksa wat yosolat, yi na emben to yosolar-e, Mesira nap-nen yi ereba norag-e meya kwat yij-o. O Mesira uwi oboksa eyabi worak irit agaij-o.

NGGOMO WENE 1:24

An-nen lobok yer-o luk wene mbo konposolat, kenmengen mbarigi-t nde, kit-nen eneyakngen nggal tak nibigeb-o.

YESAYA 41:28

Kugwiwak ereba na ennggendumu an-nen lombot onposoma-ge, misiger-o luk mbi tet ene worak kagit lag-o. Iri-nen wene onggo yurak na meya kagi-o.

YESAYA 42:15

Ndobo amun min ndobo nggok min-e an-nen usu nggwara keya bosolat, yagidnak mende oboksa an-nen terabet tak pimin-o. Nggweyak mbirik min yi min an-nen nden yaga nembaga karu nde kwarak pimin-o. Nde, yi yinggirik oboksa mondok eberek tak pimin-o.

YESAYA 43:16

Nagawan Indo-nen tula yagosolar-e, yi koma mondok saberep mbaberep lobok yusu iri na nggwe-t yagij-o.

YESAYA 44:27

An-nen yi koma yak tosolar-e: ’Eberek yi-o! Kat-nen idnak yi ulusu ereba na eberek tak pimin-o’ luk yak toso-o.

YESAYA 54:6

Isarael wa-e. Kar-e kwe ndugum un-nen keya bosoma, indi puru rak woraso iri na nggal-nen yusu-o. Alat nde, Nagawan Indo-nen tuguruk at eram lobok yonokluk, wene mbo kobosolat-nen yosolar-e:

YESAYA 63:13

It lit unpuruk, yi pyry rak nggwe-t nde, ndil lasolat, kura wam nembaga nggwe mborosolat nggal, it unuwok pijaksa na mbud yigit lak inmin mbirid Nagawan Indo iri na-ge ngge me worasu-o?” luk yiga-o.

YESAYA 64:6

Nit oboksa-ge kopkap tobok tak woragwi-o. Iri-nen nit-nen konak kwarugwi min-et kopkap tobok tak mondok meya-nen yusu-o. Nir-e engga lera mbidnak umbuk o wija-nen puk kuruk mburusu iri na nggal, nir-e meya kwarugwi bem-et lak mul-o.

YESAYA 65:12

Kir-e an-nen wene mbo konposola-ge, nene erep nggarigit lak yogolat, an-nen wene yak kondosola-ge, nene kuligit lak yogolat kwarugwi me, kit oboksa-nen mondok insilepma kundugu mondok kondogolat, lak tak kunpuwa-o. Kir-e an nene tarak puruk, meya kwarurak nak nggok tak pigeb-o.

YESAYA 66:4

Iri bem-e, an-nen na an nindi-n pidnak kwarosolar-e, lak tak onposo mende it-nen kwiye kagwi irit it enpem mberak pil mbuwamin-o. Nde, iri kwarimin iri-ge, an-nen wene mbo onposola-t nde, misik-nen mbi onggo yigit lak yogolat, an-nen it wene yak ondosola-t nde, misik mbi-nen nene kuligit lak, it iri-ge an nimin wim mbarurak nak indingen yogolat, meya nak kwatli iri bem-nen kwat inpimin-o” luk yij-o.

YEREMIA 14:9

Noluk-nen kar-e inndi kabak yogolat-nen kwarugwi nggal kwat yosolat, san ombo-nen ap yongga undurak amawi lak yoso nggal kwat yusu-o? Alat nde, Nagawan Indo wa-e. Kar-e ndemeret nit nennggendumu worasu-o! Nir-e kat kilirak-nen yili-o. Kat-nen-e nir-e keya nunpurak pug-o’ yak nitli-o” luk yij-o.

YEREMIA 7:13

Kir-e mondok pempi pempa an-e wene yak kenderenak worala-t nde, kir-e mondok kulurak kinsili yigeb-o. Kir-e meya iri oboksa kwat tenak woragolar-e, an-nen wene yak kondosola-ge, nene ereb-e mondok nggarugwi bug-o.

YEREMIA 7:27

Iri luk, Nagawan Indo-nen yosolar-e: ”Iri bem-e, Yeremia wa-e. Wene yeba oboksa an nilirak ereba-ge yak undugun-et nde, kat-nen yak undugun wene-ge kwara kuluwa bug-o. Kat-nen wene mbo unpugun-et nde, onggo kene erep mondok nggaruwa bug-o.

NDANIEL 3:15

Iri ala-ge, yawo-ge ndawi yogolat ene rak pugwi mende ene rak pogola, kuluruk ereya na-net kir-e emas-nen ndak wirigi iri na indipma yud tud mber-o. Kit nde iri kwarigit lak yogola-ge, mondok kan nggok mabidnak amare arem mbo kinpil nggurag-o. Iri kwat konposola-ge, no kugwiwak nggal-nen an ninggem-nen-e kinmiri yuwa-o?” luk yak indij-o.

NDANIEL 3:29

Iri bem-e, ap enlem lombok min enne lombok min oboksa-nen Sanderak min Mesak min Abetnego min Enmbal Pem Nagawan iri na nde nggweyel puwa nab-e, mondok mbarep parep keya unpuruk, unuwi min mijara keya bosoma, tudsa owak nak nggururak wolma-o. Kugwiwak misik mbi-nen Mbal Pem Nagawan-nen inmiri yid iri nggal-e mondok inmiri yoso buk-nen yusu-o” luk yij-o.

NDANIEL 6:20

O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

NDANIEL 6:27

An-nen tenagidnak wi worali nap oboksa yak kundusu-o. Ndaniel-nen erembel wanoso Mbal Pem Nagawan iri nak kek tak pogolat, indi aye worak wolmomtag-o. Nde, at iri-ge pem-et woralik nalik woraso Mbal Pem Nagawan-nen yusu-o. At-nen tenagidnak wi-ge lak yigit lak, pem irit wolma-o. At-nen tenagidnak wi-ge lak momtag-e meya-o. At amawi-ge mondok lag-e ma bug-o.

OSEA 11:2

Alat nde, an nambara iri-ge wene mbo obosola-t nde, ar-e nuruk nuruk nde mborosolat woraso-o. Nde, ar-e kugi Mbaal amanggim wam wosa kan posolat, kugwiwak erep ereba na amanggim emben konak mende kan posolat woraso-o.

OSEA 11:7

Ir-e mondok an keya nuburak lembe yili-o. Ir-e anggun panggun tak onpogola, ’Yongga nundurag-o’ luk enne mbo yuwa-t nde, ap mbi-nen yongga unduwa bug-o” luk yij-o.

ABAKUK 3:8

Nagawan Indo wa-e. Kar-e yi koma ala kisilepma yusu-a? Yi-nen kar-e kisilepma rak pusu-a? Kat-nen kilirak ombol nggwe rak enpeyeklug-e, nggan nggan-e wim tumburugwi kura min wim koma min nggal tak puruk, ebem kore yigen-o.

WONARIDNAK WENE 11:23

Yosoloma, Nagawan Indo-nen erep nggarosolar-e: ”An namawi-ge marig-et kasu-a? Kerengen wolmin-o. An yak kirigi iri-ge kwat yigit lak yosola kagun, lak?” yij-o.

MARAKUS 4:39

Yogolikma-ge, Yesus na men luk, obube na yak tosolar-e: ”Meyog-o” yak turuk, yi min yosolar-e: ”Tugup lak yi-o!” luk yij-o. Yosoloma-ge, obube na kondok yosolar-e, yi na tugup lak yij-o.

YOANES 1:11

At ambik ama-t lobok yij-et nde, at winde-nen-e wok ibigit lak yiga-o.

YOANES 3:19

It lak tak unpurak wene enpem mbarid iri-ge elem yu bem-nen-o: Yaya na-ge nggweyak ma yu me lobok yij-et nde, ir-e meya nak kwarugwi me, yaya na insili rak puruk, ’Ndamuk irit ninndingen-o’ luk yugwi iri bem-nen enpem wene mbarid irir-o.

YOSUA 3:16

ereya na-net yi ombolwak na-ge mbuguksa labuk yij-o. Iri yosolar-e, yi urusu nggwe-ge yi-ge o siri Saran eralu ponok nggwe o siri Aram iri me yenggera labuk yij-o. Nde, umbut nggwe mbuguksa mbirid iri na-ge Wat Yoso Yi Koma arem nggoso-t nde, umbut nggwe abu mondok eberek yij-o. Iri kwasa ogorak nggilara labuk yamu, Isarael nab-e o Yeriko ndik pindik iri na nggwe ndil laiga-o. Ndil lagola-ge, tepan omborag-e urul pidnak labu mbarak kudsa iri na-ge yi ma iri na-t mendak worakmu, Isarael nap nggaruksa ndil lagola-net ndil laiga-o.