YESAYA 5:6 - Nanduk Ngget Tul Pidnak Wene

⁶ An-nen keya bumu, yakwi buk mende nak yak ma-o. Nde, anggut ari ereba-ge nggarok na wanigit lak, umut na mbarigit lak keya bumu, isile worak min tusuangge min-nen kuraguwa-o. Iri-nen an-nen nggan nggan yak tosolar-e: ’Talme-ge ebem mberak purak pug-o’ luk yak timin-o” luk yij-o.

YESAYA 5:6 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:1

O Nggileat nggweyak arem o siri Tismbe nap Mbal Pem Nagawan ene lomboksa yoso nap mbi unu-ge Elia irit woragij-o. Nde, misik tarem-e Elia na-ge Nagawan Agap eram mberarik-nen yak tosolar-e: ”Nagawan Indo uruk nak woraso Mbal Pem Nagawan, Isarael nap-nen kek tak ubugwi an-nen ndegel ubusu owag-o. Mondok nap kat yak kereyeg-o. Abok olengen mberen, lak? Are, kenan lak? woragolar-e, ereya arem-e mondok lilangen ala na talme mariget ala na mondok mbuma bug-o. An-net yosola-nen perak mbuma-o” luk yak tij-o.

1 NAGAWAN NAGAWAN-NEN KWARIDNAK WENE 8:35

Nde, kat kilirak-nen nde kat kimin meya yogola, kat-nen angin worak enpem posolat, talme mberak pigit lak yosola, it nde kondok yogola-t nde, ’Kar-e nit-nen idnak Nagawan Indo-nen yusu-o’ luk kat kek tak kobogolat, kat kerembel wanugwi o yu ambigit enanggul ndimirik puruk tepan yogola-ge,

AYUP 31:40

an neyapmu-ge jelai mbato min nggandum mbato min nde yak yugu-o. Are, egere isile worak min tusuangge min nde yak mag-o. Ayup-nen yid wene-ge irir-o.

YESAYA 32:10

Yawo kir-e kunmud lak kona worali-t nde, olengen misik worarug-e, anggut engen mbarurak na lak yosolat, engen kerengen erep na abu lak yuwama, kinndi nde kabak ma-o.

YESAYA 49:19

Kat-nen idnak uwi-ge kugun ngguru yosolat, aptu pibo mbij-et nde, yawo-ge yebet yosolat, ap iri me wolmomtag-e meya yusu-o. Nde, kat lak tak kubuwokluk yiga nab-e mondok inggi mbara nin me nan me mbiriga-o.

YESAYA 55:13

Nde, isile worak ondolma-ge libe yak yosolat, egere isile worak ondolma-ge engen kerengen amare worak mende uwi nde yaga labuk ma-o. Iri kwat ma iri-ge ap-nen meme rak pigit lak, pem irit yeberak woragolar-e, Nagawan Indo unu kek tak pogolat wolmakluk-nen kwat ma-o” luk yij-o. 56:1–57:21 Pasal mberen ya arem-e yi wene ndi wene mbarosolar-e, mot mot woragwi wene min Nagawan Indo keya bugwi wene min mbatluk, worok tak posolat-nen urul posolar-e, it yongga undurak wene min it ki rak unpurak wene min mbarak worasu-o.

YEREMIA 14:1

O kibi kwiye worak mbud yurak wene-ge Nagawan Indo-nen-e an-e yu nggal yak nirij-o:

YEREMIA 14:22

Nde, enlem nin nap unkugwiwak-nen-e talme nggweyakma yu me mberak pil mbumomtag-e meya-o. Mbal-nen na at ondomok amawi bem-nen talme mberak pil mbumomtak na meya-o. Nagawan Indo Nenmbal Pem Nagawan wa-e. Nit ninndi-ge kat kebem nak mbung mbung tak worali-o. Ereba oboksa-ge kat nak-nen kwarak posola-nen kwat yusu-o.

OSEA 3:4

Iri nggal-et kwasa Isarael nap na kwarat irit woragolar-e, nagawan na ennggendumu lak, it tu lit iniyudtak nap na lak, Nagawan Indo amanggim wosa pugwi na lak, erembel wanurak kerep sindik pigit lak, kugwiwak na lak, abok-nen kwat unpurak nam tak poso mende na lak irit wolma-o.

YOEL 1:7

Nde, sil ereba-nen-e nit-nen idnak anggut ari ereba na lak tak posolat, e ara elem ereba na lak tak posolat, undugwal nak keya bij-o. E ebe min inggi angga min ngen waga nuruk, loro mberengsa keya bij-o.

AMOS 4:7

Kit-nen yagidnak mende ereba na-ge talme lak me, meya yosola-t nde, an-net talme mberak pigit lak yigi-o. An-nen-e o siri misik me-ge talme mberak posolar-et nde, misik me-ge mberak pigit lak yosolat, yabu misig-e talme-nen piri rak posolat, nde, yabu misig-e talme lak-nen umbuk yosolat kwarak pigi-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

NAM PARA WENE 11:6

Ir-e Mbal Pem Nagawan-nen yidnak wene yogolat woragola, talme mbuma naru, mbal tu imig worak puruk amawi-ge it ininggem wolma-o. Nde, yi ulusu oboksa eyabi worak tak purak amawi na it ininggem wolma-o. Nde, o nggweyak yu lak tak purak mende oboksa amawi-ge it inndi-nen ”Iri mende-t kwat mag-o” luk peragola-ge, kwar-et ma-o.