YESAYA 5:5 - Nanduk Ngget Tul Pidnak Wene

⁵ An-nen idnak anggut yabu yu-ge an-nen-e yu nggal kwat ibimin-o. Yabu iri leget iri-ge kona wabimin-o. At imiri mbarak worasu kerep leget iri-ge ndamera keya bimin-o. Iri rak pumu, nggwija-nen meya rak posolat, ijok liri rak puwakluk keya bimin-o.

YESAYA 5:5 ပူးပေါင်းရင်းမြစ်များ

NDAK WIRIDNAK WENE 11:4

yogolar-e: ”Nenggarag-o. Nir-e o nggok misik wiril lul lul anggul-e mbal pem kundugu puwog-o. Nde, iri wurulndig-e, yi wi ndi wi ndibi ndi yigit lak, ondoro misik nak ndok worak woragolat, nonpok na yi wi ndi wi mborosolat ma-o” luk yiga-o.

NDAK WIRIDNAK WENE 11:7

Anggam-nen anggam ene kulurak meya makluk, nir-e mbulndik, enne nari wari rak puwog-o” luk yiga-o.

NEMIA 2:3

Wendet luk, an-nen onggo yosolar-e: ”Nagawan wa-e. Kar-e kuruk pem irit wolmin-o! Nde, nomborak yapma unpugwi sa o siri iri na ndamera nggururak woralat, iri-nen pak tumende ereba na kan-nen nuruk lak tak pidnak woralat, nde, ndegel koboso nap an-e nggesa-nen nindi puru yigit lak wolmomtag-o?” luk yigi-o.

NDAWI ENGGA 89:40

At uwi siri kerep pak leger-e kat-nen mijara keya bigen-o. Uwim pak ereba na-ge mijara langgona ngguru rak pigen-o.

NDAWI ENGGA 89:41

Ap oboksa-nen iri nggwe mborogolar-e, arengge-ge mengga wanili-o. Ar-e at imin woragwi nap-nen pesel ubugwi kwat yij-o.

AID WENE YOSO NAP 3:3

undurak tarem min ki rak unpurak tarem min mijarurak tarem min o wururak tarem min wat tak pusu-o.

YESAYA 28:18

Iri kwarosolar-e, kit-nen wat yugwi elem min ”Iri nggal kwat nunpurag-o” luk urul pigep min ap watluk ndok wiril mbugwi sa imin kinndi misiget tak pigep min ereba na-ge yugwi rugwi mbuwa-o. Iri yuwama-ge, lak tak onposo mende lobok yosolar-e, yigisa liring tak kunpuwa-o.

YESAYA 28:3

It ennggendumu enne kulugwi nap inndi nden kaso yi nuruk, inndi lak worali nap-nen inndi kek yugwi elem iri na-ge unuwok-nen yemnda o liri rak puwa-o.

YESAYA 32:10

Yawo kir-e kunmud lak kona worali-t nde, olengen misik worarug-e, anggut engen mbarurak na lak yosolat, engen kerengen erep na abu lak yuwama, kinndi nde kabak ma-o.

YEREMIA 18:11

Nagawan Indo-nen an yak norosolar-e: ”Nde, yawo-ge Yewura nap min Yerusalem woragwi nap min iri yak indi-o. An-e it inmin wim mbarurak nindi konusu-o. Iri yosolar-e, it enpem angin worak mberak purak mende lid lud tak pusu-o. Iri bem-e ndak yak indi-o. It-nen meya kwarugwi iri keya buruk, enpage iri-ge tuguruk nden kujwag-o.

NDANIEL 8:13

Iri luk, an-nen kuliginggal, aid nap misik-nen aid nap misik yak tosolar-e: ”Nabi nggal pem kasu ereba kwat tenak worasolar-e, nunggwirik tarem nggal wolma-o? Nde, o nda yidnak irit wosa Mbal Pem Nagawan amanggim wosa kan pugwi iri na meya nggok kwarogolar-e, nunggwirik tarem nggal wolma-o? Nde, san ombo aid arem woragwi min Nagawan Indo erembel wanugwi o iri min-e nunggwirik tarem nggal lul lul wat tenak wolma-o?” luk yij-o.

OSEA 2:12

Kwe at indi-nen perasolar-e: ’Anggut elem min e ara elem min ereba-ge an-e inmin nene yugwi ereba ndegel onposo ereba bem onggo wok niridnag-o’ luk perasu mende an-nen-e ereba oboksa mondok lak tak pimin-o. An-nen nggwija pil ngguwamu, lak tak posolat, anggut yabu min e ara yabu min-e nden yaga wal nde kwarak posolat yimin-o.

OSEA 2:14

Nagawan Indo-nen yosolar-e: ”Iri bem-e at iri-ge an-nen nembaga waruk mbirimindik, indi yanggonosolat abuwa min-et wene yak timin-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

NAM PARA WENE 11:2

Alat nde, Mbal Pem Nagawan wi mborom mbepme nggwe iri-ge ndak wururak pug-o. Nde, iri me-ge Mbal Pem Nagawan enaru buk nap wok indidnak-nen yusu-o. Nde, iri me it-nen-e waneya empat pulu dua (42) woragolat-nen Konak O Siri iri me-ge unuwok-nen alabara keya bogolat wolma-o.