YESAYA 5:4 - Nanduk Ngget Tul Pidnak Wene

⁴ An-nen idnak anggut yabu yu-ge an-nen kwat oboso bug-e no nggal kwat uburak kali-o? An-nen-e engen undu konag-et yuwa-o luk nindi ebem worasoma-t nde, noluk-nen engen-e amak worak nde yij-o?

YESAYA 5:4 ပူးပေါင်းရင်းမြစ်များ

YESAYA 1:5

Noluk-nen kir-e eyak wat tenak nak worali-o? Kir-e angin worak mende mondok kwiye worak tuguruk kenpem purak kindingen-a? Kenanggul-e nggwat nggwat ud nak-nen kobong tak, nde, kinndi min kit-nen yebet kagwi min-e mondok wat yidnak worasu-o.

YEREMIA 2:21

Kar-e anggut konak uwi nggal-et lena wok kuburuk, yak kibigi-t nde, yawo kar-e erambet mbepme tenggal yoso ebe lak mende nde kwat yigen-o.

YEREMIA 2:5

Nagawan Indo-nen yosolar-e: ”An-nen-e meya-ge ngge kwarosola-nen kit konmborak neyaruk, keya nibiga-o? Ir-e kugwiwak ebe lak ereba na nde langgaluk mbirigarik, abok nggwe-ge it nde ebe lak mende kwasa labuk yiga-o.

YEREMIA 7:25

Nanduk konmborak Mesira-nen lobok yiga kuri yawo kuri woragolar-e, an-nen-e an ndegel nubugwi an nene lomboksa yugwi nab-e kit kendam wirik enperenak irit woraso-t nde,

YEREMIA 7:26

it enne-ge kwara kologolat, kwara yebet kagolat mbi mondok kwarigit lag-o. Are, konmborak-nen kwarugwi-ge te nggal-et nde, kit-nen-e wene kulugwi buk, keneyanggo lag-e terak minik ombol nggwe irit kwat yigeb-o” luk yij-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.