YESAYA 5:2 - Nanduk Ngget Tul Pidnak Wene

² Nde, at-nen-e nggweyak yalosolat, kerep ereba na-ge lena mbo bosolat, anggut konak uwi nak irit yagij-o. Yagurug-e, yik karok wolmomtak o mot misik iri na me wirij-o. Iri rak purug-e, anggut engen yosola, engen amburu mbulurak ondoro nggweyak yalij-o. Iri rak purug-e, engen ereba na ogere yamu mbarid nggal-e, engen undu-ge amak worak nde kagaij-o.

YESAYA 5:2 ပူးပေါင်းရင်းမြစ်များ

2 SEMUEL 7:10

Iri-nen an nilirak Isarael nab-e tuguruk sil eneyagit lak, kona yamuksa wolmakluk an-nen ondoro mbi lenak puruk, iri me-t wolmer-o yak indigi-o. Nde, it o yu me wok yogola-net an-nen-e it ennggendumu lit unpuruk nurak nap lenak unpukmu-o. Nde, ap wene kulugwi buk nap-nen-e enpem mbud tenak woraiga-o. Alat nde, abog-e iri nggal-e kwaruwa bug-o. Mondok owak mbarusu-o. Wim nap-nen-e mondok sil kiyujwa bug-o. Wene lak, yamuksa irit woragun-o. An-net kat-nen wigarag-e wok kirimin-o.

NDAWI ENGGA 80:8

Kat kilirag-e anggut uwi nggal Mesira-nen inpil lobok yosoluk, ap enlem nin ereba na-ge sera wirik onposoluk, it unuwi nggweyak pem-e anggut uwi iri na yaigen-o.

NDAWI ENGGA 80:9

Kat-nen-e anggut uwi iri yagurak amanggim ondoro kona keya buruk, yabigenma, emengen uwi yaga nggosolat, nggweyak iri na me oboksa yimik yij-o.

MBIRIGA WENE 33:16

Kat nde nit ninmin mbirigit lak yosolar-e, kat-nen an min kat kelem yu min-e kalen nenpem pusu iri-ge nggesa-nen it mbepme nggwe-nen enaru ma-o? Kat nit nennggendumu worasu iri bem-nen nit nggweyak ma yu me woragola-ge, yi ap ndi ap ennggendumu-net nde, nir-e arik lenak nunpusu-o” luk yak tij-o.

YESAYA 1:8

Nde, Yerusalem nak perak o siri ap-nen leget waburuk woragola nimik yurak meya nggal, anggut yapmu o sare worak nggal, ngguru nggeyo uwi yagidnak sa o lije worak nggal arig-et nak lonosa keya biga-o.

YESAYA 5:7

Nagawan Indo Mondok Amawi Worak iri na eyabu anggut yabu-ge Isarael nap-nen yusu-o. Nde, Yewura nap iri-ge Nagawan Indo-nen at eyapmu yagidnak anggut ari-nen yusu-o. At-nen-e it iri-ge mot mor-et kwarogolat wolmomtak enpem indi puruk worasola-t nde, lugud tak kwarugwi mende nak kwarogola eneyagaij-o. At-nen yebet kasolar-e, ir-e mot mot kwarugwi nggok tak puwa-o luk enperagaij-et nde, it-nen-e mot mot nak kwat unpuwakluk nggi yosola, enne nggwa nak kolamu-o. 5:8-30 Ayat ayat yeba arem-e yi meya ndi meya kwarugwi nab-e lak tak unpuwa wene mbarak worasu-o.

YEREMIA 2:21

Kar-e anggut konak uwi nggal-et lena wok kuburuk, yak kibigi-t nde, yawo kar-e erambet mbepme tenggal yoso ebe lak mende nde kwat yigen-o.

MIKA 4:8

Lomba wam ombo-nen olomba oro yik karok woraso nggal, Yerusalem kar-e Mbal Pem Nagawan-nen at ilirak yik eneyarok woraso ondoro-nen yusu-o. Yerusalem kar-e nanduk-nen woraso nggal kat-nen tenagidnak wi o siri iminepma tuguruk kwat yugun-o.

WONARIDNAK WENE 23:9

Ndobo ereba anggul pem-nen Isarael nab-e yik iniyil mbirigi-o. Ndobo amun ereba bem-nen eneyagi-o. It iri-ge ap enlem nin nap inmin nat karug-e lak. It nag-et lenak eneyagi-o.

MATIUS 21:19

Nde, e ara misik tu mbanggo ma karuk, e na elem pem mbiridnggal-e, engen pigit lak, engga nak ala-ge, at-nen e na yak tosolar-e: ”Kar-e mondok kengen yugun pug-o!” luk yak tosola ereya na-net e ara na umbuk yij-o.

MATIUS 21:33

Yesus-nen yosolar-e: ”Nden karuk wene misik yu koler-o. Nggweyak winde nap misig-e eyabu anggut yabu woragaij-o. Worala-ge, leget waga kambuk tak puruk, engen amburu mbulurak ondoro nggweyak yaluruk, yik karok wolmomtak o lije teram misik wirij-o. Wutlug-e, it-nen parugu woraidnak pem engen erep wanuwakluk, ap yak unduruk, at iri na-ge o nin sa mbirij-o.

MATIUS 21:34

Mberarik worasoma-ge, anggut engen ogore yosoma mbarugwi tarem panggo yosola-ge, yabu winde na-nen at ndegel pugwi nap wirik onposolar-e, at amanggim pidnak engen wok unduwakluk, it parugu worali nap endam wirik inpij-o.

MARAKUS 11:13

Nde, erepma-nen e ara misik engga miri tup tak yik kil mbutlug-e, engen mbi yid, lak? lug-e korok korok mberarik, limbinidnggal-e, engen poso tarem awo me, engen pigit lak, engga nak miri tup tak kagaij-o.

MARAKUS 12:1

Iri luk, Yesus-nen nden karuk wene bem it tepan omborak nagawan nagawan min imiri mbarak pidnak wene enaru nap min Yawuri nap nagawan nagawan min yak ondosolar-e: ”Ap misik-nen-e anggut engen uwi yaguruk, leget wanuruk, engen amburu mbulurak ondoro nggweyak yaluruk, yik karok wolmomtak o lije teram mbi wirij-o. Iri rak puruk, ap erep-nen parugu woraidnak pem engen mbi wanuwakluk yak undurug-e, at iri-ge o nin sa mbirij-o.

MARAKUS 12:2

Mberarik woralar-e, engen ogore yoso ndak ndak tarem at-nen at ndegel oboso nap mbi anggut engen erep na wok tuwakluk, parugu worali nap na endam wirik ibij-o.

OROMA 9:4

Nde, it Isarael nap iri na-ge Mbal Pem Nagawan-nen len inpidnak nap-nen yili-o. It iri-ge Mbal Pem Nagawan-nen at ilirak tak unpuruk, at unu kek tak nggal unnu kek tak pij-o. It inmin-e: ”Iri nggal kwat kinpimin-o” yosolat, imiri mbarak pidnak wene na wok ondosolat, mot mot nak Mbal Pem Nagawan erembel wanurak elem mirik onposolat, Mbal Pem Nagawan urul yak indidnak wene na it-nen wanogolat yiga-o.

1 KORINTUS 9:7

San winde-nen wim timbiril mborosolar-e, at ambikpebe-nen onggo buruk mboroso-a? Nde, anggut yabu wanurug-e, engen yidnak naso bug-e ta-o? Are, sapi wam ndogoroso nap-nen-e agamo amburu naso bug-e ta-o?

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

WENE MBENARUGWI NAP-NEN KWARIDNAK WENE 16:4

Iri kwatluk ombol nggwe-ge Simson na-ge o Sorek iri me woraso kwe misik ebem indi pij-o. Nde, kwe iri na unu-ge Ndelila-o.