YESAYA 45:1 - Nanduk Ngget Tul Pidnak Wene

¹ Nagawan Indo-nen Kores iri na-ge nagawan irit lena mendak ibij-o. Nagawan Indo-nen at ebem posolar-e, ap enlem oboksa urugwe nggwe rak unpurak min nagawan nagawan ereba na-nen o tena woragwi enmawi ereba na pok tak onposolat kwarurak min irit ebem pij-o. Nagawan Indo-nen-e at ambigir-e o siri ereba na pak tumende oboksa-ge kuwarak puwa-o. Misiget min mondok lerak wolma bug-o. Nagawan Indo-nen Kores yak tosolar-e:

YESAYA 45:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:15

Nagawan Indo-nen yak tosolar-e: ”Kar-e nembaga Ndamsik koroga iri me tuguruk mbiri-o. Mborosolar-e, o silmu nggugundik, o Siria iri me nagawan mendak posolat, amburu-ge Asael anggul pem kilik pi-o.

ESERA 1:1

Nde, Perisia Nagawan Kores iri na men yosolar-e, olengen at men yid iri na bem-et Nagawan Indo-nen at ene lomboksa yoso nap Yeremia emndam tak posola urul yid iri na ndak ndak makluk, Nagawan Indo-nen Kores arem yabu wanosola-ge, Kores-nen-e wene misik wirik posolar-e, at-nen tenagidnak wi oboksa ap-nen wonat unduwakluk engga mbara wirik pij-o.

ESERA 1:2

Wirik posolar-e: ”Yu-ge Perisia nap Nagawan Kores-nen yidnak wene-o: Nagawan Indo Aid Arem Tena Woraso Mbal Pem Nagawan iri na-nen-e an-e yi wi ndi wi oboksa enanggul pem nagawan mendak nebamu-o. Mendak nuburug-e, Yewura nggweyak pem Yerusalem iri me at uwi wururak yabu-ge an nebem pamu-o.

NDAWI ENGGA 73:23

Iri nggal worasolar-et nde, an-e pempa kat kimin kundik worala, kat-nen-e ninggi kigit nggwe tena nuburuk woraso-o.

YESAYA 41:13

An-e Nagawan Indo Kembal Pem Nagawan me, kinggi kigit nggwe puksa tena kobosolat-nen yak kurusu-o: ’Kar-e kwiye yusu-ge meyog-o. An-net yongga kirimin-o’” yij-o.

YESAYA 41:2

Ombol nggwe yoso amawi worak mo luwaso (timur) nggwe woraso iri-ge ta-nen arem yabu wanosolat pempa ombol nggwe rak nak eberenak woraso-o? Ta-nen kwat obosola-nen yi nap ndi nap urugwe nggwe rak onposolat, nagawan nagawan-e yemndak unpuruk woraso-o? At agabo-nen ir-e mabe nggal tak onposo-o. Esan-nen ir-e magere engen o wija-nen puk yaga ndibi ndi rak poso nggal ndibi ndi rak onposo-o.

YESAYA 41:25

Mo luwaso (timur) nggwe-nen ap misik arem yabu wanigirik, abare (utara) nggwe-nen kenpem kore yil lobok yuwakluk wene mbo ibigi-o. Nde, lobok yosolar-e, enmawi worak nab-e ujok-nen yemnda miril tak unpuwa-o. Nggweyak yimbe konoso nap-nen mimi nggweyak ijok-nen al lebarusu iri na nggal enal lebara keya unpuwa-o.

YESAYA 42:6

”Mot mot kwarugwi elem na nggok tak ponokluk, Nagawan Indo an-net wene mbo kuburuk, yabu kebem pukmu-o. Kat kebem-nen ap enlem oboksa inmin kwendeyekluk, an-net lit kuburuk nosolat, yik keyarok woramin-o. Kat kebem-nen an-e ap enlem oboksa yaya rak inpimin-o.

YESAYA 44:28

An-nen Kores yak tosolar-e: ’Kat-nen-e an nondolma sa nagawan woralar-e, an nindi-n pidnak ndak ndak kwarosolat woragun-o. O Yerusalem iri na tuguruk worosolat, Nagawan Indo uwi iri na ugwi bosolat yonokluk kebem pigi-o’ yak tigi-o” luk yij-o.

YESAYA 45:5

Nagawan Indo nin mbi worasu-ge lag-o. An narig-et worasu-o. Mbal Pem Nagawan-e misiget an nak-nen yusu-o. Kat-nen-e an-e karu bug-et nde, an-nen-e san kinggem pusu-o.

NDANIEL 5:6

Kasolar-e, kwiye-nen erare nin yosolar-e, endaru min-et lele yij-o.

NDANIEL 7:5

Nde, lok lok noso misik imbirik iri na-ge isilepma worak mberuang ndakngge nggal mondok nggok irit kagi-o. Nde, iri-ge ijok mberen pem-nen mendag-o. Nde, uno ebelwak mbarak kenan eyakma puksa kagi-o. An kuliginggal mberuang ndakngge iri na yak tosolat, enne misik-nen yosolar-e: ”Kat-nen uno norak ala-ge, norak nag-o!” yak tij-o.

NDANIEL 8:3

Nde, yi iri na eyak pem-e lomba kusi misik anggul ambo-ge mot mberen worak kagi-o. Nde, anggul ambo misik ponok nggwe iri na-ge emesiyag-et nde, misik iri na-ge ngget-nen mondok mot irit kagi-o.

NDANIEL 8:4

Yik kaginggal-e lomba kusi iri na-nen-e anggul ambo Iri na-nen mo mboso (barat) nggwe ambigit min abare abam (utara) nggwe ambigit min abare ena (selatan) nggwe ambigit min anggul ambo-nen wiril lobok yosola kagi-o. Lok lok noso mende misiger-o luk mbi-nen lomba kusi iri imin pak turak na meya, iri-nen inggem mangga mbururak na meya irit kagi-o. Lomba iri-ge at indi-n pidnak nak kwarosolar-e, indi kek yij-o.