YESAYA 42:4 - Nanduk Ngget Tul Pidnak Wene

⁴ Ar-e indi kabak yigit lak, tugup lak iri-net at-nen mot mot kwaroso elem iri na-ge nggweyakma yu me nggok tak puwa-o. O erepma nin sa woragwi-nen-e at-nen mul ondoso wene kulurak indingen ma-o” luk yij-o.

YESAYA 42:4 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

YESAYA 40:22

Nde, ndak worak pid nab-e nggweyak kumbungen ombol nggwe teram eid me-ge at koreyak woraso sa koreyak worasu-o. Nde, nggweyakma woragwi nab-e sil nggal mbel eneyasu-o. At-nen-e mbal iri-ge sum abak nggal wigara yemarak posolar-e, o lije sum wi wiridnak nggal nenasa bamu-o.

YESAYA 40:28

Kar-e wene yu-ge karu buk, kuligit lak woraso-a? Nagawan Indo iri-ge pem woraso Mbal Pem Nagawan o yu ndak worak pid iri na-net yusu-o. Ar-e ababok lak yosolat, amawi lak yosolat mondok yoso buk-nen yusu-o. At-nen yebet kaso-ge ap-nen yebet kudtag-e meya-o.

YESAYA 41:5

An-nen kwarigi ereba-ge o erepma erepma woragwi-nen-e kaiga-o. Karug-e kwiye-nen wendet yogolat, yot kot mbogolar-e, ndok wutluk, lobok yili-o.

YESAYA 42:10

Nagawan Indo ebem ndawi ngget misik ngarer-o. Yi wi ndi wi oboksa wa-e. At nak erembel waner-o! Yi koma min arem woraso mende oboksa min wa-e. At erembel wanogolat kene o nggu nggal lek ker-o! O erepma min iri me woragwi nap min wa-e. At nak erembel waner-o!

YESAYA 42:12

It-nen-e Nagawan Indo nak kek tak ubuwag-o. O erepma nin sa nan sa-nen na at unu nak wigaruwag-o.

YESAYA 42:21

Inmiri yurak iri-ge Nagawan Indo-ge alen kwarar-o. At-nen yidnak wene ndak ndak kwarogolat, kek tak purak iri-ge ar-e mondok indingen-o.

YESAYA 49:1

O erepma woragwi nap wa-e. An-nen yidnak wene kologolat, an-nen yimin wene kwara yebet kagolat mer-o. An-e awo ndet yigit lak ma-net Nagawan Indo-nen wene mbo nobosolat, niya arem-net len nebamu-o.

YESAYA 55:5

Ap enlem nin kit na kenaru bug-et nde, wene mbo onpogola-ge, ndag-et nak kit kendam lobok yuwa iri-ge Nagawan Indo Kenmbal Pem Nagawan, Isarael Embal Pem Nagawan Marak an-nen-e kit kunnu worak tak kinpimin me, kendam lobok yuwa-o” luk yij-o.

YESAYA 60:9

Ereba-ge yi koma, Mbal Pem Nagawan ilirak o erepma-nen tuguruk enma lobok yogola, wok unpuruk lobok yusu-o. Lobok yogolar-e, Nagawan Indo Kenmbal Pem Nagawan erembel wanurak amanggim-et emas min perak min-et waruk lobok yili-o. Ereba-ge Isarael Embal Pem Nagawan Mondok Marak at ilirak kek tak unpuwakluk kek tak onposo iri na amanggim waruk lobok yili-o.

YESAYA 66:19

Nde, an-nen-e yenggerak purak mende mbi it ennggendumu pimin-o. It ennggendumu enpe marig-et nggal-e inmiri yimin-o. Nde, it iri-ge yi nap ndi nap enlem o erepma worali, an nobok na kulugwi buk, an-nen kek tak woraso na kulugwi buk, an namawi na kagwi buk ereba ennggendumu wirik onposolar-e: Tarisis wirik onposolat, Libia wirik onposolat, nde, Liria wirik onposolar-e, ap ininggi mbuk lembe min-et wirik inpimin-o. Tubal nggwe wirik onposolat, Yunani nggwe wirik onposolat kwarimin-o. Iri yumu-ge it-nen-e an nobog-e it enlem ereba ennggendumu wigaruwa-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

MATIUS 12:21

Nde, ap enlem oboksa inndi-ge at ebem-et mbung mbung tak wolma-o” luk yij-o.

MARAKUS 3:3

Yesus-nen inggi nggorak nap iri na yak tosolar-e: ”Enggendumu ya-t men min-o” luk yak tij-o.

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

1 KORINTUS 9:21

Nde, enlem nin nap wok enpeyekluk, it ennggendumu woralar-e, an-e imiri mbarak pidnak wene tena woraso buk nap nggal kwat yoso-o. Alat nde, Mbal Pem Nagawan-nen yidnak yidnak wene an-e keya bigit lag-et nde, Kerisut-nen yidnak yidnak wene bem nak woraso-o.