YESAYA 42:1 - Nanduk Ngget Tul Pidnak Wene

¹ Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 42:1 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

NDAWI ENGGA 72:4

Nagawan-nen-e at ujokma woragwi nap onowene-ge mot mor-et mbenarosolat, insilobulo lak nap yongga ondosolat it anggun panggun tak unpugwi nap na lak tak onposolat mag-o.

NDAWI ENGGA 89:4

’Kat-nen nagawan woraso kondoro iri-ge an-net puksa tena worasola, ap pem lud kat-nen wigarak-nen-e kondolma nagawan-e mendak nak wolma-o’ ” luk yigen-o.

YESAYA 2:4

At-nen-e ap enlem oboksa ennggendumu enpem wene mbenarosolat, ap enne lombok ennggendumu wene nggaruksa mbarosolat kwaruwa-o. Nde, wim pugwi eneyalawi-ge nden kaga yabu wanugwi kagweyap tak puwa-o. Nde, it wim pugwi posid wuru-ge kabo tusuangge mbarugwi rak puwa-o. Ap enlem erep-nen-e ap enlem erep inmin wim puwa bug-o. Iri-nen wim nggurak pem lid lud tak puwa bug-o.

YESAYA 32:16

Nde, yi wi ndi wi oboksa-nen mot mot, lud tak nak irit kwarogolat wolma-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

YESAYA 41:9

Kir-e nggweyak erep yobok tak sa ereba-nen ndok wat kinpil nosolat, mondok erepma nin sa nan sa ereba woragola, wene mbo konposolat yidnak-nen yusu-o. Iri luk, an-nen yosolar-e: ’Kar-e an ndegel noboso nap-nen yusu-o. Nde, an-nen len kibigi iri-ge keya kibimin pug-o.’

YESAYA 42:2

Ar-e ene mba sa yilik, ene nggok sa mbo bilik iri-ge yuwa bug-o. Tula tula ereba me-nen na ene yil nuwa bug-o.

YESAYA 43:10

Nilirak Isarael nap wa-e. Kir-e an-e kenaru-o. Kit-nen an kenaru yogolat, kinndi an nebem wat tak puruk woragolat, kit-nen yebet kagolar-e, ’Ar-e ndemeret Mbal Pem Nagawan-net yusu-o’ luk yobokluk, an-nen-e ndegel nubugwi nap kwat yobokluk len kunpukmu-o. Mbal Pem Nagawan-e misiget an narik nak-nen yusu-o. Nanduk-nen na irit, abok-nen na irit mbal pem nagawan mbi mondok worasu bug-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

YESAYA 52:13

Nagawan Indo-nen yosolar-e: ”An ndegel noboso nap iri na-nen kwaridnak ebe-t kwat marig-e, at nak erembel wanogolat, kek tak ubuwa-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 63:1

”Abare sum-e mimi, at yoroso usum-e yaya worak Erom nggweyak pem o Mbosera-nen lobok yusu iri-ge ta-o? At iri-ge tugup lak amawi min kwiye lag-et lobok yusu iri-ge ta-o?” luk yij-o. ”An-e Nagawan Indo inmiri yoso nabam-nen yusu-o. An-e onmbol nggwe rak onposo wene waruk lobok yusu-o” luk yij-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

LUKAS 3:22

Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

LUKAS 4:19

Nagawan Indo-nen at elem nap inmiri yaga wok undurak tarem iri na yak unduwakluk, an wirik nibij-o!” luk yidnak wene na wonarij-o.

LUKAS 9:35

Nde, nggan nggan na arem-nen ene iri-nen yosolar-e: ”Yu-ge an Nambara, an-nen len ibidnak nap-nen yusu-o. At-nen yidnak wene nak koler-o!” luk yij-o.

YOANES 16:32

Li yu-ge wa-e! Kit pidsa kenma lombok ndibi ndi rak konpogola, an narig-et nak keya nuburak tarem-e panggo yuwa-t nde, yawo wok yij-o. Alat nde, an Neij-e an nimin-et woraso me, an narig-et nak woramin pug-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 28:28

Iri bem-e mondok kenaru wolmer-o. Mbal Pem Nagawan-nen ap inmiri yurak wene yu-ge enlem nin nap endam wirik pij-o. It-nen perak kuluwa-o” luk yak indij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

EPESUS 1:4

Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

PILIPI 2:7

Are, at abage Mbal Pem Nagawan na nggoroksa keya buruk, ndegel onposo nap abage wanuruk, ki nap enaboro worak agaij-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

1 PETERUS 2:4

Iri bem-e, Nagawan Indo eram lobok yer-o. At iri-ge urug-et woraso kereb-et nde, ki nap-nen ebe lak mende nggal tak puruk mbo biga-t nde, Mbal Pem Nagawan-nen-e kerep iri na onggo nggok pugwi kerep tak uburuk, len ibij-o.

1 PETERUS 2:6

Nde, Mbal Pem Nagawan engga bem-nen yosolar-e: ”An-nen-e onggo kwarat pugwi kerep mbi lena, kerep iri na-ge o unggut paro pidnak maklug-e, Sion iri me pigi-o. Nde, kerep na ebem inndi angin tubu yuwa nab-e inndi kabak ma bug-o” luk yij-o.