YESAYA 41:8 - Nanduk Ngget Tul Pidnak Wene

⁸ Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

YESAYA 41:8 ပူးပေါင်းရင်းမြစ်များ

NDAWI ENGGA 135:4

At-nen-e Yakub-e ondomok amanggim-et lenamu-o. Isarael nab-e at ondomok arengge rak enpamu-o.

NDAWI ENGGA 136:21

It unuwi nggweyag-e kegera at ilirak wok ondosola-ge, At-nen-e pem kundugu irit enabuwa yoso-nen yusu-o.

NDAWI ENGGA 136:22

at ndegel ubugwi nap Isarael nap enarengge tak pamu-o. At-nen-e pem kundugu irit enabuwa yoso-nen yusu-o.

NDAWI ENGGA 33:12

Ap enlem mbi-nen: ”Nagawan Indo iri-ge nit Nenmbal Pem Nagawan-nen yusu-o” luk yili nab-e enalen kagolat wolmag-o. At ondomok ilirak tak enpeyekluk len inpidnak nab-e mondok enalen kagolat wolmag-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 42:19

An ndegel noboso nap Isarael mondok erengen ngguru-t nde, iri nggal erengen ngguru-ge ta-o? An-nen wirik ibil lobok yidnak nab-e mondok eyanggo lag-et nde, iri nggal eyanggo lag-e ta-o?

YESAYA 43:1

Isarael wa-e. Nagawan Indo-nen yak kondosolar-e: ”An-net kwarak kobosolat, ndak wat kobosolat kwarukmu-o. Kar-e kwiye yurak pug-o. An-net mondok kimiri yimin-o! An-nen-e kat kunu luk, wene mbo kubukmu-o. Kat yu-ge an narengge-nen yusu-o.

YESAYA 43:10

Nilirak Isarael nap wa-e. Kir-e an-e kenaru-o. Kit-nen an kenaru yogolat, kinndi an nebem wat tak puruk woragolat, kit-nen yebet kagolar-e, ’Ar-e ndemeret Mbal Pem Nagawan-net yusu-o’ luk yobokluk, an-nen-e ndegel nubugwi nap kwat yobokluk len kunpukmu-o. Mbal Pem Nagawan-e misiget an narik nak-nen yusu-o. Nanduk-nen na irit, abok-nen na irit mbal pem nagawan mbi mondok worasu bug-o.

YESAYA 43:5

An-nen nggetlel kuburuk worasu me, kwiye yusu-ge meyog-o. Kat kilirak-nen ndagidnak konmborag-e mo mboso (barat) nggwe-nen, mo luwaso (timur) nggwe-nen wirik inpil lobok yumu, ndok wiril lobok yuwa-o.

YESAYA 44:21

Nagawan Indo-nen yosolar-e: ”Isarael wa-e. Kar-e an ndegel noboso nap me, kar-e yeba oboksa kindi yeberak wolmin-o. Kar-e an ndegel noboso nap yonokluk, kar-e an-net kwarak kubukmu-o. Isarael wa-e. An-nen-e mondok meme rak kibimin pug-o!

YESAYA 45:4

Kat-nen-e an-e kwara karu yigit lak yosola-t nde, an-nen-e wene mbo kuburuk, kunu yarosolar-e, kek tak onposo unu iri na kebem pusu-o. An ndegel nubugwi nap Isarael nap iri-ge an-nen len inpidnak me, yongga undurak yabu kebem pusu-o.

YESAYA 49:3

At-nen yak norosolar-e: ”Isarael wa-e. Kar-e an ndegel noboso nap-nen yusu-o. Kat kebem-nen an-e kek tak nubuwa-o” luk yak nirij-o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

MALEAKI 1:2

Nagawan Indo-nen at ilirak yak ondosolar-e: ”An-e kit kenabuwa-t kasu-o” yak indij-et nde, it-nen onggo yogolar-e: ”Nagawan Indo kat-nen nenabuwa kasolar-e, ngge kwarusu-o?” luk yiga-o. Yogoloma, Nagawan Indo-nen onggo yosolar-e: ”Esau iri-ge Yakup owe-t nde, an-nen-e owot Yakup iri na nde abuwa kasolat,

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

NGGALATIA 3:19

Iri ala-ge, imiri mbarak pidnak wene iri-ge ngge kwarurak pem-nen nam tak pij-o? Meya kwarugwi nam tak puwakluk-nen nambek tak pid iri-ge Abaram-nen wigarak lobok yuwa-o luk urul yak tidnak nap na lobok yigit lak worala-ge, imiri mbarak pidnak wene iri-ge woragaij-o. Nde, imiri mbarak pidnak wene iri-ge aid nap enpem pamu, ap misig-e ngarak koro na inggem pij-o.

TUGURUK YIDNAK WENE 10:15

Alat nde, Nagawan Indo-nen-e kit konmborak enabuwa kwarat karug-e, yi ap ndi ap ennggendumu-nen kir-et len kinpij-o. Iri yid na-ge kir-et at elem nap lenak irit yawo na worali-o.

YAKOBUS 2:23

Iri kwarid iri-ge, engga wene misik-nen yidnak ndak ndak tak pij-o. Engga wene iri-nen yosolar-e: ”Abaram na-ge Mbal Pem Nagawan ebem indi angin tubu yid iri bem-nen Mbal Pem Nagawan-nen at lud tak nak tak ibij-o.” Iri bem-nen Abaram na unu misik yogolar-e: ”Mbal Pem Nagawan anggam-o” yugwi-o.