YESAYA 41:22 - Nanduk Ngget Tul Pidnak Wene

²² Kwat yosola nenaru yuwok-nen lobok yugupndik: ’Abog-e iri nggal kwat ma-o’ luk urul per-o. Nanduk-nen kwat yidnak wene ereba na-ge nit nenaru yuwok-nen ’Ebe-ge iri nggal-o’ mbena yer-o.

YESAYA 41:22 ပူးပေါင်းရင်းမြစ်များ

YESAYA 41:26

Iri kwarurak wene-ge kwat yosola-ge, ’Yid iri na-ge kwat yid yur-o’ luk yuwokluk, kit kennggendumu-nen-e ta nggal-nen abuwokma-nen ’Iri kwaruwa-o’ luk urul pigepma-o? Alat nde, kit kennggendumu misik-nen mbi ’Iri nggal kwat ma-o’ luk urul pigit lag-o. ’Iri nggal kwat ma-o’ luk kit-nen mbi yogola, ap-nen na mbi mondok kuligit lag-o.

YESAYA 42:9

Nde, an-nen ’Iri nggal kwat ma-o’ luk urul pigi na-ge yawo-ge nam yij-o. An-nen-e wene ngget erep kenaru rak pusu-o. Iri kwat yigit lak ma-net ’Iri nggal kwat ma-o’ luk watsa yak kundusu-o” luk yij-o.

YESAYA 44:7

An nggal-e ta worasu-o? ’Kat nggal-e an-er-o’ yuwak-nen yak ter-o. An-nen ndemerer-o luk perayek-nen an mul nuruwag-o. Tel kwiridnak kuri-nen woroksiyem kuri ereba-nen kwat momtag-e ta-nen ’Iri nggal kwat ma-o’ luk abuwokma ereba-nen urul pamu-o?

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 46:10

Abok-nen kwat momtak wene-ge nanduk-net yak kundukmu-o. Abok-nen kwat momtak wene-ge abuwokma nanduk-net urul pukmu-o. Iri yosolat-nen an-nen yosolar-e: ’An-nen irit kwarimin-o luk mbarigi wene-ge mondok kwar-et ma-o. Nde, an nindi-n pidnag-e mondok kwarimin-er-o’ luk yigi-o.

YOANES 13:19

Wene iri-ge awo kwat yigit lak ma-net yawo-ge yak kundusu-o. Nde, wene iri abok ebe kwat yosola-ge, kit-nen peragolar-e: ’Kerisut na-ge ndemeret ar-er-o’ luk nebarabokluk-nen yak kundusu-o.

YOANES 16:14

At iri na-nen an nunu kek tak posolar-e, an-nen yidnak wene nak kamboksa kit yak kondosolat wolma-o.