YESAYA 41:2 - Nanduk Ngget Tul Pidnak Wene

² Ombol nggwe yoso amawi worak mo luwaso (timur) nggwe woraso iri-ge ta-nen arem yabu wanosolat pempa ombol nggwe rak nak eberenak woraso-o? Ta-nen kwat obosola-nen yi nap ndi nap urugwe nggwe rak onposolat, nagawan nagawan-e yemndak unpuruk woraso-o? At agabo-nen ir-e mabe nggal tak onposo-o. Esan-nen ir-e magere engen o wija-nen puk yaga ndibi ndi rak poso nggal ndibi ndi rak onposo-o.

YESAYA 41:2 ပူးပေါင်းရင်းမြစ်များ

NDAK WIRIDNAK WENE 11:31

Nde, mbi tarem-e Tera na-ge Mbabilonia nggweyak pem at uwi Ut na keya buruk yarik, ambara Abaram min ombo Lot min ambara ogwe Sarai min ndegel unpuruk Kanaan mbururak puruk mbiriga-t nde, Aran woklug-e, iri na me-t woraiga-o.

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

2 SEMUEL 22:43

Ir-e an-nen mabe nggal yigisa liring eneyaso-o. It iri-ge miril nggal an-nen ndowasa mbo onposo-o.

ESERA 1:2

Wirik posolar-e: ”Yu-ge Perisia nap Nagawan Kores-nen yidnak wene-o: Nagawan Indo Aid Arem Tena Woraso Mbal Pem Nagawan iri na-nen-e an-e yi wi ndi wi oboksa enanggul pem nagawan mendak nebamu-o. Mendak nuburug-e, Yewura nggweyak pem Yerusalem iri me at uwi wururak yabu-ge an nebem pamu-o.

YESAYA 40:24

It ereba-ge yakwi mende nggeret yagidnak imiril nggeret kondoso iri nggal-nen yusu-o. Nagawan Indo-nen nde emnde age pu yaga pil lobok yosola-ge, embem-nen umbuk luk, aid kuri engen pukuruk mbiridnak nggal, pukuruk mburuwa-o.

YESAYA 41:25

Mo luwaso (timur) nggwe-nen ap misik arem yabu wanigirik, abare (utara) nggwe-nen kenpem kore yil lobok yuwakluk wene mbo ibigi-o. Nde, lobok yosolar-e, enmawi worak nab-e ujok-nen yemnda miril tak unpuwa-o. Nggweyak yimbe konoso nap-nen mimi nggweyak ijok-nen al lebarusu iri na nggal enal lebara keya unpuwa-o.

YESAYA 41:3

It muk eneyasolar-e, mondok kondok tak uburak meya me, nok muk eneyasolar-e, ijog-e mengesa nggweyak pem poso bug-o.

YESAYA 42:6

”Mot mot kwarugwi elem na nggok tak ponokluk, Nagawan Indo an-net wene mbo kuburuk, yabu kebem pukmu-o. Kat kebem-nen ap enlem oboksa inmin kwendeyekluk, an-net lit kuburuk nosolat, yik keyarok woramin-o. Kat kebem-nen an-e ap enlem oboksa yaya rak inpimin-o.

YESAYA 45:1

Nagawan Indo-nen Kores iri na-ge nagawan irit lena mendak ibij-o. Nagawan Indo-nen at ebem posolar-e, ap enlem oboksa urugwe nggwe rak unpurak min nagawan nagawan ereba na-nen o tena woragwi enmawi ereba na pok tak onposolat kwarurak min irit ebem pij-o. Nagawan Indo-nen-e at ambigir-e o siri ereba na pak tumende oboksa-ge kuwarak puwa-o. Misiget min mondok lerak wolma bug-o. Nagawan Indo-nen Kores yak tosolar-e:

YESAYA 45:13

An nindi-nen pidnak iri na kwaruwakluk, an-net Kores arem yabu wanosola, at-nen kwarosolar-e, mot mot nak kwarugwi irit nggok tak puwa-o. At-nen mbururak tula-ge an-net yamuksa ndak ndak tak pimin-o. At-nen nuwi siri Yerusalem iri na-ge tuguruk worosolat, nilirak wim kugun pem wok unpuruk mbirigarik, yemndak unpuruk worali ereba na wisirik unpuwa-o. Nde, wisirik unpurak pem ’Onggo wok neret’ na yigit lak, we irit wisirik unpuwa-o” luk, Nagawan Indo amawi worak iri na-nen yij-o.

YESAYA 46:11

An-nen-e ap amawi worak misik mo luwaso (timur) nggwe-nen yonggo bimin-o. An-nen ’Irit kwarimin-o’ luk mbarak pigi wene iri na kwarurak pem-e at iri-ge towe ud nggal lobok yuwa-o. Lobok yosolar-e, an-nen kwarurak peragi min an-nen kwarurak yigi min mondok kwaruwar-o.

IBERANI 7:1

Nde, Melkisendek iri-ge o Salem nagawan yosolat, Mondok Kek tak Woraso Mbal Pem Nagawan-nen idnak tepan ombo irit woragaij-o. Woralar-e, Abaram na-ge ap nagawan nagawan inmin wim mbatluk, unduruk lobok yosola-ge, Melkisendek iri-nen at imin lid pid luk Abaram na imbiringgat tak pij-o.

NAM PARA WENE 16:12

Iri luk, aid nap misik (yang keenam) iri-nen-e at idmbe kenanggo na yi nggulok Eparat na ombolwak pem kilik posola-ge, yi iri na eberek luk, ndereng yosola-ge, mo luwaso nggwe woragwi nagawan ereba na lobok yuwakluk enmanggim tu yabij-o.

NAM PARA WENE 7:2

Nde, yik kaginggal-e, mo luwaso sa nggwe-nen aid nap misig-e, uruk nak woraso Mbal Pem Nagawan-nen idnak lop nok tak pugwi mende waruk lobok yosola, kagi-o. Nde, at iri na-nen-e nggweyak min yi koma min meya rak purak amawi Mbal Pem Nagawan-nen ininggem pidnak aid nap empat ereya na ene nggoksa wene mbo inpij-o.