YESAYA 41:18 - Nanduk Ngget Tul Pidnak Wene

¹⁸ An-nen kwarosolar-e, ndobo usu nggwarak pem-et nde, yi wirik posolat, mbirik yamuk tak ma-t nde, yi ulusu pilana mbo bil luwaso rak posolat kwarimin-o. Nembaga karu me-t nde, yi ugup yenggera pil lobok yimin-o. Nggweyak le rak arem-net nde, yi pilana pil luwamin-o.

YESAYA 41:18 ပူးပေါင်းရင်းမြစ်များ

NDAWI ENGGA 104:10

Kat-nen-e yi ulusu-ge nggweyak yamuk tak nggwe pilana pil luwasolat, Yi warug-e ndobo enggenggerak-nen wirik posolat kwarusu-o.

NDAWI ENGGA 105:41

At-nen-e kerep ngara keya buruk, yi-ge pilana wasolar-e, nembaga iri me yi mbirij-o.

NDAWI ENGGA 107:35

Yi lak nembaga ereba na-ge nden yaga yi ugup kwarak posolat, nggweyak lerak ereba na-ge yi ulusu kwarak posolat kwarij-o.

NDAWI ENGGA 126:4

Nagawan Indo wa-e. Yi eberek yidnag-et nde, talme mboso tarem-nen tuguruk ebe rak pusu iri na nggal, ap ininggiyapma-nen wesera tuguruk nenma ninpil mbiri-o.

NDAWI ENGGA 46:4

Mbal Pem Nagawan mondok kek tak iri na woraso uwi siri iri na-ge yi inggi sid mborosolat amburu rak pusu-o.

YESAYA 32:2

It ereba na-ge o wija min kwegemereya min aye-nen indipma nggugwi ondoro nggal irit wolma-o. It ereba-ge yi nembaga-nen ene worak mboroso nggal, nggweyak lerak nggwe-nen kerep nggulok ndibe nggal irit wolma-o.

YESAYA 33:21

Iri me-nen-e Nagawan Indo-nen-e at-nen idnak abinal-e mirik nunpuwa-o. Nir-e yi nggok isimbe elpa elpa iri na eyak pem woragola, wim nap-nen yi koma bem nindil lobok yurak na meya ma-o.

YESAYA 35:1

Nggweyak karu me amburu lak min-et alen kujwa-o. Karu me engen nggeret isi poso min-et wigak yosolat, emende pera yil lobok yuwa-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 58:11

An-nen-e pempa lit kunpuruk nosolat, nggweyak le rak pem-et nde, kinmbitsa mak kondosolat woramin-o. Kenmawi min kenpem mbenag-et worabokluk yik keneyarok woramin-o. Kir-e yi worak ma engen amare worak yagidnak yabu nggal woragolat, yi ulusu eberek yoso buk nggal woragolat yugub-o.

YESAYA 65:13

An nerembel wanili nab-e nonggola-t nde, kir-e mondok ndemeret nere irit woragub-o. Yi na ir-e nujwa-t nde, kir-e yi nere irit woragub-o. Ir-e enalen yuwa-t nde, kir-e kinnggiri nde kagub-o.

YOEL 3:18

Nde, ereya tarem-e ndobo ndobo ereba-ge anggut yabu-nen nggweyak lak ma-o. Nde, wam-e ndobo amun ereba na bem tusuangge miri ereba na nasolat wolma-o. Nde, Yewura iri me yi ereba na-ge eberek yigit lak, mborosolat nak wolma-o. Nde, yi misig-e Nagawan Indo ama-nen puluruk mborosolat wolma-o. Mborosolar-e, Akasia Mbirik iri na-ge amburu rak pil mburuwa-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.

WENE MBENARUGWI NAP-NEN KWARIDNAK WENE 15:19

Yosoloma, Mbal Pem Nagawan-nen kerep ndobo Lei iri na uru belak posoloma ndobo arem-nen yi wasola, Simson-e yi ninggij-o. Nurug-e, Simson na-ge tuguruk ebem yamuk yij-o. Iri kwaridnak ala karuk, yi pilana wasu iri na unu-ge Yi Akot yariga-o. Yi ulusu iri-ge Lei iri me-t yawo na worasur-o.