YESAYA 41:17 - Nanduk Ngget Tul Pidnak Wene

¹⁷ An nelem nap inmbiri lamut iri-nen yi kore yogolat, yi nere-nen enma umbuk yosolat kwarogola-ge, Nagawan Indo an-nen-e it-nen tepan yuwa-ge enne ereb-e nggarimin-er-o. Isarael nap Enmbal Pem Nagawan an-nen-e it keya inpimin pug-o.

YESAYA 41:17 ပူးပေါင်းရင်းမြစ်များ

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

MATIUS 5:6

Nde, lud tak nak kwarurak ukwe kwarat kali nab-e Mbal Pem Nagawan-nen inndi teyok tak unpuwa me, enalen kali-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

NDAK WIRIDNAK WENE 28:15

Karu wolmin-o. An-nen-e kat nugun sa oboksa yongga korosolat, nggetlel kuburuk nimin-o. Nde, an-nen-e o yu me-t tuguruk kimin lobok yimin-o. An-e mondok keya kibimin pug-o. Urul yak kirigi oboksa-ge kwar-et kobosolat woramin-o” yak tij-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

2 KORINTUS 12:9

Alat nde, Nagawan Indo-nen nene erep nggarosolar-e: ”Kat ndeyak yidnak pem an namawi-ge iminep mbal yusu me, an-nen idnak we wok ondoso elem-e kat kamanggim-e ndak-nen yusu-o” luk yij-o. Iri bem-e, Kerisut amawi an nebem mbumag-o luk an ndeyak yidnak pem an nindi kek tak posolar-e, an nalin nalen kasu-o.

LUKAS 16:24

Eneyarug-e, isilobulo worak nap na-nen ene ngguloksa yosolar-e: ’Neid Abaram wa-e. An-e kanduk arem yane wat tenak worasu yu-ge, kar-e an nabuwa kasolar-e, Lasarus iri yak ti-o. Inggi yi ma buruk, an nama imin tak puwak-nen yak ti-o’ luk yij-o.

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YESAYA 43:20

Towe mena erengen kege-nen na an kek tak nubuwa-o. An-nen len inpigi nilirak ereba na nujwakluk, an-nen nembaga ereba me yi wirik pimin ereba na karug-e, serigala ndakngge min towe unta min-nen-e an nerembel wanuwa-o.

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

NDAWI ENGGA 34:6

Ebe lak mende nggal yik eneyagwi nap ereba na-nen nde Nagawan Indo eram wene mbo bil lagola-ge, Nagawan Indo-nen kuluruk, enne erep nggarosolar-e, anggun panggun kagwi oboksa arem-nen wisirik onposo-o.

NDAWI ENGGA 22:15

noronggolem-e abu le yosolat, nama-ge namanggaruk pem panggara labuk yusu-o. Nagawan Indo kat-nen-e ap lugwinik nggal mbo nak nubusu-o.

MBIRIGA WENE 17:6

An-e kat kabuwok Sinai Ndobo bem kerep nggok misik pem mendak woramin-o. Kar-e kerep iri lel ki-o. Lel kasola-ge, arem-nen yi wasola ir-e nujwa-o” yosoloma, Musa-nen-e Isarael nap ennggendumu enne kulugwi nap ereba na enlengen pem-et kerep na lel kagaij-o.

MBIRIGA WENE 17:3

Alat nde, it ap ereba na-ge mondok yi nere kwarat ala karuk, Musa met pogolat-nen yogolar-e: ”Kar-e noluk-nen Mesira-nen yu me wok nunpuruk lobok yigen-o? Nit min nonkwela min nonowam min yi nere-nen yu me wat makluk ninmin lobok yigen-a?” yiga-o.

NDAWI ENGGA 37:25

An nusujwe woragi kuri yawo nindi worak kuri woralar-e, Nagawan Indo-nen-e lud tak nak kwarugwi nab-e wesera mbi keya onposola, eneyaso bug o. It inlirak-nen nggi nggi yogola mbi eneyaso bug-o.

YESAYA 49:10

It iri-ge yi nere min nunggwi mende nere min-e mondok kujwa bug-o. An-e it unpud kaso iri na-nen lit unpuruk yi ulusu ereba na me wok unpuruk nosola, nembaga usu lak nggwe-t nde, mondok mo eyak kujwa bug-o.

YESAYA 58:11

An-nen-e pempa lit kunpuruk nosolat, nggweyak le rak pem-et nde, kinmbitsa mak kondosolat woramin-o. Kenmawi min kenpem mbenag-et worabokluk yik keneyarok woramin-o. Kir-e yi worak ma engen amare worak yagidnak yabu nggal woragolat, yi ulusu eberek yoso buk nggal woragolat yugub-o.

YESAYA 65:13

An nerembel wanili nab-e nonggola-t nde, kir-e mondok ndemeret nere irit woragub-o. Yi na ir-e nujwa-t nde, kir-e yi nere irit woragub-o. Ir-e enalen yuwa-t nde, kir-e kinnggiri nde kagub-o.

YESAYA 65:24

It-nen an neram tepan yogolat awo yak nirigit lak ma, an-e onggo yosolat, tepan woroksa yigit lak ma-net an-nen-e it enne erep nggarimin-o.

1 NAGAWAN NAGAWAN-NEN KWARIDNAK WENE 17:8

Iri luk, Nagawan Indo-nen Elia yak tosolar-e:

YEREMIA 31:25

Nde, it enpabok lak nab-e an-nen enmawi rak posolat, nde, nere-nen ndowaga enpabok lak yidnak nab-e an-nen inmbitsa mak ondosolat kwarimin-o.