YESAYA 41:16 - Nanduk Ngget Tul Pidnak Wene

¹⁶ Iri rak puruk, kat-nen pil yaga keya onposola, kimamo-nen waruk mborosola-ge, o wija-nen nin me nan me ndibi ndi rak unpuwa-o. An-e kat-nen idnak Nagawan Indo ala karuk, kar-e kalen kagun-o. An-e Isarael nap Kembal Pem Nagawan Mondok Marak ala karuk, kar-e kindi kek yugun-o.

YESAYA 41:16 ပူးပေါင်းရင်းမြစ်များ

NDAWI ENGGA 1:4

Alat nde, meya yugwi nab-e iri nggal-e lag-o. It iri-ge aid kuri engen obube-nen puksa wirik poso nggal-nen yili-o.

YESAYA 28:5

Nde, Nagawan Indo Mondok Amawi Worak iri na-ge at ilirak minggirik iri me wolma ereba na enmanggim engen kerengen isi mondok kona nggorabidnak nggal kwat ma-o.

YESAYA 35:10

Nagawan Indo-nen wisirik unpuwa nab-e tuguruk mburuwarik, Yerusalem nggogolat, enalen-nen ndawi kundugu ngguwa-o. Enalen-nen entare-ge yek mbek tak irit ma-o. Ir-e enalin enalen yogolat, inndi puru yugwi min yani yane wurugwi min ereba na-ge mondok lak ma-o. 36:1–39:8 Empat pasal ya arem-e Asiut nap ennggendumu Nagawan Sanegirip-nen-e Yewura nap indil lobok yosoma, Mbal Pem Nagawan-nen kwiye worak mende kwarosolat, Yerusalem o siri iri na Asiut san omborak ininggem-nen inmiri yidnak wene min Nagawan Iskia na wat momtak kugwi wirij-et nde, ki rak ibidnak wene min mbarak worasu-o.

YESAYA 40:24

It ereba-ge yakwi mende nggeret yagidnak imiril nggeret kondoso iri nggal-nen yusu-o. Nagawan Indo-nen nde emnde age pu yaga pil lobok yosola-ge, embem-nen umbuk luk, aid kuri engen pukuruk mbiridnak nggal, pukuruk mburuwa-o.

YESAYA 60:19

Lengge-ge mo kebem yarosolat, nde, kubu-ge waneya-nen yaya rak kobosolat wolma bug-o. Nagawan Indo an-e pem irit kat yaya rak koboso kwat yosolar-e, pempa nabinal-nen yaya rak kobosolat woramin-o.

YESAYA 65:18

An-nen ngget ndak worak pimin iri bem-e kir-e kenalin kenalen kagolat, pempa kijik kijak worogolat wolmer-o. An-nen Yerusalem ngget ndak worak posolar-e, enalen pem wolmomtak elem kobong tak ndak worak pumu, iri me wolma nab-e enalin enalen pem irit wolma-o.

YEREMIA 15:7

O yu me-nen o siri lombok oboksa kir-e magere engen nggal mbo konposolat ndibi ndi rak kinpimin-o. Kir-e an nilirag-et nde, kit-nen woragwi kenpage nden yaga nin tak pili buk iri bem-nen an-nen-e kit min kinlirak inmin-e lak tak kinpimin-o.

NDANIEL 2:35

Iri kwarosolat ereya na-net ap ndak worak iri na-ge mbud yosolat, ndamera mbesi min mimi nggweyak min tembaga min perak min emas min ereba na-ge nggilara nggurusa labuk yid iri-ge o kibi bem-nen nggandum mbato yugurugwi sa abapno keya bidnak nggal kwasa labuk yij-o. Nde, o wija-nen puk kuruk mborosolar-e, mondok ondoro tet lak tak pij-o. Alat nde, ap nggal ndak worak iri na tibirid kerep iri na perak ndobo nggal-et mondosolar-e, yi wi ndi wi oboksa yebet yij-o.

OSEA 11:9

An-nen-e nisilepma bem kebem angin worak mberak pimin pug-o. Mondok tuguruk yigisa lak tak kibimin pug-o. An-e nggweyakma nab-e lag-o. An-e Mbal Pem Nagawan-net yusu-o. Marak an-e kat kimin-et woralat, tuguruk nisilepma kebem pimin pug-o” luk yij-o.

YOEL 2:23

Sion woragwi nap wa-e. Nagawan Indo Kenmbal Pem Nagawan nak-nen konak nak kwat kunpusu pem-e kenalin kenalen yogolat, kijik kijak worogolat kenne lek ker-o! Iri kwat konposolar-e, engga lera mboso tarem-e talme kwarat wok kondoso-o. Nde, toro wok yoso tarem-e talme nggilara mberak pil mbuwaso-o. O sumbat woraruk, engga ambarok posolat tarem na, talme nanduk mboso ereba na nggal-et pil mboso-o.

MIKA 5:8

Nde, Isarael nap-nen-e it unuwim nab-e urugwe nggwe rak unpuruk, it oboksa mondok yigisa lak tak unpuwa-o.

ABAKUK 3:18

Nagawan Indo kar-e an nimiri yoso Nembal Pem Nagawan me, an-e pempa nalen nak kasolat woramin-o.

MATIUS 3:12

Nggandum mbato ebe min ababul min lena arik tak pugwi mende-ge at inggem worasu-o. Lena arik tak purug-e, nggandum mbato ebe-ge ndok wosa pil nggugwi sa posolat, abapno-ge nigi yoso buk kanduk iri na me kan puwa-o” luk yij-o.

OROMA 5:11

Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.