YESAYA 41:13 - Nanduk Ngget Tul Pidnak Wene

¹³ An-e Nagawan Indo Kembal Pem Nagawan me, kinggi kigit nggwe puksa tena kobosolat-nen yak kurusu-o: ’Kar-e kwiye yusu-ge meyog-o. An-net yongga kirimin-o’” yij-o.

YESAYA 41:13 ပူးပေါင်းရင်းမြစ်များ

NDAWI ENGGA 118:7

Nagawan Indo-ge an yongga norosolat, nimin worala me, an-nen nuwim nap eneyarug-e, urugwe nggwe rak inpimin-o.

NDAWI ENGGA 63:8

Kat kinggi-nen an yogo nuburuk worala, an ninggi-ge puk paksa tena kuburuk worasu-o.

NDAWI ENGGA 73:23

Iri nggal worasolar-et nde, an-e pempa kat kimin kundik worala, kat-nen-e ninggi kigit nggwe tena nuburuk woraso-o.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

MBIRIGA WENE 20:20

Yogolikma, Musa-nen yak ondosolar-e: ”Kwiye kali-ge meyog-o. Kit-nen meya kwarigit lak, tugup lak worabokluk Mbal Pem Nagawan-nen kinndi kudtak pem nak lobok yusu-o” luk yak indij-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 42:6

”Mot mot kwarugwi elem na nggok tak ponokluk, Nagawan Indo an-net wene mbo kuburuk, yabu kebem pukmu-o. Kat kebem-nen ap enlem oboksa inmin kwendeyekluk, an-net lit kuburuk nosolat, yik keyarok woramin-o. Kat kebem-nen an-e ap enlem oboksa yaya rak inpimin-o.

YESAYA 43:6

An-nen-e abare abam (utara) nggwe min abare ena (selatan) nggwe min yak tosolar-e: ’An nilirag-e pem tena unpuruk wolmomtak pug-o. Ndag-et nak lera keya enper-o’ yimin-o. An nambararag-e erepma-nen lobok yogolat, an nararag-e nggweyak erep yoboksa-nen lobok yogolat ma-o.

YESAYA 45:1

Nagawan Indo-nen Kores iri na-ge nagawan irit lena mendak ibij-o. Nagawan Indo-nen at ebem posolar-e, ap enlem oboksa urugwe nggwe rak unpurak min nagawan nagawan ereba na-nen o tena woragwi enmawi ereba na pok tak onposolat kwarurak min irit ebem pij-o. Nagawan Indo-nen-e at ambigir-e o siri ereba na pak tumende oboksa-ge kuwarak puwa-o. Misiget min mondok lerak wolma bug-o. Nagawan Indo-nen Kores yak tosolar-e:

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.