YESAYA 41:10 - Nanduk Ngget Tul Pidnak Wene

¹⁰ Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:10 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 31:5

Pamu, yak indikma, eram lobok yogola, Yakup-nen yak ondosolar-e: ”Kit kineij-e yawo-ge nanduk an nimin wene ndok ndok yusu iri na nggal-e kwarusu bug-o. Alat nde, neid-nen kek tak poso Mbal Pem Nagawan-nen-e keya nubusu bug-o.

NDAK WIRIDNAK WENE 49:24

it yik eneyarok woraso Mondok Amawi Ambik Yakup Embal Pem Nagawan Isarael kura buruk Noso, iri na-nen yongga worosola, Yusup iri-ge pem inggi abis lembe irit woralat, esan-e pem irit mendak wolma-o.

2 SEMUEL 22:19

It-nen an nebem kore yogolar-e, lak tak nuburak mende nebem mbidnak tarem nak-nen nebem kore yiga-t nde, Nagawan Indo-ge an yongga noroso nap kwat yij-o.

NDAWI ENGGA 145:14

Nagawan Indo-nen-e anggun panggun arem woragwi nab-e yongga ondosolat, teberak inpidnak nab-e mendak onposolat kwaroso-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 33:12

Ap enlem mbi-nen: ”Nagawan Indo iri-ge nit Nenmbal Pem Nagawan-nen yusu-o” luk yili nab-e enalen kagolat wolmag-o. At ondomok ilirak tak enpeyekluk len inpidnak nab-e mondok enalen kagolat wolmag-o.

NDAWI ENGGA 37:17

Iri-ge meya yugwi nap-nen entabit amawi yugwi iri-ge Nagawan Indo-nen kalak puwa-o. Alat nde, konak nak kwarugwi nab-e nggetlel unpuruk wolma-o.

NDAWI ENGGA 37:24

Ap iri-ge Nagawan Indo-nen inggi-ge tena worala me, at wosa mbuwa-t nde, tugurug-et men ma-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:7

Nagawan Indo amawi worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 63:8

Kat kinggi-nen an yogo nuburuk worala, an ninggi-ge puk paksa tena kuburuk worasu-o.

NDAWI ENGGA 65:5

Kat-nen nenne erep nggarosolar-e, ombol nggwe rak nonposolat, kat-nen ninmiri yosolar-e, kwiye worak mende irit kwaroso-o. Ap enlem oboksa-nen na irit, yi koma erep pem erepma ereba-nen na irit, inndi-ge kat kebem wat tak puruk woragwi-nen yusu-o.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

MBIRIGA WENE 20:20

Yogolikma, Musa-nen yak ondosolar-e: ”Kwiye kali-ge meyog-o. Kit-nen meya kwarigit lak, tugup lak worabokluk Mbal Pem Nagawan-nen kinndi kudtak pem nak lobok yusu-o” luk yak indij-o.

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 43:5

An-nen nggetlel kuburuk worasu me, kwiye yusu-ge meyog-o. Kat kilirak-nen ndagidnak konmborag-e mo mboso (barat) nggwe-nen, mo luwaso (timur) nggwe-nen wirik inpil lobok yumu, ndok wiril lobok yuwa-o.

YESAYA 44:2

Nagawan Indo an-nen-e ndak wat kobosolat, nanduk kiya arem kwarak kobosolat, yongga korosolat yigi Nagawan Indo-nen yusu-o. Kwiye kasu-ge meyog-o. Kar-e an ndegel noboso nap, an-nen len kibigi nindi kundik-nen yusu-o.

YESAYA 49:8

Nagawan Indo-nen at ilirak yak ondosolar-e: ”An-nen nindingen tak kinpimin tarem-e kenne erep nggarimin-o. An-nen kit kinmiri yimin tarem-nen-e yongga kindimin-o. An-nen-e nggetlel kunpuruk woralat, yik keneyarok woralat, ap enlem oboksa enmanggim urul pidnak wene nggal tak kinpimin-o. Kit kunuwi nggweyak mondok aptupo luk kugun yid iri na-ge an-nen tuguruk ondolma rak pumu, tuguruk kit kunuwi nggweyak kwat ma-o.

YESAYA 50:9

Nagawan Indo Kek tak iri na-nen nde an nambigit yosola-ge, ta-nen nggal an nimin-e: ”Kar-e lugud tak kwaroso-o” luk yak nuruwa-o? ”At yu-ge iri kwaroso nab-o” luk nobok pugwi nab-e abog-e mondok lak ma-o. Lak yogolar-e, yurugwi sum umbuk ngginggiris-nen ninggidnak nggal nobok pili nab-e lak ma-o.

YESAYA 52:7

Nde, wirik pil lobok yidnak nap iri na yik kagolar-e, mondok konak lombok-nen yusu-o. Ndobo worak nggwe-net lobok yosolar-e, konak yamuksa woragwi wene min lobok yusu-o. Sion imiri yurak wene min lobok yosolat-nen yosolar-e: ”Kenmbal Pem Nagawan-e Nagawan-nen yusu-o!” luk yusu-o.

YESAYA 60:19

Lengge-ge mo kebem yarosolat, nde, kubu-ge waneya-nen yaya rak kobosolat wolma bug-o. Nagawan Indo an-e pem irit kat yaya rak koboso kwat yosolar-e, pempa nabinal-nen yaya rak kobosolat woramin-o.

NDANIEL 10:12

Men yosolakmu, at-nen an yak norosolar-e: ”Ndaniel wa-e. Kwiye kasu-ge meyog-o. Kat-nen kindi nggat nggat worak kwat yurak pem ’nindi teberak peyeg-o’ luk yebet karuk, kindi teberak pigen iri na tarem-net kat-nen tepan yigen-e Mbal Pem Nagawan-e abu kolamu-o. Nde, an lobok yigi yu-ge kat-nen tepan yigen iri bem nibil lobok yij-o.

NDANIEL 6:16

Nde, ap ereba na nagawan eram tuguruk wok yogolat-nen yogolar-e: ”Nagawan wa-e. Meria min Perisia min-nen pempa kwarogolat wolmomtak watsa pidnak wene ereba na bem-nen nagawan kat-nen wirik pidnak wene-ge nden kalik penden kalik yurak wene-ge lag-o yidnak iri na kindi yebet ki-o” luk yak tiga-o.

OSEA 1:9

Nagawan Indo-nen an yak norosolar-e: ”Isarael nab-e an nilirag-e lak. An na it Enmbal Pem Nagawan-e lak me, la iri unu-ge ’An nilirag-e lak’ yari-o” yak nirij-o.

LUKAS 1:13

Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

LUKAS 1:30

Yebet kasoma-ge, aid nap-nen kwe na yak tosolar-e: ”Maria wa-e. Mbal Pem Nagawan indi alen kat kebem pidnak me, kwiye kasu-ge meyog-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

2 KORINTUS 12:9

Alat nde, Nagawan Indo-nen nene erep nggarosolar-e: ”Kat ndeyak yidnak pem an namawi-ge iminep mbal yusu me, an-nen idnak we wok ondoso elem-e kat kamanggim-e ndak-nen yusu-o” luk yij-o. Iri bem-e, Kerisut amawi an nebem mbumag-o luk an ndeyak yidnak pem an nindi kek tak posolar-e, an nalin nalen kasu-o.

EPESUS 3:16

An-e Mbal Pem Nagawan emengen mbarosolar-e: ”Kat kunu kek tak woraso utlud lombok iri-nen kat Kindi ebem-nen it inndi amawi rak posolat, inndi tugup lak tak posolat,

TUGURUK YIDNAK WENE 20:1

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.

WENE MBENARUGWI NAP-NEN KWARIDNAK WENE 6:16

Yosoloma, Nagawan Indo-nen yosolar-e: ”An-nen yongga kirimin me, kar-e mondok ndak-net yusu-o. Kat-nen-e misiget nap imin wim mbaridnak nggal, Mirian nap mondok pendaga lak tak unpugun iri-ge mondok te-nen yusu-o” luk yij-o.