YESAYA 40:2 - Nanduk Ngget Tul Pidnak Wene

² Kit-nen Yerusalem nap inndi wi yabogolat-nen yak ondogolar-e: ’Ininggiyapma rak kunpuruk woragwi mende-ge lak yij-o. Kit-nen meya kwarugwi mende-ge an-nen nemberam tak pigi-o. Kit-nen meya kwarugwi oboksa ereba na bem-et Nagawan Indo an-nen angin worag-e mberen pem nambena kenpem pigi-o’ luk yij-o” yak ender-o.

YESAYA 40:2 ပူးပေါင်းရင်းမြစ်များ

NDAK WIRIDNAK WENE 34:3

Iri lug-et nde, at indi-ge Ndina ebem wat tak purug-e, at Ndina-nen indi at ebem purak pem tula kore yosolat woragij-o.

NDAWI ENGGA 32:1

At meya yidnak amberam tak posolat, at-nen lugud tak kwaridnak pem ”Meya kwarigi-o” yosola, ”Ereba mag-o” luk wene lak tak pidnak nab-e alen kasolat wolmag-o.

AID WENE YOSO NAP 3:4

Mbal Pem Nagawan-net wat tak posolar-e, yip turak tarem min nda turak tarem min tabun purak tarem min kot kudtak tarem min

YESAYA 33:24

Nit wulmul sa nennggendumu-nen mbi andi-nen yane mbi worogolat wolma bug-o. Meya kwarugwi oboksa amberam tak puwa-o.

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

YESAYA 49:25

Iri yogola, Nagawan Indo-nen onggo yosolar-e: ”Kit-nen kwat ma bug-o luk perali iri nggal-et kwat ma-o. Wim wari-nen kugun pem wanidnak nap tuguruk mengga wanogolat, insilepma worak nap-nen kugun mengga wanidnak silobulo ereba na tuguruk mengga wanogolat kwaruwa-o. Iri kwat ma iri-ge an nondomok-nen kunuwim nab-e ondosolat, nde, kit kinlirag-e inmiri yimin-o.

YESAYA 53:5

Alat nde, ar-e nit-nen meya yidnak pem tege kundugu obogolat, nit-nen meya kwarugwi bem linggamburok worogolat kwariga-o. Nit ninmiri yuwakluk ar-e anggun panggun kagaij-o. At aboro tap yonok lonok mbosolat, mep yolo mbid ereba na-nen-e ki rak ninpij-o.

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YESAYA 54:15

Ap-nen nde kebem mbud yogola-ge, iri-ge an nindi-n pidnak pem ma-ge lag-o. Ta-nen nde kat kimin wim mbarosola-ge, iri-ge wosa mbuwa-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

YESAYA 6:7

kan ngen iri na imin marig-et nemnde bem posolat-nen yosolar-e: ”Kan ngen yu-nen imin marig-et kemnde bem yid iri-nen yawo-ge kat-nen lugud tak kwaroso-ge Nagawan Indo-nen korak posolat, kat-nen meya kwaroso-ge amberam tak pij-o” luk yak nirij-o.

YESAYA 61:7

Kit kinnggiri kagolar-e, mberen pem-et nambena kagolat, wisi tebal konpogolat, nggweyel konpogolat kwaridnak me, kit kunuwi silmu woragolar-e, onggo-ge mberen pem-et nambena wanogolat, lak momtak puk enalin enalen pem woragwi elem irit wanugub-o.

YESAYA 66:13

Iniyarak-nen inlirak yongwen unpugwi nggal, kir-e Yerusalem-nen yongwen kinpimin-o.

NDANIEL 12:4

Iri yosoluk, aid nap iri na-net tuguruk yak norosolar-e: ”Ndaniel wa-e. Yawo-ge engga iri-ge lombok tak pi-o. Iri rak purug-e, lombok tak irit worasoma, i worok tak purak tarem wok makluk, lop nok tak pugwi mende lop nok tak pi-o. Nde, ap kwarat-nen: ’Kwat yusu mende ereba na-ge iri nggal kwat yusu-o’ luk, lombot pugwi wal kagolat wolma-t nde, it-nen iri kwaruwa ereba na-ge ebe-ge kwat ma bug-o” luk yak nirij-o.

NDANIEL 12:9

Iri yosolukmu, at-nen onggo yak norosolar-e ”Ndaniel wa-e. Wene yeba-ge kura teberak nak irit worasoma iri-net i worok tak puwa tarem wok yurak me, kar-e yawo-t mbiri-o.

NDANIEL 9:12

Kat-nen-e nit-nen idnak nagawan min nit min ’Kwat kinpimin-o’ luk urul yak nindigen ereba na ndak ndag-et kwat ninpigen-o. Iri kwat nonposolar-e, nggweyakma yu me-nen mbi o siri misik mbi yu nggal-e kwat inpigit lag-et nde, Yerusalem nenpem-e mondok angin worak irit mberak pigen-o.

OSEA 2:14

Nagawan Indo-nen yosolar-e: ”Iri bem-e at iri-ge an-nen nembaga waruk mbirimindik, indi yanggonosolat abuwa min-et wene yak timin-o.

OSEA 2:16

Iri yosolar-e, an nimin-e ’An-nen idnak Mbaal-o’ yoso iri na-ge keya buruk, an nimin-e ’An nun-o’ luk yuwa-o.

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.

SAKARIA 9:12

Mbo kinpidnak nap yawo kinndi at ebem mbung mbung tak worali nap wa-e. Tuguruk lobok yer-o! Kit kinmiri yurak sa tuguruk lobok yer-o. Mondok kwara koler-o: Kir-e pempa andi bandi kagolat woragwi bem-e an-nen-e mberen pem nggal nambena imbiringgat tak konposolat woramin-o.

YIDNAK YIDNAK WENE 1:7

Yogolikma-ge, at-nen engga yak ondosolar-e: ”Yi tarem ndi tarem iri-ge an Neid ondomok amawi bem-nen lud tak pidnak iri-ge kit tet kenaru momtag-e lag-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

NAM PARA WENE 18:6

Kwe iri-nen kit kwat kinpid nggal-et kit-nen na iri nggal-et kwat uburag-o. Onggo at wok togolar-e, at-nen kwaridnak onggo-ge mberen pem tak paga wok turag-o. At-nen kit kenmanggim nat karuksa lid lud tak pidnak yi amawi-ge te nggal-et nde, kit-nen-e nat karuk tak pidnak yi amawi mberen pem nambena at idmbe arem kenanggo burag-o.