YESAYA 40:18 - Nanduk Ngget Tul Pidnak Wene

¹⁸ Iri ala karug-e, Mbal Pem Nagawan-e ta nggal nde at imin ndak wurugun-o? Kat-nen-e at nggal-e ta nde kasu-o?

YESAYA 40:18 ပူးပေါင်းရင်းမြစ်များ

AYUP 40:9

Kar-e kamawi-ge an namawi ndak ndak-nen yusu-a? Kat kene-ge an nene o nggu nggal yoso iri nggal yugun-a?

NDAWI ENGGA 113:5

Nagawan Indo nit Nenmbal Pem Nagawan iri nggal-e ta nggal worasu-o? At ondoro-ge teram eid me koreyak woraso-t nde,

NDAWI ENGGA 89:6

Nagawan Indo wa-e. Mbal pem-e kat nggal mbi misik worasu bug-o. Aid arem woragwi-nen kat ndak ndak mbi worali bug-o.

NDAWI ENGGA 89:7

Marak nap ennggendumu-nen na kar-e kek tag-et kibili-o. Kat keralu ereba enaye-ge kali-t nde, kat kaye-ge terak minig-et kali-o.

NDAWI ENGGA 89:8

Nagawan Indo Mbal Pem Nagawan Mondok Kamawi Worak wa-e. Kat kamawi nggal amawi worag-e ta-o? Nagawan Indo wa-e. Yi mende ndi mende bem oboksa-ge kar-e mot mot tugup lag-et kwaroso-o.

MBIRIGA WENE 15:11

Nagawan Indo kabinal worak kek tak wa-e. Nin Mbal Pem Nagawan ngge nggal-nen kat kimin ndak wuruwa-o? Nagawan Indo kat-nen kwiye worak mende min wi yurak mende min kwarusu yeba nggal-e ta nggal-nen kwaruwa-o?

MBIRIGA WENE 20:4

Kir-e mbal pem woraso mende min nggweyak pem woraso mende min yi nggweyak-urugwe nggwe arem woraso mende min ut memera kondomok kenmanggim ndak wosa purak pug-o.

MBIRIGA WENE 8:10

Yosoloma, nagawan iri-nen yosolar-e: ”Kub-et tepan namanggim yurag-o” yosoloma, Musa-nen yosolar-e: ”An-e nap kat-nen nggi yigen irit kwarumu-ge kat-nen-e: ’It Enmbal Pem Nagawan iri nggal Mbal Pem Nagawan nin mbi worasu bug-o’ luk karu ma-o.

MBIRIGA WENE 9:14

Nde, yawo-nen lak tak unpurak mende pil lobok yimin iri-ge keyabu wanugwi nap min kat-nen tenagidnak wi woragwi nap min it nak enpem pimin-e lag-o. Alat nde, kat-nen an nebarosolar-e: ’At nggal mbi yi wi ndi wi worasu-ge mondok lag-et kagi
’ luk karu yonok-nen-e kat min-et kebem pil lobok yimin-o.

YESAYA 40:25

Kat-nen-e Mbal Pem Nagawan Mondok Marak iri nggal-e ta nde yik kasu-o? Kat-nen-e at imin-e ta nde ndak wurugun-o?

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YESAYA 46:5

Nagawan Indo-nen yosolar-e: ”Ta nggal nde an nimin ndak ndak tak pugub-o? An nimin ndak ndak tak purak mbi worasu, lak?

YESAYA 46:9

Nanduk ereba-nen kwat yid ereba na kwara kinndi yebet ker-o. An nimin-e kit-nen-e: ’Ar-e Mbal Pem Nagawan-net yusu-o. Nin mbi worasu bug-o. Ar-e Mbal Pem Nagawan-nen yusu-o. At nggal nin mbi worasu-ge lag-o’ luk yer-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

YIDNAK YIDNAK WENE 17:29

Nde, nir-e Mbal Pem Nagawan-nen wigal ninpidnak me, nit ninndi-nen peragolar-e, Mbal Pem Nagawan abage-ge emas posid min perak posid min kerep min-nen ap inndi tenggerak pem ininggi-nen konidnak mende ereba ndak ndak-nen yusu-o luk pururak pug-o.

TUGURUK YIDNAK WENE 33:26

Isarael nap wa-e. Kit Kenmbal Pem Nagawan nggal mbal pem nagawan mbi worasu bug-o. Mbal pem-e at nak eyaya bem waring kasu-o. Kit yongga kondosolar-e, nggan nggan kuburusu-o.

TUGURUK YIDNAK WENE 4:15

Kit-nen-e kagit lag-et nde, Sinai ndobo bem-nen kanduk arem-nen Nagawan Indo-nen wene yak kindid iri na-ge mondok kwara kinndi yeberak wolmer-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

1 SEMUEL 2:2

Nagawan Indo nggal marak mbi mondok worasu bug-o. Kurak yurak ondoro wok ondoso Mbal Pem Nagawan iri nak worasu-o.