YESAYA 32:6 - Nanduk Ngget Tul Pidnak Wene

⁶ Ap wid-nen-e indi lak wene nak wirik posolat, meya kwarurak nag-et yebet kaso-o. Nde, ap-nen kwaroso min at-nen yoso min ereba-ge Mbal Pem Nagawan nggweyel uburak mende nag-et yoso-o. Ar-e ap nere woragola na mak ondoso buk, ap yi nere woragola na yi mak ondoso buk-nen yusu-o.

YESAYA 32:6 ပူးပေါင်းရင်းမြစ်များ

NGGOMO WENE 24:7

Ap wid-nen-e inndi nggat nggat elem iri-ge yebet kudtag-e meya me, ap-nen nggok wene ereba na yogola-ge, at-nen erep wanurag-e meya-o.

YESAYA 31:2

Nagawan Indo iri-ge mondok indi nggat nggat worak me, at-nen kwarurak iri-ge ar-e aru-o. At-nen lak tak onposo mende pil lobok yosolat, meya kwarugwi nap min it yongga undugwi nap min ereba na ”Enpem angin worak pimin-o” yidnak iri-ge ndak ndag-et kwaroso-o.

YESKIEL 34:18

Kit kennggendumu ereb-e tusuangge miri ereba na lak tak pili-t nde, kenpem-e lasu bug-o. Alat nde, tusuangge ebis ninggit lak ereba kunuwok nak-nen lal wiril mborogolat, yi konak kopkap lak ereba na nurug-et nde, yi norak sa erengen miri ereba na unggul tak pogolat kwatli-o.

NDANIEL 12:10

Ap kwarat inndi ngara iminep mbara keya unpuwa-o. Nde, meya kwarugwi nab-e wene yeba-ge yebet kagit lak, meya nak irit kwat tenak wolma-o. Nde, inndi nggat nggat worak nap nak-nen perak yeba-ge iri nggal-o luk yebet kujwa-o.

AMOS 8:6

Nggandum mbato meya yidnak ereba na-ge nir-e onggo keksa wene wurul-o. Nde, insilobulo lak nap-nen namat wanogolar-e, onggo-ge unuwok sum misiget onggo pugwi ndak ndag-et marik wanidnag-et nde, uwi yaburak meya ala, ndegel nunpurak nap tak unpuwog-o” luk yili-o.

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.

1 SEMUEL 24:13

Nanduk-nen wene ijambo yogolar e: ’Meya kwarugwi iri-ge meya kwarugwi nap nak-nen kwarugwi-o’ luk yugwi iri-ge kar-e karu-o. Iri bem-e nagawan kat kimin-e an-e mariget tet andi bandi rak kibimin pug-o.